Bybelse boublokke van karakter

More documents

Recommendations

Info

• Ons dag sien ń sterk beweging om vroue te „bevry“. Skielik moet die tuisteskepper hoor sy is al die tyd verslaaf en minderwaardig, en sy moet die kettings afgooi! • Die kerk dra soms tot die verwarring by. Aan die een kant klink die tradisionele boodskap soms duidelik dat vroue ter wille van mans geskep is, en in mans se diens staan. Aan die ander kant praat ń deel van die kerk weer die feministerewolusie voor. Waar lê die balans? Kom ons gaan kuier by ń paar vroue in die Nuwe Testament. Lees die verwysing in Handelinge 16:1 na Timoteus se ma. Dié vrou was ń Joodse gelowige maar haar man was ń Griekse ongelowige. In dié huis heers etniese, kulturele en geestelike verskille. En tog maak sy ń kind groot wat die Here dien – kyk wat sê vers 2 van Timoteus. Hoe kry sy dit reg? Kyk na een aspek van haar invloed, in 2 Timoteus 1:5. Ouma en ma speel ń rol op die jong seun se lewe. Daarom ken hy die pad – kyk na 2 Timoteus 3:15. ń Gebalanseerde vrou sien die Bybel as verteenwoordigend van God se openbaring en wil vir haar lewe, en sy dra dié kennis eerstehands aan haar kinders oor. Die wêreld spoel inligting oor ons wat maklik verwarrend kan wees, maar God se Woord vorm die basis en riglyn waarvolgens ń gebalanseerde vrou haar lewe inrig. Sy vind altyd tyd om met die Bybel besig te wees. ń Volgende besoek is by Lidia, ń besigheidsvrou wat Paulus se pad in Filippi kruis. Lees haar verhaal in Handelinge 16:14-15. Wie skort in dié verse? Lidia se man. Miskien is hy dood, of het hy haar dalk gelos, of werk hy elders? Lidia neem die evangelie na haar huis, en moedig haar mense aan om hulle te laat doop. Sy dring ook aan dat Paulus haar huis as basis vir die eerste gemeente gebruik. Sy vertoon sterk leierskappe. Dieselfde kan gesê word van Priscilla, Akwila se vrou en mede-stryder. Paulus loop hulle in Korinte raak, en moedig hulle aan om die eerste gemeente te lei. Hulle gaan saam met hom na Efese, waar hulle agterbly om die gemeente te vestig. In Paulus se afwesigheid preek Apollos, maar hy weet nog nie baie van die evangelie nie. Kyk na Handelinge 18:26. Let op dat Priscilla en Akwila vir Apollos onderrig. Vir baie lank het die kerk dié tipe verse nie raakgelees nie, en volgehou dat vroue nie in die kerk mag leer nie. Kyk ook hoe Paulus dié egpaar in Romeine 16:3 beskryf. ń Gebalanseerde vrou sien haarself as waardevol, begaafd en verantwoordelik vir haar eie geestelike groei tot volwassenheid. Ons laaste gasvrou is die vier dogter van Filippus die evangelis. Paulus leer hulle ken op pad terug na Jerusalem, in ń stad wat hom nie vriendelik ontvang nie. Lees hulle verhaal in Handelinge 21:8-9. Baie het Paulus gewaarsku om nie na Jerusalem te gaan nie. Kyk na Agabus se gedramatiseerde profesie, in vers 11. Die gelowiges was vas oortuig dat Paulus ń fout maak om hom in Jerusalem te gaan blootstel (en hulle was reg – hy is gearresteer, en later na Rome geneem). Ook die vier dogters van Filippus wil Paulus ompraat. Maar Paulus laat hom nie ompraat nie. ń Gebalanseerde vrou van God sien die Here as haar toevlug en buffer wanneer dit lyk asof dinge nie reg uitwerk nie. 18 | B l a d s y
Kyk weer na die drie beginsels wat genoem is. Hoe kan jy dit in jou lewe toepas? • Word ń ernstige student van die Bybel. Gebruik die tyd wat ander spandeer om hulle koppe vol liefdesintriges van romans en TV-sepies te vul, om by die Bybel uit te kom. Ons koppe word skoon en ons gedagtes doelgerig en ons verhoudinge genees wanneer ons tyd spandeer om oor Bybelse waarhede te bepeins. • Waak teen die ekstreme in die rolverwarring – passiewe misbruik asook militante rebellie is nie die pad wat die Bybel vir vroue aandui nie. • Wy jou daaraan om deur konflikte te werk eerder as weg te hardloop daarvan. Praat dinge deur, al is dit soms stresvol en moeilik. Verduidelik vir jou huismense dat jou lewe as vrou nie primêr rondom hulle lewe draai nie. Jy bestaan nie ter wille van hulle behoeftes nie. Jy het ook behoeftes. Moenie toegee net ter wille van vrede nie. Handhaaf jou waarde as ń mens wat deur God uniek geskape is, met intrinsieke waardevolheid. En wees jouself. • As jy in ń verhouding staan waar jy emosioneel, verbaal, fisies of geestelik misbruik word, klim dadelik uit. Dis nie God se wil dat jy doodgaan in so ń verhouding nie. • Die Griekse woord wat „om onderdanig te wees“ in Efesiërs 5:22 vertaal is, beteken eerder „om eerbied te hê vir, om te respekteer“. Daarom moet vers 21 as die opskrif van die hele gedeelte oor verhoudings gelees word, in Efesiërs 5:21-6:9. Lees by die huis sorgvuldig weer deur Efesiërs 5:21-6:9, in die lig van die opmerking oor „onderdanig wees“. Wat lees jy raak? 19 | B l a d s y
Page 1 and 2: 1 | B l a d s y A L B E R TO N L S
Page 3 and 4: Wat kan ons by die Hebreërshelde l
Page 5 and 6: Dawid se reaksie is kort en kragtig
Page 7 and 8: 7 | B l a d s y DRIE: ONESIFORUS L
Page 9 and 10: • Om sensitief te wees, deur ande
Page 11 and 12: Daniël is een van die drie magtigs
Page 13 and 14: 13 | B l a d s y VYF: Ń WEGLOOPSL
Page 15 and 16: 15 | B l a d s y SES: IN DIE DONKER
Page 17: 17 | B l a d s y SEWE: Ń GEBALANS
Page 21 and 22: Haar kenmerke in die huis, huishoud
Page 23 and 24: stel. Bid saam, en bid vir mekaar.
Page 25 and 26: Die vraag wat dit stel aan pa’s i
Page 27 and 28: leer. Want dan gebeur dit! Deel wat
Page 29: • Sy verhouding met die Here was

Bybelse boublokke van karakter

You also want an ePaper? Increase the reach of your titles

Delete template?

Save as template?