You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
17 | B l a d s y<br />
SEWE: ´N GEBALANSEERDE VROU VAN GOD<br />
Die Supermite <strong>van</strong> ons dag is dat die hedendaagse vrou Supervrou en Superma kan wees.<br />
Vrouens ervaar dikwels dat hulle so dun gesprei is dat hulle aan niks hulle behoorlike aandag<br />
kan gee nie. Hulle is die toegewyde professionele vrou, wat doodmoeg by die huis kom net om<br />
nog ure se aandag aan man en kinders te gee. Moderne vrouens ly dikwels aan uitputting, skuld<br />
en hartseer.<br />
↸ Dink jy mans behandel vroue oor die algemeen regverdig?<br />
In die vyftigerjare <strong>van</strong> die vorige eeu het die vrou in die huis gewerk. Vandag se vrou werk in<br />
die huis, by die werk, by die skool en kleuterskool, in die gimnasium. Jy kan nie regop bly as jy<br />
met jou een voet op die dokke staan en die ander op ´n boot wat besig is om te vertrek nie. Net<br />
so min kan die moderne vrou gebalanseerd bly as die samelewing onrealistiese hoë eise en<br />
verwagtinge aan haar stel.<br />
Vrouens reageer <strong>van</strong>dag op verskillende maniere op dié eise:<br />
• Party word kwaad en verbitter omdat die lewe hulle onregverdig behandel.<br />
• Ander luister eerder na talk shows as na die Woord, en het nie die nodige<br />
onderskeingsvermoë om die saak te takel nie.<br />
• Nog ander het hulle vroulikheid begin verruil vir manlike militansie.<br />
• Party het uit vrees passief geword, ´n deurmat vir ander.<br />
• Baie vroue is verwar oor hulle rol, en soek leiding.<br />
• Daar is ook vroue wat vir hulleself uitgeklaar het wat hulle rol is, en daarvolgens leef.<br />
•<br />
↸ Hoe dink jy behoort vroue op te tree in die lig <strong>van</strong> die rewolusie wat tans heers om vroue<br />
te bevry?<br />
Ons samelewing sien vroue wat hulle in geen omstandighede deur ´n man laat lei nie, wat<br />
aanvallend, kwaad en soms selfs paranoïes is teenoor mans, selfs dié wat nie hulle regte vertrap<br />
nie. Die sekulêre mentaliteit <strong>van</strong> die dag bepaal dat daar niks is wat mans kan doen, wat<br />
vrouens nie net so goed of beter kan doen nie.<br />
Aan die ander kant staan die tradisionele mentaliteit, waar vrouens hulle passief laat lei deur<br />
mans. Dikwels glo hulle dis Bybels om stil te bly en die man die besluite te laat neem. Hulle<br />
vrees laat hulle dikwels saamleef met hulle mans se grille en giere sonder om iets te sê. Hulle is<br />
hulle eggenote en kinders se slawe. En as die man doodgaan en die kinders gaan uit die huis, is<br />
hulle verlore. Hulle bestaan eintlik nie meer nie. En hulle troos hulle daaraan dat hulle God se<br />
wil gehoorsaam.<br />
Wat veroorsaak dié verwarring?<br />
• Baie mense verstaan die begrip „onderwerp“ verkeerd. Om jou aan iemand te onderwerp,<br />
behoort jou eiewaarde te verhoog, nie in die grond te druk nie. Onderwerping wat<br />
degraderend en onterend is, kan nooit <strong>van</strong> God kom nie.<br />
• Baie mense dink nie duidelik vir hulleself oor die onderwerp <strong>van</strong> geslagsrolle in hulle lewe en<br />
huise nie, en lei nie hulle eggenote regverdig nie, en kan nie onselfsugtig wees nie. Jesus het<br />
mense met sy liefde aangeraak, en hulle vrygestel om te word wat God bedoel het hulle<br />
moet wees.