Koring Produksie - Pannar Seed
Koring Produksie - Pannar Seed
Koring Produksie - Pannar Seed
Create successful ePaper yourself
Turn your PDF publications into a flip-book with our unique Google optimized e-Paper software.
Ten einde chemiese beheer suksesvol by koring toe te pas kan produsente die<br />
volgende faktore in ag neem:<br />
Klimaatstoestande speel ‘n baie belangrike rol in siekte-ontwikkeling.<br />
Opeenvolgende gunstige periodes vir siekte-ontwikkeling sal bydra tot siekte<br />
toename en gevolglike epidemiese ontwikkeling op vatbare kultivars. Die<br />
meeste swamsiektes floreer in nat jare wanneer daar goeie<br />
biomassa-ontwikkeling is en die potensiaal hoog is.<br />
Chemiese beheer moet nie onnodig uitgestel word wanneer koring op die<br />
vlagblaarstadium is, veral met blaarsiektes wat vinnig kan toeneem soos<br />
streeproes. Die graad van vatbaarheid van die kultivar, opbrengspotensiaal,<br />
groeistadium, die insidensie van die siekte in die land of in die omgewing sowel<br />
as heersende klimaatstoestande moet in aanmerking geneem word.<br />
Nawerking van die meeste swamdoders wat as blaarbespuitings toegedien<br />
word is drie tot vier weke. Die nawerking van swamdoders kan onder druk<br />
geplaas word wanneer daar met bespuiting nie goeie beheer verkry is nie<br />
weens swak spuittoestande of onder toestande van voortdurende siektedruk<br />
vanaf nabygeleë lande.<br />
In die geval waar ‘n vroeë toediening, voor die agt-blaarstadium, nodig was<br />
kan ‘n tweede toediening nodig wees sou gunstige omgewingstoestande vir<br />
siekte- ontwikkeling na die verstryking van die periode van nawerking<br />
voortduur.<br />
Siektes is nie almal ewe skadelik nie en die ekonomiese belangrikheid van<br />
siektes soos byvoorbeeld meeldou moet ook in ag geneem word.<br />
Wanneer koringaanplantings in ‘n hoë risiko area vir ‘n spesifieke siekte<br />
gemaak word, kan oorweging aan meer siekteverdraagsame of<br />
weerstandbiedende kultivars geskenk word.<br />
Die voorkoms van ‘n spesifieke siekte op ‘n kultivar wat as weerstandbiedend<br />
aangegee word moet aan die betrokke maatskappy deurgegee word. Die<br />
voorkoms van swaarder besmette kolle in ‘n land van ‘n siekte soos streeproes<br />
wat geplant is met ‘n weerstandbiedende kultivar kan daarop dui dat die<br />
patogeen die weerstand oorkom het. Weerstandbiedende kultivars moet dus<br />
net soos vatbare kultivars gemonitor word vir die voorkoms van siektesimptome.<br />
Chemiese beheer as saadbehandeling is dikwels nie lonend teen<br />
grondgedraagde siektes weens die uitgerekte groeiperiode waartydens die<br />
koringplant blootgestel is aan grondgedraagde patogene nie.<br />
Grondgedraagde siektes kan bestuur word deur wisselbou toe te pas en deur<br />
seker te maak dat grondfaktore soos verdigting wat stremming op die plant kan<br />
plaas, opgehef word.<br />
Opslagkoring en koringstoppel wat op die grondoppervlak voorkom dien<br />
dikwels as draers van blaarsiektes.<br />
Hou by die geregistreerde dosis en verdere etiketvoorskrifte ten einde die<br />
effektiwiteit van chemiese beheer te verhoog.<br />
25