Bybelse boublokke van karakter

More documents

Recommendations

Info

4 | B l a d s y TWEE: ABIGAJIL SE ONDERSKEIDING Wie sal ń mens kies as jou rolmodel? Enige van die Bybelse figure wat in Hebreërs 11 ter sprake is, kan bestudeer word aan die hand van die Bybelse beskrywing van hulle. So ń studie kan gemaklik onderneem word, en met groot vrug. Kom ons gee aandag aan mindere karakters. Abigajil het ń belangrike rol in koning Dawid se lewe gespeel. Lees 1 Samuel 25:1-42 sorgvuldig en noukeurig by die huis deur. Dawid is as koning gesalf deur Samuel, alhoewel die jaloerse Saul nog op die troon is. So word Dawid Saul se mees gesogte staatsvyand en verraaier. Dawid moet vlug vir sy lewe – kyk wat sê 1 Samuel 22:1-2 van die mense wat hulle om hom skaar. So ontstaan ń leër van 600 man (1 Samuel 23:13). Op een stadium bly Dawid en sy mense in die wildernis van Paran, ver in die suide. Hier hou hulle hulle besig deur die mense wat as nomades in dié gebied bly, en hulle vee te beskerm. Wanneer dit skeertyd is, stuur Dawid van sy manne om vergoeding te gaan haal vir dié dienste. Dawid en sy manne moet immers eet! Die karakters in 1 Samuel 25 is Nabal en Abigajil. Kyk hoe word Nabal gekarakteriseer in verse 2-3. Hoor wat sy eie werknemers van hom sê, in vers 17. Sy naam beteken in Hebreeus ‚dwaas’, en dit lyk of hy opleef aan sy naam. ń Mens wat leef asof hy net homself moet dien, en geen rekenskap aan God in die hemel gee nie. Die woord wat in vers 3 met ‚regte korrelkop’ vertaal is, kashe, beteken ‚hard en ongenaakbaar, ongeskik, rof, ru, ongepoets’. Abigajil word beskryf in vers 3. Sy besit die gawe van onderskeiding, die vermoë om mense en situasies te ‚lees’ en daarvolgens op te tree. Want sy is nie so selfsugtig dat sy net aan haarself dink nie. Daarom beskryf die teks haar as intelligent maar ook goed. ń Mens wat kan onderskei is gereed en beskikbaar om na mense te luister, realisties oor die situasie, goedgeorganiseer en betroubaar. ń Derde karakter is Dawid. Alhoewel hy deur die Here geroep is om sy volk te lei, lewe hy nie in ń luukse paleis nie. Nee, hy leef saam met ń handjievol verworpelinge in die warm wildernis. Hy is die gejagte dier – lees sy woorde in Psalm 57:4-6. Hy is die gefrustreerde leier. En wat gebeur as Nabal se kortgeblakerdheid en Dawid se frustrasie bymekaar uitkom? ń Ernstige geval van padwoede. Eintlik vertel die verhaal van twee konfrontasies. Agter die storie broei ń konflik wat al lank kom, tussen Abigajil en haar man. Dawid se manne kom met hulle versoek in verse 4-8. Nabal se reaksie is in verse 10-11. Hy het geweet wie Dawid is, die man wat deur die profeet gesalf is.
Dawid se reaksie is kort en kragtig – vers 13. Sy motivering is in verse 21-22. Gelukkig vind Abigajil uit wat gebeur het – kyk na verse 14-17. Hoe reageer Abigajil? Sy berei ń fees vir Dawid en sy mense voor. En dan ry sy hulle tegemoet. Hoe benader sy Dawid? Met takt – sy verwys ses maal na haarself as ‘u slavin’ en na Dawid veertien keer as ‘my heer’; met nederigheid – sy tree in vir haar man alhoewel sy nie verby sy dwaasheid kyk nie (vv 23-25); en met lojaliteit aan Dawid en sy beste belange. Sy tree op in die wete dat die Here se hand op Dawid rus, en besef dat hy homself kan skade aandoen en sy nut vir die Here so verminder – kyk na verse 28, 30-31. Dawid is groot genoeg om te erken dat sy, ń vrou, reg is en dat hy op die verkeerde pad is. En hy is dankbaar dat iemand met onderskeiding die situasie reglees en hom te hulp snel. Kyk na verse 32-35. As Abigajil dan terugkom by die huis, wat doen Nabal? Kyk na vers 36. Hy steur hom nie aan die gevaar wat sy dwaasheid sy hele gesin aan blootgestel het nie. As die wyn uitgewerk is, vertel sy vrou hom daarvan, en hy kry waarskynlik ń hartaanval. Dawid beskou dit as die ingryping van die Here, en uiteindelik haak Dawid en Abigajil af. So ń vrou kan hy nie laat verbygaan nie! Abigajil speel nie ń groot rol in die Bybel nie. Tog dra sy by om van Dawid ń sukses te maak. Sy optrede teenoor Nabal kon sy toekoms verongeluk het. Wat maak Abigajil belangrik genoeg dat sy in die bladsye van die Bybel beland? As ń mens met onderskeiding is sy nie baie sterk nie, en het sy nie baie mag nie, maar kan sy tog beheer oor die situasie uitoefen. Iemand wat ń ander van dwase optrede red is die bewys van Spreuke 15:1. Waar iemand met onderskeiding optree, is daar dikwels ook hulp van Bo. Kyk na Psalm 40:1-2. Soms beland ń mens in ń situasie waar jy eindelik wraak kan neem vir iets wat iemand jou aangedoen het. Met die krag wat van die Here kom, weerstaan die versoeking. Laat toe dat die Here jou uit die donkerte van verwoesting trek en jou voete op die vaste grond van onderskeiding plaas. En wees op die uitkyk om mense om jou met die veelkleurige genade van Bo te bedien, ń genade wat met wysheid ń situasie kan opsom en leiding kan gee. ↸ ń Pastoor vertel hoe ń gemeente in die Kaap skeur omdat die pastoor van nalatigheid met gemeentefondse beskuldig word. Met helfte van die mense wat die pastoor steun stig hy sy eie gemeente. Die nuwe pastoor wat by die ou gemeente aanland, vra by die eerste kerkraadsvergadering: Vertel my wat gebeur het. Die mense skets vir hom die situasie. Hulle vertel hoe hulle die ander pastoor hof toe sleep, en dat die streekraad die hofkostes waarborg. As hy klaar geluister het, vra hy: Broers, is dit die regte ding om te doen? Moet ons hom vervolg, en sy naam skade aandoen? Een van die leiers staan op en sê: Pastoor, dis al waaraan ek die afgelope tyd kon dink. Daardie man het groot werk in ons gemeente gedoen. Ek kan nie bewys dat hy skelm opgetree het nie. En ek worstel ook met die vraag of ons op die regte pad loop, of dit nodig is om hof toe te gaan. 5 | B l a d s y
Page 1 and 2: 1 | B l a d s y A L B E R TO N L S
Page 3: Wat kan ons by die Hebreërshelde l
Page 7 and 8: 7 | B l a d s y DRIE: ONESIFORUS L
Page 9 and 10: • Om sensitief te wees, deur ande
Page 11 and 12: Daniël is een van die drie magtigs
Page 13 and 14: 13 | B l a d s y VYF: Ń WEGLOOPSL
Page 15 and 16: 15 | B l a d s y SES: IN DIE DONKER
Page 17 and 18: 17 | B l a d s y SEWE: Ń GEBALANS
Page 19 and 20: Kyk weer na die drie beginsels wat
Page 21 and 22: Haar kenmerke in die huis, huishoud
Page 23 and 24: stel. Bid saam, en bid vir mekaar.
Page 25 and 26: Die vraag wat dit stel aan pa’s i
Page 27 and 28: leer. Want dan gebeur dit! Deel wat
Page 29: • Sy verhouding met die Here was

Bybelse boublokke van karakter

Create successful ePaper yourself

Delete template?

Save as template?