Create successful ePaper yourself
Turn your PDF publications into a flip-book with our unique Google optimized e-Paper software.
4 | B l a d s y<br />
TWEE: ABIGAJIL SE ONDERSKEIDING<br />
Wie sal ´n mens kies as jou rolmodel? Enige <strong>van</strong> die <strong>Bybelse</strong> figure wat in Hebreërs 11 ter<br />
sprake is, kan bestudeer word aan die hand <strong>van</strong> die <strong>Bybelse</strong> beskrywing <strong>van</strong> hulle. So ´n studie<br />
kan gemaklik onderneem word, en met groot vrug.<br />
Kom ons gee aandag aan mindere <strong>karakter</strong>s. Abigajil het ´n belangrike rol in koning Dawid se<br />
lewe gespeel.<br />
Lees 1 Samuel 25:1-42 sorgvuldig en noukeurig by die huis deur.<br />
Dawid is as koning gesalf deur Samuel, alhoewel die jaloerse Saul nog op die troon is. So word<br />
Dawid Saul se mees gesogte staatsvyand en verraaier. Dawid moet vlug vir sy lewe – kyk wat sê<br />
1 Samuel 22:1-2 <strong>van</strong> die mense wat hulle om hom skaar. So ontstaan ´n leër <strong>van</strong> 600 man (1<br />
Samuel 23:13).<br />
Op een stadium bly Dawid en sy mense in die wildernis <strong>van</strong> Paran, ver in die suide. Hier hou<br />
hulle hulle besig deur die mense wat as nomades in dié gebied bly, en hulle vee te beskerm.<br />
Wanneer dit skeertyd is, stuur Dawid <strong>van</strong> sy manne om vergoeding te gaan haal vir dié dienste.<br />
Dawid en sy manne moet immers eet!<br />
Die <strong>karakter</strong>s in 1 Samuel 25 is Nabal en Abigajil. Kyk hoe word Nabal ge<strong>karakter</strong>iseer in<br />
verse 2-3. Hoor wat sy eie werknemers <strong>van</strong> hom sê, in vers 17. Sy naam beteken in Hebreeus<br />
‚dwaas’, en dit lyk of hy opleef aan sy naam. ´n Mens wat leef asof hy net homself moet dien, en<br />
geen rekenskap aan God in die hemel gee nie.<br />
Die woord wat in vers 3 met ‚regte korrelkop’ vertaal is, kashe, beteken ‚hard en<br />
ongenaakbaar, ongeskik, rof, ru, ongepoets’.<br />
Abigajil word beskryf in vers 3. Sy besit die gawe <strong>van</strong> onderskeiding, die vermoë om<br />
mense en situasies te ‚lees’ en daarvolgens op te tree. Want sy is nie so selfsugtig dat sy net aan<br />
haarself dink nie. Daarom beskryf die teks haar as intelligent maar ook goed. ´n Mens wat kan<br />
onderskei is gereed en beskikbaar om na mense te luister, realisties oor die situasie, goedgeorganiseer<br />
en betroubaar.<br />
´n Derde <strong>karakter</strong> is Dawid. Alhoewel hy deur die Here geroep is om sy volk te lei, lewe hy nie<br />
in ´n luukse paleis nie. Nee, hy leef saam met ´n handjievol verworpelinge in die warm wildernis.<br />
Hy is die gejagte dier – lees sy woorde in Psalm 57:4-6. Hy is die gefrustreerde leier. En<br />
wat gebeur as Nabal se kortgeblakerdheid en Dawid se frustrasie bymekaar uitkom? ´n Ernstige<br />
geval <strong>van</strong> padwoede.<br />
Eintlik vertel die verhaal <strong>van</strong> twee konfrontasies. Agter die storie broei ´n konflik wat al lank<br />
kom, tussen Abigajil en haar man.<br />
Dawid se manne kom met hulle versoek in verse 4-8. Nabal se reaksie is in verse 10-11.<br />
Hy het geweet wie Dawid is, die man wat deur die profeet gesalf is.