Create successful ePaper yourself
Turn your PDF publications into a flip-book with our unique Google optimized e-Paper software.
10 | B l a d s y<br />
VIER: INTEGRITEIT<br />
Lees Daniël 6 by die huis deur. Kyk mooi wat in die verhaal gebeur.<br />
↸ Definieer integriteit. Hoe lyk ´n mens met integriteit.<br />
Die definisie wat ons hier gaan gebruik, is: Integriteit het te doen daarmee dat ´n mens getrou<br />
aan jouself aan jou beginsels leef. ´n Mens met integriteit is ´n mens wat dieselfde optree, selfs<br />
wanneer niemand sien nie.<br />
Integriteit is dikwels in ons samelewing verruil vir selfvervulling, sodat dit belangriker as eer<br />
en eerlikheid geword het.<br />
Die VSA se Seemag het as motto: Semper fidelis: wees altyd getrou en betroubaar. In 1987<br />
het twee seemanne wat aan die VSA se ambassade in Moskou verbonde was, staatsgeheime<br />
aan twee Russiese meisies gegee in ruil vir seksuele gunste.<br />
CS Lewis het in 1943 al geskryf: dis nie goed genoeg vir mense om te weet wat goed en reg is<br />
nie. Hulle aptyte en selfsug laat hulle maklik kies vir wat sleg en verkeerd is, as hulle nie toegewy<br />
leef aan iets hoër as hulleself nie.<br />
Christene is bevoorreg om toegewy te leef aan iets hoër, wat opgesluit is in Iemand Hoër.<br />
Omdat hulle lojaal aan Jesus is, leef hulle op aan die standaarde wat Hy stel. Mense kan ons<br />
vertrou want ons hou ons woord. Niemand hou oor ons toesig hou nie want ons leef voor en vir<br />
die Here – ons doen ons beste.<br />
Ja, Christene wen nie heelpad nie. Maar die verskil tussen ´n Christen en iemand wat agter sy<br />
of haar eie neus aanloop, is dat die Christen val en opstaan om weer te probeer, terwyl die<br />
ander mens dikwels val en bly lê.<br />
Christene is mense wie se <strong>karakter</strong> bepaal word deur die Een aan wie hulle toegewy leef.<br />
Om met integriteit te leef, is om jouself te wy aan ´n hoë morele kode wat jou gedrag bepaal.<br />
Die Hebreeuse woord wat vertaal word, tom, beteken ‚om volmaak te wees’. Die woord word in<br />
Psalm 78:72 vertaal met ‚toewyding’.<br />
Jesus gebruik die woord in Matteus 5:48. Wat bedoel Hy met dié opdrag?<br />
´n Mens met integriteit maak ´n belofte en hou dit, leen iets en gee dit terug, praat die<br />
waarheid al kos dit ´n prys, begin iets en maak dit klaar.<br />
Mense met integriteit is nie sondeloos nie maar wel eerlik oor hulle sonde, foute en<br />
tekortkominge. Hulle is bereid om om verskoning te vra, maar ook vergifnis aan te bied.<br />
Hulle tree in die donker net so op soos in die lig. En hulle manipuleer nie mense vir eie gewin<br />
nie. Hulle loop die reguit pad reguit.<br />
Integriteit is om die moed te hê om die waarheid te vertel en uit te leef, ongeag die koste. Dit<br />
is om nie hoeke te sny nie – om by die oranje verkeerslig en stopstraat stil te hou, al doen ander<br />
dit net halfhartig. Dis om jou belastingvorm eerlik in te vul, al kan daar dalk hoeke wees wat jy<br />
kan sny.<br />
Integriteit is om toe te laat dat ander vir jou lag en met jou spot, maar jy doen steeds wat jy<br />
glo reg is. Dit beteken dat jy staan by wat jy glo, al beland jy in die leeuhok.<br />
Wat leer jy uit Daniël se verhaal in Daniël 6? Wat sê dit vir jou huwelik en gesinslewe?
Change language