You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
24 | B l a d s y<br />
TIEN: PA’S SE TOPVERSOEKINGS<br />
PA’S LOOP TEEN VERSKILLENDE VERSOEKINGS VAS.<br />
↸ ´n Versoeking is ´n versoeking omdat dit gladderig is en onder die oppervlak, sodat jy dit<br />
nie dadelik raaksien vir wat dit is nie. Daarom is dit so gevaarlik.<br />
↸ Versoekings nooi jou altyd om dieper in te gaan. Dit laat jou glo dat jy kan wen, dat jy<br />
nog net ´n bietjie verder moet gaan. Jy flirteer met versoeking in die geloof dat jy sterk is. Ek kan<br />
enige tyd omdraai. Ek kan ophou as ek wil! En skielik is jou voete nie meer op die bodem nie, en<br />
jy besef jou lewe is in gevaar.<br />
↸ Hoe langer jy in die gevaarwater speel, hoe gevaarliker word die situasie. Hoe meer word<br />
jy (en jou gesin) bedreig. Wanneer ´n pa in die modder <strong>van</strong> sonde wegsak, neem hy dikwels sy<br />
kinders en vrou saam met hom, op die pad <strong>van</strong> verwoesting en vernietiging.<br />
Hoe kan pa’s hulleself – en hulle gesinne – teen versoekinge vrywaar en beskerm?<br />
In Jakobus 1 beskryf die prediker verskeie situasies waarin gelowiges hulle kan bevind – <br />
soms skort hulle wysheid (v 5); soms geloof (vv 6-8); soms leef hulle nederig (v 9); soms<br />
in oorvloed (vv 10-11). Tog is daar twee werklikhede waarmee ons aanhoudend gekonfronteer<br />
word. Wat is daardie werklikhede, volgens verse 12-16?<br />
Ons word getoets en versoek. God toets voortdurend ons geloof. En die vyand versoek ons<br />
deurgaans om te probeer om ons <strong>van</strong> die smal pad af te kry. Die enigste gelowige wat<br />
bekommerd moet wees, is die mens wat nie versoek en getoets word nie – dalk is die vyand so<br />
tevrede met hom/haar dat versoekings opgehou het!<br />
Die pad sal altyd glibberig wees. Veiligheid lê nie daarin om te hoop dat die kwaliteit <strong>van</strong> die<br />
geloofspad sal verbeter nie, maar om jou eerder voor te berei daarop dat die res <strong>van</strong> die pad<br />
ook glibberig gaan wees.<br />
WAT IS DIE GROOT VERSOEKINGS WAARVOOR PA’S TE STAAN KOM?<br />
Materiële besittings – Natuurlik is daar niks meer verkeerd om iets te besit nie. Hoe<br />
anders kan ons en ons gesinne leef? Kyk wat sê Paulus in 1 Timoteus 5:8. Terwyl die pa in<br />
hierdie behoeftes voorsien, kan hy egter in die versoeking kom om dit wat hy vir sy familie koop,<br />
as plaasver<strong>van</strong>ger te begin gebruik vir sy eie teenwoordigheid. Hy kan speelgoed vir sy kinders<br />
gee, in plaas <strong>van</strong> aandag en tyd. Hy stort homself in sy beroep in, en maak opgang. Maar kyk<br />
weer na Jesus se waarskuwing in Lukas 12:15b! Niks kan ´n plaasver<strong>van</strong>ger vir ´n pa se<br />
teenwoordigheid wees nie, ook nie ´n oupa of ouma nie! Vra kinders wat hulle <strong>van</strong> hulle pa’s<br />
onthou, en hulle sal jou nie vertel <strong>van</strong> ´n kamer vol speelgoed of ´n kas vol ontwerpersklere nie.<br />
Hulle sal vertel hoe hy hulle gekielie het toe hulle klein was, hulle rug gekrap het, saam na ´n<br />
wedstryd gaan kyk het, saam die bal geskop of in die see gespeel het. Kinders het hulle pa se<br />
glimlag, aanraking, aanmoediging nodig. ´n Pa se teenwoordigheid is belangriker as ´n groot huis<br />
met baie speelgoed.<br />
Emosionele krag – Elke mens het net soveel emosionele bronne wat kreatiwiteit,<br />
leierskap, sin vir humor en lewensentoesiasme aanvuur. ´n Pa is dikwels in die versoeking om<br />
die beste vir sy werk te spaar, sodat sy gesin kry wat oorbly (indien enigiets oorbly!) In die<br />
kantoor is hy innoverend en gemotiveerd. Hy het genoeg energie om enige probleem op te los.<br />
Maar teen die tyd dat hy by die huis kom, is sy energie op. Hy wil in ´n stoel neerval en bly lê tot<br />
slapenstyd.<br />
Die versoeking om in so ´n roetine te verval, is groot vir pa’s. Hulle gee meer aandag aan die<br />
behoeftes <strong>van</strong> hulle kollegas as vrou en kinders. Kort voor lank mor die vrou, en die kinders kry<br />
nie aandag nie, en word stout.