Bybelse boublokke van karakter

More documents

Recommendations

Info

Die feit dat Paulus in 1 Timoteus 4:19 groete aan Onesiforus se huisgesin stuur, laat ń mens vermoed dat hy intussen dood is. Paulus se herinnering aan hom is soet. Die Griekse woord wat vir ‚opbeur’ gebruik word, anapsugo, beteken ‚om te verfris’ of ‚om koel te maak’. Onesiforus was soos ń koel hand op ń koorsagtige voorkop, of ń sagte verband op ń brandende wond. Hy het my dikwels kom verfris, soos ń heerlike reënbui. En hy het gereeld gekom, al moes dit vir hom moeite gewees het. Soos ń goeie verpleegkundige ken hy sy pasiënte se diepste behoeftes en voorsien mildelik daarin. Om Paulus te besoek, was ń missie. Want die Staat het die apostel as ń misdadiger beskou. En deur jou bloot met hom te assosieer, is jy reeds geïmpliseer. Wie weet, dalk het sy assosiasie met Paulus Onesiforus sy lewe gekos? G’n wonder die ander vriende bly weg nie! Maar Onesiforus was nie skaam vir Paulus se boeie nie. Hy soek Paulus tot hy hom kry (wat dalk selfs moeiliker kon wees as om iemand in ń Suid-Afrikaanse gevangenis te kry!) En nie net in Rome nie. Ook in Efese het Onesiforus dieselfde bediening gehad, om mense op te bou en op te beur. Hoe diep loop jou commitment aan jou vriende? Op hoeveel kan hulle staat maak? Hoe lojaal is jy aan hulle? Het jy die karaktertrekke van ń mens wat sy/haar lewe daarop rig om ander raak te sien vir wie en wat hulle is, hulle op te bou en te verfris, ń soet geur van hoop en genade in hulle lewe in te dra? So ń bediening bestaan uit inisiatief, beplanning, onselfsugtigheid, moed en moeite. En as jy by iemand staan wat ongewild is, of nie in tel is nie, mag die prys selfs hoër wees. As jy ń Onesiforus wil wees (of soos Jesus!), dan moet jy eers jouself afvra: Is ek bang vir ander mense se ‘boeie’? Dalk is dit iemand wat geboei is omdat hy/sy werkloos is, of geskei is, of gestremd is, of verwerp is, of misverstaan word, of beskuldig word van ń vermeende misdaad, of terminaal siek is, of moeilik is, of vreemdsoortig optree. Sien jy kans om ń Onesiforus vir so ń mens te word? Natuurlik is die beste plek om Onesiforus se bediening uit te leef, in ons eie huise – teenoor ons lewensmaats, kinders, ouers en ander familielede. Wat help dit jy wen die hele wêreld, maar jou eie mense loop verlore rond? En as jy uit die huis stap, hoef jy nie ver te soek om Onesiforus te wees nie. Talle mense is moedeloos en hoopverlore. Baie is in die gevangenis van ernstige of chroniese siekte. Of die gevangenis van ń tehuis of ń verhouding. Vir die Onesiforusse in die gemeente is daar ń spesiale belofte – Hebreërs 6:10. Die Here vergeet nie! ↸ Om ń Onesiforus te wees, het jy nodig: • Om onselfsugtig te wees, deur ander se behoefte voor jou eie te stel; • Om beskikbaar te wees, deur gewillig te wees om jou tyd af te staan; 8 | B l a d s y
• Om sensitief te wees, deur ander te help, en intuïtief aan te voel wat ander se behoefte is; • Om gedetermineerd te wees, bereid om mense te ondersteun ten spyte van struikelblokke; • Om positief te wees, deur verby die gegewe omstandighede te kyk en te hoop; • En om liefdevol te wees, vol genade en medelye en begrip vir ander mense. ń Joernalis het vir moeder Teresa gevra: Hoekom jou ophou met mense met geen toekoms, wat in elk geval besig is om dood te gaan? Haar antwoord: Hulle is deur God geskep; hulle lyk na Hom; hulle is waardig om ten minste ordentlik te sterf! Wat beteken Matteus 25:40 en Jakobus 1:27 in die Suid-Afrikaanse situasie van armoede, werkloosheid, HIV en Vigs en weeskinders? 9 | B l a d s y
Page 1 and 2: 1 | B l a d s y A L B E R TO N L S
Page 3 and 4: Wat kan ons by die Hebreërshelde l
Page 5 and 6: Dawid se reaksie is kort en kragtig
Page 7: 7 | B l a d s y DRIE: ONESIFORUS L
Page 11 and 12: Daniël is een van die drie magtigs
Page 13 and 14: 13 | B l a d s y VYF: Ń WEGLOOPSL
Page 15 and 16: 15 | B l a d s y SES: IN DIE DONKER
Page 17 and 18: 17 | B l a d s y SEWE: Ń GEBALANS
Page 19 and 20: Kyk weer na die drie beginsels wat
Page 21 and 22: Haar kenmerke in die huis, huishoud
Page 23 and 24: stel. Bid saam, en bid vir mekaar.
Page 25 and 26: Die vraag wat dit stel aan pa’s i
Page 27 and 28: leer. Want dan gebeur dit! Deel wat
Page 29: • Sy verhouding met die Here was

Bybelse boublokke van karakter

Create successful ePaper yourself

Delete template?

Save as template?