Julie - Gkkandelaar.co.za

More documents

Recommendations

Info

en drink as hy van hierdie brood eet en uit hierdie beker drink nie (1 Kor 11:29).” Ons haal weer Ds Visser aan as hy sê: “Nogtans dreig ook ‘n sekere gevaar as ons baie aandag en klem op die voorbereiding op die Nagmaal lê. Die gevaar is dat vir ons die Nagmaal, een keer in die drie maande, belangriker word as die ontmoeting van die HERE en Sy gemeente elke week op die Sondag. Ook dan is dit die Heilige Gees wat in ons midde is. Ons voorbereiding op elke kerkdiens mag nie minder wees as op die viering van die Nagmaal nie. As daar in ons lewe dinge is wat in die pad staan van ons omgang met Nagmaal Die venster bo die kansel blom in die oggend lig terwyl by brood en beker God Sy gemeenskap stig. En eeue-oue woorde kr y weer betekenis: onthou dat dit My liggaam en My bloed vir julle is. Barmhartig en genadig kom God by sondaars tuis verenig Hy in liefde sy tempel en sy kruis. Neels de Klerk 2 • Augustus 2012 die HERE moet ons daarvan ontslae raak voordat ons Hom saam met Sy volk in die erediens ontmoet. As iets met ‘n broer of suster nie reg is nie mag ons nie tot die Nagmaal wag nie. Ook dan geld dat ons voor die erediens doen wat die Here Jesus in Mat 5:23-25 sê: ‘as jy dan jou gawe na die altaar bring en dit jou daar byval dat jou broeder iets teen jou het, laat jou gawe daar voor die altaar en gaan versoen jou eers met jou broeder, en kom dan en bring jou gawe. Wees gou goedgesind teenoor jou teënparty so lank jy nog saam met hom op die pad is.’ “Hoe belangrik is die selfbeproewing! Hoe belangrik is dit met die oog op elke kerkdiens en ook met die oog op die Nagmaal. Ons wil vanoggend in die besonder oor die werk van die Heilige Gees nadink en sien wat dit vir die selfbeproewing met die oog op die Nagmaal beteken”, aldus Ds Visser. Lees veral die Skrifoordenking wat ook hieroor gaan. Dan is daar ook ‘n artikel waarom kinders nie die Nagmaal kan bywoon nie asook ‘n paar ander Interessante artikels wat hierdie maand ver skyn. Lekker lees en diep insien in die dinge wat van God gegee is.
Skrifoordenking Lees: 1 Korinthiërs 11:17-34. Tema: Paulus wys dat die viering van die Nagmaal ’n ernstige saak is. Geliefde gemeente van ons Here Jesus Christus, Vandag gaan dit oor ’n toets wat ons moet afl ê. Seuns en dogters, wanneer die skoolvakansies aanbreek, kan jy by die dagskool jou boeke en lesse vir ‘n wyle eenkant laat. Voorlopig hoef jy nie meer daaraan te dink nie. Dis nie so in Christus se skool nie. As Christus se leerling het jy altyd met jou Meester te make, elke dag, ja, selfs elke oomblik van jou lewe. Jy kan Sy lesse, Sy leer, die leer van die Skrifte, nooit tersyde lê nie. Dit laat jou nooit los nie. Jy is voortdurend besig met ’n toets, so te sê. Jy word getoets voor God. Ondersoek julle self Paulus noem hierdie toets in sy brief aan die Korintiërs. Die Christene daar word aangespreek as die geheiligdes in Christus Jesus, die geroepe heiliges. Hulle is geroep om Christus se toegewyde leerlinge te wees. Aan die heiliges skryf Paulus in 2 Kor 13:5: “Ondersoek julself of julle in die geloof is; stel julself op die proef. Of is julle nie seker van julself dat Jesus Christus in julle is nie – as julle tenminste nie verwerplik is nie.” Leef jy werklik in die geloof? Is dit sigbaar dat Christus in jou is? Hoe is dit sigbaar? Bepaal Christus werklik jou houding en gedrag? Ondersoek jouself om te sien of jy in die geloof is, toets jouself. Dit is selfondersoek na die Bybel. Dis nie ’n godsdienstige psigoanalise nie. Ook nie ’n na binnegekeerde ondersoek om te sien wat God in my hart gedoen het nie. Dis geen analise om te bepaal of ek in myself waardig is nie. Nee, selfondersoek na die Skrif is om my lewe en gedrag aan die Woord van God te toets. Glo ek die woord van God en wys ek dit in my lewenswandel? Maar wanneer moet ek myself ondersoek? Slegs een keer in die drie maande, net voor die viering van die heilige Nagmaal? Is dit om díe rede dat ons probeer om daaraan aandag te gee op die Sondag voor die viering van die Nagmaal? Natuurlik nie. Die selfondersoek moet daagliks plaasvind, nie net voor die Nagmaal of voor die weeklikse erediens nie. Ek moet myself voortdurend toets in die lig van God se woord. Dis ’n aanhoudende roeping: ondersoek jouself, bly jouself ondersoek of jy in die geloof is. Dit sou baie onskriftuurlik wees om dit te beperk tot net ’n paar keer per jaar. Wanneer jy byvoorbeeld iets teen ’n broer of suster het, moet jy probeer om dit onmiddellik reg te maak. Daarvoor moet jy nie wag tot die week voor die Nagmaal nie. Ek moet myself elke dag ondersoek. Leef ek werklik as ’n kind van God? Ja, wat beteken God vir my? Glo ek opreg in God? Is dit werklik my ‘n lus en ‘n liefde om volgens die wil van God in alle goeie werke te lewe? Of doen ek dit net uit gewoonte, of omdat dit van my verwag word? Hierdie daaglikse selfondersoek is nie net vir ’n beperkte groep kerkgangers nie. Selfs die kinders, julle, seuns en dogters, moet leer om jul lewe daagliks aan die Bybel te toets. Hier het ons as ouers ’n groot verantwoordelikheid. Die Bybel is die norm vir ons geloof en lewe as ouers en kinders. Daaglikse selfondersoek kan lei tot opregte nederigheid voor God, ’n opregte bede vir vergewing en vernuwing. Wanneer Paulus die selfondersoek in ons teks noem, dan wys hy spesifi ek op die manier waarop die Korintiërs die Nagmaal gevier het. Die Korintiërs moet hulleself ondersoek met die oog op hul viering van die heilige Nagmaal. Hulle moet nagaan of hul houding en gedrag ooreenstem met die aard van die Nagmaal. Die viering mag nie op onwaardige wyse plaasvind nie, op ’n manier wat vloek met die karakter van die Nagmaal. Om die heilige Nagmaal te vier is ’n ernstige saak. Dit moet afgestem wees op die heilige sakrament. Wat is dan die verskil tussen 2 Kor 13 en ons teks? Die selfondersoek waaroor Paulus praat in 2 Kor 13 is ’n daaglikse roeping vir jonk en oud, nie beperk tot die voorbereiding op die Nagmaal nie. Die selfondersoek wat Paulus in ons teks noem, wys spesifi ek op die manier waarop ons die Nagmaal vier. En die Nagmaal is nie iets wat jy elke dag vier nie. Laat ons let op wat die teks vir ons wil sê oor die selfondersoek met die oog op die viering van die Nagmaal. Paulus wys dat die viering van die Nagmaal ’n ernstige saak is. 1. Wanneer ek dit op onwaardige wyse vier, dan sondig ek teen Christus 2. Wanneer ek dit op waardige wyse vier, dan word ek deur Christus gevoed. Paulus spreek die ontheiliging van die Nagmaal deur die Korintiërs aan. In die vroeë kerk het die heilige Nagmaal aangesluit by ’n gewone maaltyd. Blykbaar het Augustus 2012 • 3
Page 1: KERK EN WOORD Maandblad van die Ger
Page 5 and 6: ely, fi sies en psigies verwoestend
Page 7 and 8: het die pad aan, laat hulle wei, re
Page 9 and 10: wat deur die begeerlikhede van die
Page 11 and 12: BELANGRIKE BOEKBESPREKING Christles
Page 13 and 14: Hoekom mag kinders nie die nagmaal
Page 15 and 16: ‘Gemeente-kommunikeerder’ Gelie
Page 17 and 18: Studente word ook aangemoedig om se
Page 19 and 20: KORTVERSLAG VAN DIE VERGADERING VAN
Page 21 and 22: Besluit: ‘n Kommissie bestaande u
Page 23 and 24: nie. Die barbaarse lied “Skiet di
Page 25 and 26: Eerste Protestante in Korea In 1628
Page 27 and 28: gevoelens tussen broeders. Gedurend
Page 29 and 30: alles probeer die satan die mens ve
Page 31 and 32: deelneem aan hierdie stryd. Soos wa
Page 33 and 34: aangevuur deur al die goeie kattekw
Page 35 and 36: Ons het gehoor…. Scatterbrains -
Page 37 and 38: ONS ‘F’AMILIE Gesin Eduard en T
Page 39 and 40: Die Heilige Nagmaal Omkring die woo

Julie - Gkkandelaar.co.za

Create successful ePaper yourself

Delete template?

Save as template?