Julie - Gkkandelaar.co.za

More documents

Recommendations

Info

Die oorlog wat nie ’n oorlog was nie “If the Boers did not at once lay down their arms, they should be exterminated wherever they fell into our power” – Londonse dagblad, Daily Gazette, Oktober 1900, na groot oorwinnings deur generaal De Wet. Toe begin moordkampe. Boerderye met kos word vernietig. Verskroeide aarde. Kerke word afgebrand. Dit is nie ’n koerantjoernalis wat met hierdie opskrif die aandag wil trek nie, maar dit is ’n historiese feit dat die Anglo-Boereoorlog aldus beskryf is: Dis geen oorlog nie! En let wel, dit was ’n Engelsman self, die leier van die Britse Opposisie in hulle parlement wat openlik verklaar het: “Ons oorlog in Suid-Afrika is barbarisme!”. Dit was op die 14de Junie 1901 wat sir Harry Campbell-Bannerman uitdagend uitgeroep het: “When is a war not a war?” Hierop was sy duidelike antwoord volgens die stem van sy gewete: “When it is carried out by methods of barbarism” (SB Spies, Methods of Barbarism, p. 9). Groot-Brittanje kon die oorlog nie op die slagveld wen nie Dit is ’n onomstootlike feit wat vandag selfs deur Engelse historici erken word: Op die militêre slagveld was Groot-Brittanje met sy oormag van 10 teen 1 soldate en oorweldigende wapentuig en swawel-gif van die Howitzerkanonne (liddiet-bomme, bv. by Magersfontein), nie in staat om die Boere te oorwin nie. Die grootste en beroemdste Engelse generaals soos Roberts of Kandahar (Afganistan), Kitchener of Khartoem (Sudan) en Methuen het telkens in die stof gebyt teen die strategie van manne soos De Wet en De la Rey. Na generaal De Wet se ongeloofl ike oortog en oorwinning by die Magaliesberge op 18 Augustus 1900, was 22 • Augustus 2012 – Herdenking van die Anglo-Boereoorlog. 110 jaar gelede – lord Roberts, die hoofgeneraal, so moedeloos dat hy sinies uitgeroep het: “It is only a waste of men and power wandering about the bush after an enemy who will never be captured” (L. Scholltz, Generaal De Wet as Veldheer, p. 165). Hierop het Roberts sy tasse gepak en na Engeland teruggekeer. Op 7 Maart 1902, het generaal De la Rey die Engelse oormag van Methuen so verpletterend by Tweebosch (digby die dorp Coligny) verslaan, dat hulle hom as ’n gewonde gevang het. Die skok was so groot vir generaal Kitchener dat hy fl ou ineengestort het en vir drie dae op sy bed in afsondering gelê het en op ’n eetstaking gegaan het (PG Cloete, The Anglo-Boer War, p. 310). Op 28 Desember 1901 is Kitchener so platgeslaan deur De Wet se verpletterende oorwinning oor die Engelse by die slag van Groenkop, te noorde van die dorp Kestell, dat hy in paniek na Londen telegrafeer: “As long as De Wet is out I can see no end of the war. If we can only manage to catch him, I believe all others are heartily sick of it” (PG Cloete, The Anglo- Boer War, p. 287). En so het die Engelse die “methods of barbarism” nog erger gemaak totdat die Boere geen keuse meer gehad het nie, as om oor te gee. Enkele skokkende feite en statistieke oor die barbaarse oorlog 1. Teenoor die 7 865 Boere-krygers (op die slagveld en in krygsgevange-kampe) wat gesterf het (Ensiklopedie vd Wêreld, deel 1, p. 398b), het ten minste 34 000 vroue en kinders in ’n korter tyd in 58 konsentrasiekampe gesterf en is op plase vermoor (Rapport, 20 Mei, p. 12). Waar in die wêreld was daar ooit so ’n oorlog? 7 000 soldate sneuwel op die slagveld – 34 000 weerlose vroue en kinders word gedood; byna 5 keer soveel! 2. 65 000 plaaswonings en buitegeboue is verbrand en alle boerderye verwoes (T Packanham, The Boer War, p. 537). In die dorp Vryheid is die Gereformeerde Kerk se kerkgebou afgebreek om ’n Engelse fort te bou (Eerste notule van die kerkraad in 1903). Baie kerke en pastorieë is eenvoudig afgebrand; van die Gereformeerde Kerke bv. Ventersburg, Petrusburg en Lindley en van die NG Kerk baie meer. President Kruger se predikant hier in Pretoria, ds. Petrus Postma, is tronk toe gestuur en later na Indië verban. 3. In die Vrystaat alleen is 7 miljoen skape van kant gemaak sodat die mense wat oorgebly het, geen kos kon kry nie (SB Spies, Methods of Barbarism, foto nr. 29). Lord Roberts, opperbevelvoerder van die Engelse, se goddelose proklamasie op 18 November 1900 was soos volg: “All cattle and food stuffs are to be removed from all farms, if that is to be found impossible, they are to be destroyed!” (PG Cloete, The Anglo-Boer War, p. 199). So is feitlik alle vee met bajonette en Lee Metfords uitgedelg. 4. In 1902 het die Engelse in Transvaal alleen, 50 488 (in die Vrystaat minstens 20 000) van die inheemse bevolking (swartmense) met Lee Metford-gewere teen die Boere bewapen en het daardeur die euwel “rassisme” in Suid-Afrika geplant (SB Spies, Methods of Barbarism, p. 279). Die Boeremag wat oorgebly het was skaars 4 000! Dit was nog nie die ergste
nie. Die barbaarse lied “Skiet die Boer”, is doelbewus deur die Engelse geskep; vergelyk die metode van majoor Porter van Heilbron wat 5/- (vyf sjielings) per kop aan elke swartman betaal het vir elke Boer wat hulle vermoor. Daarvoor het Porter ’n “Log book” aangehou (vgl. my boek Op die bodem van die Vaaldam, p. 79. So is my moeder se neef, Phillip Roets, as ’n magtelose gewonde, op die plaas Benadesbank vermoor). Vergelyk ook verder (slegs één voorbeeld) van die bloedbaddens wat die Australiese troepe, die sogenaamde Bushveld Carbineers in Noord-Transvaal aangerig het op bevel van “Skiet die Boer”: Agt krygsgevangenes is op 23 Augustus 1901 na ’n geveg summier doodgeskiet. Nog nie tevrede nie, het hierdie Australiërs op dieselfde dag die prediker van die Evangelie, eerw. CA Daniel Heese (sendeling), vermoor omdat hy ooggetuie van die dood van die krygsgevangenes was. Die aanvoerders van hierdie gruweldade – laat ons maar die name noem – , was majoor RW Lenehan en die luitenante HH Morant, A Picton, PJ Han<strong>co</strong>ck en GR Witton. Hierdie offi siere is op 16 Januarie 1902 op Pietersburg deur ’n krygsraad aan moord skuldig bevind (J Ploeger, Die Lotgevalle van die Burgerlike Bevolking gedurende die ABO, pp. 30- 33; PG Cloete, op. cit. p. 294). Baie ironies: Nog onlangs (2010) was daar ’n beweging in Australië, gesteun deur hulle regering om die bogenoemde offi siere se name in ere te herstel! Die Privy Council in Londen het dit egter afgwys. Hoe kan ’n koelbloedige moordenaar weer ’n held word, ’n sogenaamde “vryheidsvegter”? Krygsgevangenes as “swear nots” (Afrikaans, swernoot) gebrandmerk Ag ja, hoe bitter swaar was die lyding van die duisende krygsgevangenes op die verre eilande van St Helena, die Bermudas, Ceylon (Sri Lanka) en in Indië. Onder hulle was talle ou manne van 80 en meer wat nooit geveg het nie en klein kinders van ses jaar wat eenvoudig sommer uit hulle wonings verwyder is (vgl. E Wessels, Bannelinge in die verlede, 2010). Baie van hierdie bejaardes en kinders se grafte lê vandag nog verstrooi in die verte. Toe van hulle nie die eed van getrouheid aan koning George V (na die dood van Victoria) van die Empire wou afl ê nie, word hulle buitengewoon gestraf: As die oorlog verby is, word hulle nie toegelaat om huis-toe te gaan nie, maar bly as gevangenes aan (my oupa was een – VE d’A). En toe het die Engelse hulle uitgeskel as “swear nots”. In die Afrikaanse taal het die woord swernoot ontstaan, iemand wat ’n skobbejak is. Kitchener se plan van uitdelging: Verban die Afrikaanse volk na die Fidji-eilande! Toe die magtige Britse militêre masjien (destyds die sterkste op aarde) in 1901 nog nie die Boere van Transvaal en Vrystaat kon verslaan nie, het lord Kitchener met ’n nuwe diaboliese plan gekom. Afgesien van die oorlog teen vroue en kinders waarvan toe alreeds 20 000 in agtien maande se tyd in 58 konsentrasiekampe afgemaai is, skryf die militêre aanvoerder aan sy minister van oorlog, sir John Brodrick, op 22 Junie 1901: “Verban die hele Boerevolk na die Fidji-eilande, ‘or get some foreign power to take them, such as France to populate Madagascar. Send all the prisoners of war there and let their families join them…’” (Spies, op. cit. p. 235). Hierdie plan van generaal Kitchener, opperbevelvoerder van die Britse militêre magte, was naas die volksmoord van vroue en kinders, uiters wreed. En na die verwoesting van al die plase, landerye en veestapels sodat die Boere nie kos het nie, was dit só duiwels, só barbaars dat ’n mens dit nie onder woorde kan bring nie. In die wêreldgeskiedenis staan dit aangeteken as een van die wreedste misdade van ’n wêreldryk teenoor ’n klein volkie wat hulle nie militêr na twee jaar kon oorwin nie. Niemand anders as die bekende generaal JC Smuts skryf in 1901 van hierdie goddelose plan “dat die vyand nog verder sal gaan en ons vroue en kinders oorsee sal vervoer om daar soos kraaie te sterf, soos ons burgers in Ceylon…”(Spies, op. cit., p. 235). Die Engelse militêre owerheid het die Afrikaners as “uncivilised savages” beskou Wat was die redes vir die ongebreidelde haat, smaad en uitdelgingswraak teenoor die enigste Christelike volk in die groot kontinent van Afrika? Hoe is dit moontlik dat ’n gekerstende volk van Europa wat spog met hulle “christelike godsdiens” en majestueuse katedrale en “English Fairplay” die grootste, barbaarse geweld teen die klein Boerevolk laat losbars het? Onder verskeie redes is daar veral twee: 1. Die onheilige ideologie van die imperialisme. Van koningin Victoria tot by die Engelse Tommie met sy Lee Metford-geweer, het hierdie bose lewensbeskouing die Engelse volk in die 19de eeu só erg meegesleep dat dit vir hulle ’n religieuse passie geword het “for God, Queen and Country”, soos dit bv. oral in hulle katedrale staan. “Brittania Rule the Waves!” Regeer die aardbol! En so het hulle teen die einde van die 19de eeu 20% van die wêreld se bewoonbare oppervlakte besit. Rhodes se slagspreuk Augustus 2012 • 23
Page 1 and 2: KERK EN WOORD Maandblad van die Ger
Page 3 and 4: Skrifoordenking Lees: 1 Korinthiër
Page 5 and 6: ely, fi sies en psigies verwoestend
Page 7 and 8: het die pad aan, laat hulle wei, re
Page 9 and 10: wat deur die begeerlikhede van die
Page 11 and 12: BELANGRIKE BOEKBESPREKING Christles
Page 13 and 14: Hoekom mag kinders nie die nagmaal
Page 15 and 16: ‘Gemeente-kommunikeerder’ Gelie
Page 17 and 18: Studente word ook aangemoedig om se
Page 19 and 20: KORTVERSLAG VAN DIE VERGADERING VAN
Page 21: Besluit: ‘n Kommissie bestaande u
Page 25 and 26: Eerste Protestante in Korea In 1628
Page 27 and 28: gevoelens tussen broeders. Gedurend
Page 29 and 30: alles probeer die satan die mens ve
Page 31 and 32: deelneem aan hierdie stryd. Soos wa
Page 33 and 34: aangevuur deur al die goeie kattekw
Page 35 and 36: Ons het gehoor…. Scatterbrains -
Page 37 and 38: ONS ‘F’AMILIE Gesin Eduard en T
Page 39 and 40: Die Heilige Nagmaal Omkring die woo

Julie - Gkkandelaar.co.za

You also want an ePaper? Increase the reach of your titles

Delete template?

Save as template?