Die Kerkblad Februarie 2013.indd - CJBF

JAARGANG 115, NO. 3265 -
FEBRUARIE 2013
Foto:
Sonsondergang naby Waterbergplato
(Wabi-wildsplaas), Namibië
(Bron: Wikipedia)
2 VAN DIE REDAKTEUR
Besluiteloosheid as sonde
en as gevaar
3 UIT DIE WOORD
Ware geloof: vertroue op die
onsienlike
5 REDAKSIONEEL
Kerklike verantwoordelikheid
6 HOOFARTIKEL
Die verbond en God se
uitverkiesing
9 BRANDPUNT
Die Fakulteit Teologie aan
die NWU: 'n Genève vir
Afrika?
FOKUSARTIKELS
12 Jou deugde is 'n lewenswyse
14 Die deug van afhanklikheid
16 Die deug van simpatie
18 Die deug van getrouheid
DISKUSSIE
20 Christelike ontploffi ng in
Afrika
BESINNING
22 Roof vs. Jesus
ANDER
23 Eerste Grieks-Afrikaanse
Interliniëre Bybel
24 Daan en Rika Taljaard: 52
jaar by sending betrokke
26 Uitnodiging: Gesprek oor die
Kategismus tot versterking
van die geloof
27 Argief-Nuus
35 Nuwe bestuurstruktuur by
Fakulteit Teologie
IN DANKBARE HERINNERING
28 Ds. JPB (Ben) van der Walt
30 Ds. JH (Hannes) Viljoen
BOEKBESPREKING
31 'n Nodige nuwe preekbundel
beskikbaar
32 Personalia
Wel en Wee
34 Lief en Leed
Op die Kerkwerf
36 Kleinadvertensies
Webwerf: htt p://www.gksa.org.za/
Redaksie, Bemarking en Administrasie
Posbus 20008, Noordbrug 2522
Tel. (018) 297-3986/7/8/9
Faks: (018) 293-1042
E-pos:kerkblad@gksa.co.za
(arti kels, briewe ens.)
Tydskrift e@gksa.co.za
(Intekening, rekeningnavrae)
bestellings@gksa.co.za
(boekbestellings ens.)
Redaksie
Dr. CN van der Merwe (redakteur)
Mev. J Fourie
Ds. J-C Erasmus
Prof. DF Muller
Dr. JA Kruger
Uitleg en tegniese versorging
Joey Fourie
Advertensies en kleinadvertensies
Tariewe op aanvraag beskikbaar by dr. Wymie du
Plessis: tel. (018) 297-3989.
E-pos: wymiedup@gksa.co.za
Intekengeld
11 Uitgawes per jaar (posgeld en BTW
ingesluit): R218.00
11 Uitgawes per jaar
(haal by Admin Buro af): R145.00
11 Uitgawes per jaar
(groepsintekening): R204.00
11 Uitgawes per jaar
(Ontvang elektronies): R145.00
Intekengeld word jaarliks aangepas.
Intekening moet skrift elik of telefonies deur die
intekenaar gekanselleer word.
Maak tjeks uit aan:
Die Administrati ewe Buro
Eienaars en uitgewers
Deputate Kerklike Tydskrifte van die Gereformeerde
Kerke in Suid-Afrika, Posbus 20008,
Noordbrug 2522.
Drukkers
V & R Drukkery, tel. (012) 333 2462
Menings uitgespreek in arti kels verteen-woordig
nie noodwendig dié van die Re dak siekommissie
nie.
Tensy anders vermeld, word die hoof artikels
deur die redakteur geskryf. Die Redaksie behou
hom die reg van plasing van bydraes, asook die
redigering, verkor ting en/of ver wer king van
bydraes voor.

van die redakteur
Een van die euwels waaraan
baie Christene vandag mank
gaan, is dit om nie te wil kies nie.
Dit is Christene wat neutraal wil
staan. Dit is ’n mens wat nie ja
en nee kan sê nie … of wat nie
wil ja of nee sê nie. Dit is die gevolg
van besluiteloosheid wat in
verdraagsaamheid uitmond. So
maklik word jy iemand met ’n
kom promis-gees wat nie ja of nee
kan sê nie, maar oor alles en nog
wat besluiteloos is.
Juis hierdie gesindheid werk verlammend
in die persoonlike lewe
van ’n Christen en in die kerklike
lewe in. So ’n mens is nie meer
deur die waarheid van God se
Woord gegryp nie. In die lewe van
sulke persone word hulle nie deur
die Heilige Gees gedryf nie (Rigt.
13:25; 1 Sam. 11:6).
Die gelowige wat nie ’n keuse wil
maak nie, kan verskillende redes
daarvoor aan voer:
jy kan bang wees om ’n vriend
van jou te vervreem;
dit mag wees dat jy nie hel derheid
oor die saak het nie;
jou besluiteloosheid kan ook
daarin wortel dat jy magteloos
voor die keuse staan.
(Dink aan 1 Konings 18:21 waar
die botsing tussen Elia en Israel
plaas vind oor wie die ware God is.
In besluiteloosheid kon een deel
van die volk nie tot die besluit
kom of God of Baäl die ware God
Besluiteloosheid
as sonde en as gevaar
is nie. Dit kon ook gebeur in die
gods dienstige lewe van ’n Israeliet
dat hy in een faset God aanbid en
’n volgende faset Baäl. As Elia wil
weet: “Hoe lank hou julle aan met
twee gedagtes? As die Here God
is, volg Hóm; maar as dit Baäl is,
volg hom.” Die resultaat? “Die volk
het hom nie ’n woord geantwoord
nie.” Hulle kon nie, want hulle was
besluiteloos in die saak.)
God stuur sy profeet Elia om
die volk te wys op hulle besluiteloos
heid en die gevolge wat
dit vir hulle in hulle verhouding
met die Here inhou. Jou keuse
hou ook ’n verpligting in. Daar
moet nie gedink word dat die
saak van besluiteloosheid net op
godsdienstige terrein van toepassing
is nie. As Paulus skryf: “Of
julle eet en of julle drink of wat
julle ook al doen, doen alles tot
eer van God” (1 Kor. 10:31), dan
be te ken dit dat elke fraksie van jou
lewe godsdiens is en ’n invloed sal
hê hoe jy besluit of nie besluit nie.
Elke preek behoort jou tot ’n sekere
beslissing te bring en daardeur jou
besluiteloosheid uit te skakel.
Is daar koudheid en lou heid, agtelosigheid
en verdraagsaam heid,
verwêreldliking en gemaksug,
half slagtigheid en aksieloosheid in
die kerk, in die lewe van Christene
teenwoordig, is dit ’n getuienis van
be sluiteloosheid. Een ding moet
die gelowiges maar weet: dat
nie kies nie inderdaad wel kies is.
Dink weer aan die volk se situasie
tydens Elia se optrede. Die feit dat
die volk nie vir God besluit het nie,
het ingehou dat hulle vir Baäl kies.
Hulle besluiteloosheid is ’n sonde
wat groot gevaar inhou. By wyse
van ’n kompromie kan jy aan die
gevaar nie ontsnap nie.
So gaan dit in gemeentes en
hulle kerkrade dat hulle beslui teloosheid
uiteindelik in niksdoen
uit mond. Hoeveel sake is in die
agen das en handelinge van die
Ger e formeerde Kerke in Suid-Afrika
vanweë besluiteloosheid net so
gelaat? Die weg van kompromie is
lewensgevaarlik. Mens kom deur
be sluiteloosheid nie tot ’n daad
nie.
Vir hierdie stryd kan jy net met
die swaard van die Woord en gebed
bewapen word. Hier word in
God se Naam teen halfslagtigheid
en aksieloosheid getuig. God sê:
“Let op: Ek hou julle vandag die
seën en die straf voor: die seën sal
kom as julle die gebooie van die
Here julle God gehoorsaam wat ek
julle vandag gee; die straf sal kom
as julle ongehoorsaam is aan die
gebooie van die Here julle God.”
Dit hang daarvan af of daar na God
geluister word of nie (Deut. 11:23).
Deuteronomium 30:19 sê: “Kies die
lewe, sodat jy en jou nageslag kan
lewe.” Christus se Middelaarswerk
is kragtiger: “Wie nie aan my kant
is nie, is teen My. En wie nie saam
met My die skape bymekaarmaak
nie, jaag hulle uitmekaar” (Luk.
11:23). CNM
2 DIE KERKBLAD Februarie 2013

Dr. MJ (Thinus) du Plessis (emeritus) (Bellville)
Lees: Matteus 16:1-11; Openbaring 13:13, 14; 16:14; 19:20
Teks: Markus 8:12b
“Voorwaar, Ek sê vir julle, aan hierdie geslag sal sekerlik geen
teken gegee word nie.”
’n Mens loop nie heeldag en tekens vra vir elke ding wat Jesus van jou
vra om te glo nie – ware geloof rus in die vertroue op die onsienlike.
Hierdie geskiedenis gebeur net nadat Jesus die vierduisend mense
in die omgewing van Tirus en Sidoen gevoed het – ’n wonderwerk. Die
oomblik toe Jesus in die gebied van Galilea kom, begin die Fariseërs en
Sadduseërs twis oor wat Jesus doen. Hulle het die prediking en optrede
van Jesus nie goedgekeur nie. Hulle het agtergekom dat Jesus nie hulle
toestemming en goedkeuring nodig gehad het vir wat Hy doen nie. Hy
het met ander gesag as hulle s’n opgetree.
Slinks het hulle beplan om Jesus in die openbaar vas te vat. Daarom
moet Hy vir hulle ’n “teken uit die hemel” gee. Daar voor hulle moes Hy
’n sigbare en tasbare teken doen – ’n regstreekse teken uit die hemel wat
sal bewys dat God Hom gestuur het. Hulle eis dat God uit die hemel met
’n teken moet bewys dat Hy Jesus begenadig en dat Hy in sy optrede
saamwerk.
Dit het nie oor die geloof van die Fariseërs gegaan nie. Dit het oor
hulle ongeloof gegaan. Daarom stel die Bybel dit dat die Fariseërs Jesus
“versoek” het. Dit was nie ’n saak om tot geloof te kom nie, maar ’n
poging om Jesus aan te val en te verneder. Hulle het geredeneer dat
Jesus sê dat Hy uit die hemel is. Daarom moet Hy ’n teken uit die hemel
kan gee. Hulle benadering is vals – hulle maak hulle geloof van ’n
teken afhanklik. Dis verkeerd om jou geloof van bepaalde voorwaardes
afhanklik te maak.
Die Fariseërs het hulleself as regters oor Jesus aangestel. Hulle wou
Hom beveel om ’n teken te gee sodat hulle die saak kan beoordeel. In
effek beteken dit dat sondige mense die maatstaf aanlê om te besluit of
God se Seun die Messias is of nie.
Dit gaan oor eiegeregtigheid en verwaandheid. Die Fariseërs het
Uit die Woord
Ware geloof:
vertroue op die onsienlike
baie van hulleself gedink. In hulle
eie oë was hulle meer werd as
waarvoor Jesus hulle gewaardeer
het. Hulle optrede teen Jesus is
omdat Hy met sy prediking hulle
verwaandheid en hulle ongeloof
aan die kaak gestel het.
Waarom begeer hierdie geslag
’n teken? Die feit dat Jesus die
antwoord weglaat, onderstreep
die saak sterker. Hulle het genoeg
van sy mag en grootheid gesien.
Hulle het ook gehoor hoe Jesus
gepreek het. Die probleem was
dat hulle dinge gesien en gehoor
het wat hulle nie aanstaan nie.
Die dinge van Jesus se almag wat
hulle gesien het, het hulle laat
besef hoe klein en magteloos
hulle is. Daarvan het hulle niks
ge hou nie.
Jesus sluit aan by hulle verwy
sing na die hemel. Hulle weet
hoe om die tekens in die lug te
vertolk. Rooi lug in die aand laat
hulle mooiweer verwag. Donkerrooi
lug in die oggend voorspel
stormweer. Hulle kan die natuur
verstaan. Van geestelike dinge
verstaan hulle egter niks. Hulle is
net op uitwendige dinge ingestel.
Die oorvloedig baie wonderwerke
wat die Here Jesus gedoen het,
getuig tog nie van menslike vermoëns
nie. Hulle moes kon sien
dat dit God is wat aan die werk
is.
Februarie 2013 DIE KERKBLAD 3

Uit die Woord
Daarby moes hulle as kenners van die Skrifte die
eerstes gewees het wat die optrede van Jesus met
die profesieë oor die Messias in verband kon bring.
Johannes die Doper het hulle al daarop gewys. Hulle
kon dit egter nie raaksien nie.
Mense het die geneigdheid om hulle geloof te veruiterlik.
Hulle wil vir alles ’n teken sien voordat hulle
bereid is om te glo. Daarom staan daar in 1 Korintiërs
1:22 geskryf dat die Jode ’n teken soek wanneer hulle
die evangelie van Jesus Christus hoor.
Jesus, wat die harte van mense ken, het dus besef
dat hierdie soeke na ’n teken ’n skyn van reg is.
Werklike geloof was daar nie by hierdie Fariseërs nie.
’n Teken sou geen bydrae lewer tot hulle bekering
nie. 1 Korintiërs 1:23 stel die saak waaroor dit gaan:
Jesus en die geloof in Hom staan teenoor uiterlike
tekens. Dis waarom Jesus nie aan die Jode ’n teken
gegee het nie. Hy het bloot van hulle af weggegaan.
Hierdie ding om uiterlike tekens te wil sien, staan
teenoor die aard van ware geloof.
Jesus het dit baie duidelik gestel toe Hy vir Thomas
gesê het: Omdat jy My gesien het, Thomas, het jy
geglo; salig is die wat nie gesien het nie en tog geglo
het (Joh. 20:29).
Die ware geloof appèlleer op vertroue: Ons moet
vertroue hê in dit wat Jesus in sy Woord verseker.
Geloof vra onvoorwaardelike gehoorsaamheid aan
God – nie op voorwaarde dat Jesus dit eers met ’n
teken bevestig nie.
Matteus 16 leer dat Jesus die groep wat Hom
ver soek het, ’n slegte en owerspelige geslag noem.
Hulle is nie die bruid van Jesus nie. Hulle is sleg en
deurtrek van die sonde. Hulle is soos ’n owerspelige
vrou – ’n ontroue bruid. Jesus het ’n teken gegee. Hy
het gesê dat hulle mos die teken van Jona het – die
teken dat Jona drie dae in die vis was en toe in die
lewe teruggekom het.
Daarmee het Jesus voorspel dat Hy sou sterf en
na drie dae opstaan. Die bedoeling van Jesus was
dat wanneer dit gebeur, hulle moes verstaan dat dit
die teken uit die hemel is wat voor hulle oë gebeur.
Net Iemand met krag en mag uit die hemel kan uit
die lewe uitgaan wanneer Hy wil, en kan weer lewe
uit die dood gebied wanneer Hy wil. Net iemand
wat God self is, kan sterf en lewendig word. Sou die
Fariseërs insig hê, sou hulle weet dat die beloftes van
die Messias hierin vervul is.
Die teken van Jona was ’n voorspelling dat Jesus
lewe uit die dood sou verwek – nie net in die Persoon
van die Messias nie – ook vir dié wat aan Hom
behoort. Jesus het daarmee voorspel dat Hy die straf
van die dood sou dra sodat die gelowiges nie in die
ewige dood hoef in te gaan nie.
Die teken van Jona was soos ’n skeiding onder
die mense – sommiges kon hierdie teken sien en verstaan.
Ander kon dit nie sien nie en nie verstaan nie –
omdat dit in hierdie teken gaan oor geloof. Net in die
geloof kan die opstanding van Jesus Christus gesien
en verstaan word.
In die laaste tyd spring daar oraloor nuwe gelowe
op wat net op uiterlike dinge fl oreer – allerhande
tekens, soos genesing van siekes, spreek in tale en
aller lei wonderwerke. Jesus maak dit baie duidelik
dat ’n godsdiens wat net op uiterlike tekens rus, ’n
godsdiens is waarin mense die maatstaf aanlê en
waarin mense besluit hoe Jesus gedien moet word.
Dit is ten diepste ’n godsdiens waarin die mens
wil oordeel of God God is. Mense lê ’n toets aan wat
Jesus eers moet slaag voordat Hy as God aanvaar
word – soos die Fariseërs wat geëis het dat Jesus vir
hulle ’n teken uit die hemel moet gee.
In ’n ware geloof gaan dit ook oor kennis en
ver staan van en vertroue in die Skrif: Uit die Bybel
moet gesien word hoe God sy raadsplan ontplooi.
Die gelowige moet uit God se openbaring kan sien
en glo dat Jesus God is – sonder dat daar elke dag
tekens gegee word, en sonder dat mense oordeel of
Jesus God is. Hy openbaar dat Hy God is, dat Hy vir
ons gesterf het en met sy opstanding aan ons die
ewige lewe gee.
Onthou dat ons Jesus weer verwag. Glo dan soos
die bruid in die egtheid en die waarheid van die Bruidegom.
DK
4 DIE KERKBLAD Februarie 2013

’n Ironie
In die bestaan van
die kerk in hierdie
tye mag nie vergeet
word nie dat die kerk
in hierdie bedeling verdrukkinge
sal moet ly.
On der verdrukkinge
word nie net vervolging,
marteling en openlike
vyandskap verstaan nie
(Op. 2:10). Onder verdrukk
inge word ook
ver staan alle sorge,
kort sluitings, krisisse
en moeite wat die kerk
in die gang van die geskiedenis
moet deurstaan
en moet verduur.
Paulus skryf: “Ek is nou
bly oor al die lyding
wat ek ter wille van julle
moet verduur, want die
vervolging van Christus
het nog nie geëindig
nie. Ek verduur my deel
daarvan ter wille van sy
liggaam, die kerk” (Kol.
1:24).
Gesien die verdeeldheid
van kerke oor die
hele wêreld en ook in
ons eie land en ons eie
dorpe, stede en woonbuurtes,
is dit ’n dubbele
kruis waaronder die kerk
gebuk gaan. Ons be lewe
die ironie dat ter wyl
Redaksioneel
daar na buite, in allerlei vorme, interkerklike eenheid of gemeenskap nagestreef
word, binne die eie kerkgemeenskap die eenheid op ’n ernstige wyse aangetas
word. Dit alles is deel van die lyding wat die kerk moet deurstaan.
Iemand het geskrywe: “Kerklike verdeeldheid is ’n onstilbare verdriet.” Kerklike
verdeeldheid kan ons nie vergeet of dit op die agtergrond druk asof dit nie bestaan
nie. Wêreldwyd is die verdeeldheid van die kerk ’n deel van die werklikheid. Hoeveel
familie, vriende, kollegas, maats, bure het jy wat elkeen aan ’n ander kerk
(Afrikaanse!?) behoort. Ons poog om met allerlei salfi es en pleisters, gedwonge
programme en vrywillige meelewing iets te doen om die verdeeldheid te oorkom.
Maar sodra die kerkvorm en die kerklike verantwoordelikheid aan die orde kom,
is daar skielik onoorbrugbare klowe. Ons bely Sondag vir Sondag dat ons aan ’n
heilige, algemene Christelike kerk glo, maar in die praktyk lyk dit heel anders.
Dit is ’n verdriet en ’n “verdrukking” as aan Jesus Christus se gebed gedink
word: “Heilige Vader, bewaar hulle in u Naam, die Naam wat U My gegee het,
sodat hulle net soos Ons een kan wees” (Joh. 17:11).
’n Kentering
Gelukkig het daar vir dekades al ’n kentering gekom. Nie in die sin dat die saak
in die werklikheid reggestel is nie. Daar het egter ’n soeke van die gemeenskap
en die eenheid van die kerk gekom. Die sogenaamde “ekumeniese roeping” het
ontwaak. In die Gereformeerde Kerke in Suid-Afrika bestaan daar twee deputategroepe,
ekumenisiteit (Binnelands) en ekumenisiteit (Buitelands), wat aandag
aan die saak skenk. Die ekumeniese roeping het egter nog nie grondgevat binne
die ruimte van elke kerkraad en die lidmate van elke gemeente nie.
Dit bly ’n saak waaroor daar in ‘n hangmat bokant kerkrade en lidmate geworstel
word. Soms word ’n optimistiese gees merkbaar. Elke verantwoordelike, denkende
lidmaat weet dat hier soveel vraagstukke lê in verband met Skrifgesag, kerkbegrip
en allerlei dogmatiese kwelpunte dat ons alleen met volhardende gebede om die
Gees van Christus hier ’n weg kan vind wat geen illusie sal blyk te wees nie.
Terwyl ons nie die vensters en die deure oopmaak om tot ontmoeting, gesprek,
ge meenskap te kom nie, bly die eenheid weg, en in ons gereformeerde huis is ’n
jammerlike verbreking van die eenheid in Christus. Christus het gebid: “Ek bid …
vir dié wat deur hulle woorde tot geloof in My sal kom. Ek bid dat hulle almal een
mag wees, net soos U, Vader, in My is en Ek in U, dat hulle ook in Ons mag wees,
sodat die wêreld kan glo dat U My gestuur het” (Joh. 17:20-21). CNM
Februarie 2013 DIE KERKBLAD 5

Hoofartikel
Die verbond en God se
Die mens is geneig om alles
op homself te trek omdat
hy die belangrikste wil
wees. Gaan dit om die verbond, is
die mens allermins die kernpunt
waarom alles draai. In die verbond
staan God voorop.
In die gang van die Skrif staan
die verbond by Adam en Eva direk
ná die sondeval. Nuanses van die
verbond is by Noag te vind. Die
verbond word van Abraham af in
die spore van Israel deur Juda en
Dawid gekanaliseer. Die verbond
kring uit tot alle volke ná Pinkster.
Gód is die Stigter, die Oprigter
van die verbond.
Die verbond wortel in God
Die verbond is God se werk.
Alle nadruk lê op die verbond van
die verlossing, ook die vrederaad
van God genoem. In die leer van
die verlossingsverbond gaan
uitverkiesing
dit om die feit dat die heil van God in Jesus Christus vas is, en dat dit
onwankelbaar in die ewige, Drie-enige God self gefundeer is. Hier in
sou die Vader op die gesette tyd sy Seun stuur om die wêreld te verlos
deur die sondes aan die kruis te versoen. Die Seun het van sy kant
vrywillig onderneem om as Borg en Middelaar in te tree en sy lewe as
losprys vir die sonde te gee. Die Heilige Gees het onderneem om die
versoeningswerk van Christus in die heiligmaking en heerlikmaking van
God se kinders toe te pas en uit te voer.
Die vredeverbond is iets wat tot God beperk bly, tussen die drie
God delike Persone. Die genadeverbond is ’n verbond tussen God en sy
skepsel.
God is die bron van die uitverkiesing
God is die uitverkiesende God, en in sy ewige raad is die getal van
sy uitverkorenes van ewigheid af aan Hom bekend. God Drie-enig is die
bron van die uitverkiesing. Efesiërs 1 is ’n sprekende voorbeeld: “... soos
Hy ons in Hom uitverkies het voor die grondlegging van die wêreld om
heilig en sonder gebrek voor Hom in liefde te wees.” Dit is duidelik dat
dit Gód is wat kies. Die uitverkiesing is ’n daad van God se wil. Die Ou en
die Nuwe Testament spreek van ’n boek van die lewe, waarin God Self
die name van sy uitverkore kinders geskryf het (Eks. 32:32; Ps. 69:29; 87:6;
Jes. 4:3; Dan. 12:1; Fil. 4:3; Op. 3:5; 13:8). So word in die Bybel aangetoon
dat die verkiesing ’n soewereine daad van God is, waarvan die kern in sy
wil en welbehae geleë is.
6 DIE KERKBLAD Februarie 2013

Die uitverkiesing is trinitaries
Uit die mense wat die Vader geskep het, gee Hy die uitverkorenes
aan die Seun (Joh. 6:37-38; 17:12) met die doel om hulle van hulle sondeskuld
en straf te verlos. Dit kan nóg nader omskryf word dat die Vader
nie net die uitverkorenes aan die Seun “gee” nie (Joh. 6:37), maar dat
Hy hulle ook na Jesus “trek” (Joh. 6:44). Hoe gebeur dit? Dit word deur
die Heilige Gees gedoen. Die Heilige Gees van Christus ontvang die
boodskap van die verkiesing en verkondig dit aan die gelowiges (Joh.
16:14). Meer nog: dit is die Heilige Gees wat die mens deur die Woord
wederbaar (1 Pet. 3:1), hom die geloof in Jesus Christus skenk en hom só
van sy uitverkiesing verseker.
Die drie dimensies van die verkiesing
Die verkiesing het drie dimensies:
Die eerste dimensie is die verkiesing tot lede van die genadeve r-
bond.
Die tweede dimensie is die verkiesing tot profeet, priester en koning
van Israel.
Die derde dimensie is die uitverkiesing tot saligheid.
Die eerste dimensie – verkiesing tot lede van die genadeverbond
God het Abraham en sy nageslag, dit is die volk Israel, uitgekies om sy
verbondsvolk te wees: “Jy is ’n volk wat vir die Here jou God afgesonder
is. Vir jou het die Here jou God gekies om uit al die volke op die aarde
sy eiendomsvolk te wees” (Deut. 7:6). Die grond vir die uitverkiesing van
Israel is nie in die volk geleë nie, ook nie in hulle kwaliteit van lewe nie.
Die grond vir hulle verkiesing is God se liefde wat in God se wil vaslê.
Israel se verkiesing as God se eiendomsvolk kom nie tot ’n einde as
die Nuwe-Testamentiese bedeling van die verbond ingegaan word nie.
God se genadegawes en sy roeping en verkiesing word nie dan teruggetrek
nie (Rom. 11:29). Ná Christus laat God sy verkiesing uitgaan sodat
ander volke ook daarin gaan deel. Uit die volke van die wêreld word
ander by Israel ingelyf, ingeënt (Ps. 87; Rom. 11:24). “Julle sien dus dat
dié wat glo, kinders van Abraham is.” Daarom het die Skrif die goeie
nuus vir Abraham gebring: “In jou sal al die nasies geseën word” (Gen.
12:3). Dit is dus die wat gló wat saam met die gelowige Abraham geseën
word (Gal. 2:7-9).
Die tweede dimensie – verkiesing as profeet, priester en koning
Die tweede dimensie gaan oor die verkiesing as profeet, priester en
koning. God kies in die Ou Testament bepaalde persone uit aan wie Hy
spesiale opdragte gee. In die Nuwe-Testamentiese bedeling kies God
ook bepaalde mense uit om spesifi eke opdragte uit te voer: apostels,
pro fete, evangeliste, herders en leraars (Ef. 4:11a). Hulle opdrag is ook
duidelik: “... om die gelowiges toe te rus vir hulle diens en vir die opbou
Hoofartikel
van die liggaam van Christus” (Ef.
4:11b).
Die derde dimensie – die uitverkiesing
tot saligheid
Die derde dimensie handel
oor die uitverkiesing tot saligheid:
“Die Here het julle lief, en God het
julle uitverkies om van die eerstes
te wees wat gered word. Julle is
gered deurdat die Gees julle vir
Hom afgesonder het en deurdat
julle die waarheid glo. Hy het julle
hiertoe geroep deur die evangelie
wat ons aan julle verkondig het,
sodat julle deel kan kry aan die
heerlikheid van ons Here Jesus
Christus” (2 Tess. 2:13-14). Diegene
wat Hy daartoe verordineer het,
word salig (Dordtse Leerreëls,
Hoof stuk 1, Artikel 8). By God is
die “vertrekpunt” in verband met
sy werke altyd sy ewige raad. Dis
die vir-ons-verborge-dinge (Deut.
29:29).
Die verbond en die verkiesing
val nie saam nie
Verbond en verkiesing val nie
saam nie. Die genadeverbond het
geen ander doel nie as alleen om
die uitverkiesing te verwesenlik.
In die uitverkiesing stel God die
einddoel vas, naamlik om die
uitverkorenes tot volkome salig
heid te bring, terwyl die gena
de verbond die middel is wat
Hy aanwend om tot die doel te
geraak.
Die verbond en die verkiesing
staan nie los van mekaar nie
Genadeverbond en uitverkiesing
staan nie los van mekaar
nie. Hulle staan met mekaar in
ver band as oorsaak en gevolg,
as doel en middel. Die doel van
Februarie 2013 DIE KERKBLAD 7

Hoofartikel
die genadeverbond is om die uitverkiesing te verwesenlik.
Deur die genadeverbond word die uitver
kie sing tot werklikheid gemaak. Wanneer die
kin ders in die genadeverbond tot geloof en bekering
kom, die eis van die genadeverbond, het die
uit verkiesing werklikheid geword. Daarom moet
die genadeverbond beklemtoon word soos wat dit
met sy beloftes en eise tot die gelowige en al hulle
kinders kom.
In die uitverkiesing stel God die einddoel vas,
naam lik om die uitverkorenes tot volkome saligheid
te bring, terwyl die genadeverbond die middel is wat
Hy aanwend om tot dié doel te kom. Die verbond
is die verseëling van die belofte van God. Geloof
en bekering is die antwoord op die belofte. Eers
hier begin die uitverkiesing werk. Vergelyk hierby
die uitspraak in die Dordtse Leerreëls (Hoofstuk 1,
Artikel 17, 14, 6 en 7): Om die ewige raadsbesluit
te verwesenlik, rig dieselfde God ’n genadeverbond
met die gelowiges en hulle kinders op, bring Hy deur
die verbond die prediking van die Woord tot hulle,
verseël Hy die Woord deur die sakramente, begiftig
Hy hulle met die geloof, regverdig Hy hulle en sit Hy
sy werk voort totdat Hy hulle ten slotte verheerlik het
(Rom. 8:19).
Die uitwerking word in die verbond sigbaar
Nie almal in die verbond is dus uitverkorene en
wedergebore nie. Uitverkiesing en genadeverbond
word van mekaar onderskei. Daarin is die verbond
van die uitverkiesing te onderskei, naamlik dat dit
aantoon hoe die verbond langs organiese en his toriese
weg realiseer.
Van Ismael en Isak skryf Paulus in Romeine 9:6-9.
“Dit wil nie sê dat die woord van God nie meer geld
nie. Immers, nie almal wat van Israel afstam, is werklik
Israel nie; en nie almal wat nakomelinge van Abraham
is, is werklik kinders van Abraham nie. Inteendeel, die
belofte was: ‘Uit Isak sal daar vir jou ’n nageslag kom’
(Gen. 21:12) Dit wil sê: Dit is nie die kinders wat in die
gewone gang van die lewe gebore is, wat kinders van
God is nie; dit is die kinders wat kragtens die belofte
van God gebore is, wat as Abraham se nageslag
gereken word. Die woorde: ‘Op die tyd sal Ek weer
kom, en dan sal Sara ’n seun hê’ (Gen. 18:10, 14), was
immers ’n belofte.” Die volk Israel, die volk van die
verbond in sy hoedanigheid as Godsvolk, is nie gelyk
aan alle mense wat van nature, deur afstamming, tot
die histories-etniese volk behoort nie; is nie gelyk
aan Israel nie. In Romeine 9:7 lig Paulus sy verklaring
met ander woorde toe: nie almal wat uit Abraham
voortgekom het, is kinders nie.
Dit belig Paulus verder deur daarop te wys dat
God self uit die vleeslike nakomelinge die één kies
wat Hý wil om “die nageslag” te wees. Daar is immers
Israeliete wat voor God nie wesenlik tot die volk Israel
behoort nie; wat, hoewel gebore uit Israel, deur God
buite Israel geplaas is. Dit wil sê, nie hulle is kinders
van God wat die kinders van die vlees is nie, maar die
kinders van die belofte word as die nageslag gereken.
Hulle was wel Godsvolk (’n erenaam) met heerlikheid
deur die inwoning van Gods verbonde, wetgewing,
erediens en beloftes, en uit Israel is Christus gebore.
Maar hulle het Christus verwerp. So moet ons rekening
hou dat die kring van die verbond, soos wat die
mens dit sien, wyer is as dié wat God sien en aanneem.
Ismael en Isak is altwee in die verbond gebore.
Hulle het altwee die verbondsteken, die besnydenis,
ontvang. Tog verkies die Here vir Isak bo Ismael, omdat
Hy hom aan Abraham belowe het. Die verbond
is dus die bedding waarlangs die uitverkiesing vloei.
Die bedding van die rivier (verbond) is veel breër as
die stroom water (uitverkiesing) wat in die middel
daar van vloei. Die Here het sy verbond met Abraham
en sy nageslag gesluit. Die Here is getrou. Hy bedoel
dit ernstig met sy verbond.
Die gewone manier waarop mense tot die geloof
kom, is dat hulle in die verbond uit gelowige ouers
gebore word. Daarom ontvang kindertjies die verbonds
teken. Vir Abraham was dit die besnydenis en
se dert Christus die doop. Die stroom (uitverkorenes)
vloei normaalweg in die bedding van die verbond.
Die droewige keersy is ook waar. Daar is vele wat
in die verbond gebore word en die verbondsteken
ontvang, wat tog maar verlore gaan. In Romeine 9:6
skryf Paulus dat nie alle gebore Israeliete salig word
nie, omdat hulle nie uitverkies is nie. Net so word
almal wat in die kerk gebore is, nie salig nie. Almal
is nie uitverkies nie en is daarom nie ware gelowiges
nie. Die uitverkiesing openbaar hom in die weg van
die genadeverbond. CNM
8 DIE KERKBLAD Februarie 2013

Prof. JM (Koos) Vorster (Potchefstroom)
Die groei van die Reformasie
in die 16de en 17de eeue was
grootliks deur die dinamiese
werk aan verskeie teologiese oplei
dingsentra gestimuleer. Dit was
nie groot universiteite nie, maar
akademiese instellings wat uit die
nood van die tyd ontstaan het.
Een van hulle was die Akademie
in Genève wat deur Calvyn opgerig
is, en waar gereformeerd-gesin
de studente vanoor die hele
Europa kom studeer het. On der
hulle was bekende Hervor mers
soos John Knox wat die Reformasie
in Skotland bevorder het.
Daar was egter ook talle minder
bekendes wat ewe groot werk
ter bevordering van die gereformeerde
leer en lewe in ander
dele van Europa gedoen het.
Uiteindelik sou hulle werk
met die tydperk van kolonisasie
ook na die VSA, Afrika en die
Oost e uitgedra word. So het die
gereformeerde idees vele same
lewings beïnvloed en selfs
tot diepgaande politieke veranderinge
en ekonomiese groei
gelei.
Teologiese opleiding en die uitbou
van die gereformeerde teologie
is uiters belangrik in die
be staan en voortbestaan van die
gereformeerde Christelike godsdiens.
Gereformeerde teo lo gie
moet immers in die gees van
die slagspreuk van die Reformasie
beoefen word: Semper
Brandpunt
Die Fakulteit Teologie aan die NWU
'n Genève vir Afrika?
reformanda (altyd weer reformeer). In die gereformeerde teologie is
slegs die openbaring van God onfeilbaar. Alle menslike interpretasie,
vertolking en kerklike besluitneming moet altyd weer in die lig van die
Godsopenbaring ondersoek en getoets word. Daarom is ons verstaan
van die openbaring nooit ’n afgehandelde saak nie, en is gereformeerde
teologie nooit uitgeput nie.
Hoewel die groei van gereformeerde teologie en alles wat daarmee
saam gaan in Europa, onder die invloed van die Verligting en die domi
nasie van die menslike rede, getaan het, het dit in die laaste eeu dinamies
in die VSA en in die sogenaamde ontwikkelende wêrelddele in
Latyns-Amerika, Afrika en die Ooste gegroei. Werke van Calvyn en sy
na volgers sedert die tyd van die Reformasie word in baie tale vertaal en
baie teologiese konferensies wat hulleself met die Reformasie assosieer,
vind oor die wêreld plaas.
Hierdie ontwikkelinge bring ons by die vraag: Wat is die GKSA se plek
en roeping in hierdie proses? Een saak waarmee die “Doppers” oor die
jare betreklik goed gevaar het, is teologiese opleiding. Die werk van
die Hammanskraalse Teologiese Skool en die invloed daarvan in die
jong kerke kan in hierdie verband vermeld word, asook die werk wat
die Teologiese Skool Potchefstroom oor die laaste drie dekades ten
opsigte van Koreaanse studente gedoen het. Dit is opvallend dat verskeie
voormalige studente aan hierdie inrigtings tans dosente is aan
teologiese opleidingsinrigtings in Korea en in Afrikalande waar daar ’n
behoefte aan teologiese opleiding is.
Om bogenoemde vraag te beantwoord, moet ons kennis neem van
’n wonderlike ontwikkeling wat tans besig is om te gebeur. Hierdie ontwikkeling
is die wêreldwye belangstelling in die werk van die Fakulteit
Teologie aan die NWU. ’n Toenemende getal inrigtings nasionaal en
internasionaal sluit ooreenkomste met die Fakulteit Teologie aan die
NWU met die oog op onderrig van hulle studente en navorsing in die
teologie. Hierdie Fakulteit het sigself verlede jaar opnuut gedefi nieer as
’n fakulteit wat in Reformatoriese teologie in die tradisie van Genève
wil spesialiseer. Hierdie tradisie is die nis van voorgraadse opleiding en
nagraadse navorsing. En in hierdie proses word die Fakulteit voluit deur
die Noordwes-Universiteit ondersteun.
Die GKSA het ’n noue band met die Fakulteit Teologie. Voornemende
pre dikante word immers hier volgens ’n ooreenkoms tussen die NWU en
die GKSA opgelei. Voorts dra die Kuratore vyf van die beroepe teologiese
Februarie 2013 DIE KERKBLAD 9

Brandpunt
professore fi nansieel en die Universiteit
die ander tien. Op die
per soneel dien ook ver skeie teoloë
van ander kerklike tradisies
wat die gees en karakter van die
Fakulteit ondersteun. Daarbenewens
is daar ook predikante
wat aan gemeentes verbonde
is wat met spesiale opdrag deur
die gemeentes afgestaan is om
die Fakulteit met die groeiende
nagraadse opleiding en navor
sing te help, asook pre dikan
te wat as buitengewone
do sente behulpsaam is met sulke
navorsing en opleiding.
Op hierdie wyse is die GKSA dina
mies by die vervulling van die
behoefte aan teologiese opleiding
betrokke. Die Here het
deure oopgemaak! Talle ander
op lei dingsentra – in Afrika, Enge
land, Suid-Amerika en Europa
– toon belangstelling om opleidingsooreenkomste
met die Fakul
teit Teologie van die NWU te
sluit. Op verskillende wyses is die
personeel van die Fakulteit, die
buitengewone personeel, kontrak
navorsers en genote by die
op leiding van pastore, predikante
en Bybelse beraders van verskeie
kerklike tradisies betrokke. Navorsingsuitsette
en publikasies het
ook toenemend gegroei. Die gere
formeerde stem gaan uit, en van
die studente wat afstudeer word
geestelike en akademiese leiers in
hulle eie gemeenskappe.
Sonder dat ons dit beplan het, het
die Here die akker oopgemaak vir
gereformeerde teologiese opleiding
in ander wêrelddele en veral
in Afrika. Deur middel van die
oor eenkoms met die NWU en die
beskikbaarstelling van predikante
as voltydse en buitengewone dosente,
is die GKSA by hierdie proses
betrokke.
Wat vra dit van ons?
Benewens voortdurende voorbid
ding en morele ondersteuning,
vra dit van ons visie. Daardie visie
is dat die Fakulteit Teologie van die
NWU, saam met die GKSA as sy
grootste vennoot, ’n Genève van
ouds kan word, met Afrika as die
groot werksterrein. Ons moet die
visie hê dat uit hierdie instelling
ook in Afrikalande soortgelyke instel
lings kan ontwikkel met leiers
wat deeglik in die gees en rigting
van die Reformasie opgelei is. Verder
moet ons die visie hê dat, soos
in die tyd van die Reformasie, uit
hierdie instellings die stukrag kan
kom vir die kerstening van samelewings
wat tans nog aan allerlei
ideologieë verknog is.
Hierdie visie beteken egter dat
ons ’n paar aksente moet verskuif.
Die eerste is dat ons moet ontkom
aan ons negatiewe denke en gevolg
like geestelike verlamming
wat kenmerkend van Christene in
ons huidige samelewing geword
het. Ons moet ons daarop toespits
om verby die verleenthede na nuwe
geleenthede te kyk. Die opdraande
stryd van die kerke en die
morele verval van ons samelewing
is ’n bron van kommer.
Om egter net daarteen vas te
kyk, gaan ons nêrens bring nie.
Ons is geneig om mekaar daaroor
moe deloos te praat en ons só te
verknies oor die probleme van
ons samelewing dat ons nie die
deure wat oopgaan, raaksien nie.
Ons moet ’n oog ontwikkel vir geleenthede,
soos die geleentheid
om gereformeerde teologie in
Afrika, Suid-Amerika en Europa in
te dra langs die kanale wat vir die
Fakulteit Teologie en die GKSA
oop gaan.
Die nuwe visie beteken ook dat
ons verder as die kerk moet kyk,
na die uitbou van die Koninkryk.
Ons moet minder kerksentries
dink en meer koninkryksentries.
Die kerk is immers die speerpunt
van die Koninkryk, dit wil sê, die
middel waardeur die beginsels
van die Koninkryk van God in ons
samelewing gestalte moet kry.
Kerke is daar vir die groter saak
van die Koninkryk, en dit beteken
om die samelewing fundamenteel
te kersten.
Hierdie visie laat ons veral anders
kyk na die rol van die teologiese
professor en die dominee.
Professore kan nie net meer predikante
vir die GKSA oplei nie,
maar moet die teologie deur navorsing
en publikasies ook be vorder.
Kundige predikante kan ook
op verskeie maniere in hierdie
pro ses diensbaar wees deur byvoor
beeld as buitengewone dosente
op te tree, of deur ’n kerkraad
afgesonder te word om
be paalde diens in die uitbou van
die gereformeerde teologie te
verrig. Groot bydraes word reeds
deur predikante wat op be paalde
gebiede in die teologie gespesialiseer
het, op hierdie manier
verrig, en daar is in die bediening
nog baie kundigheid en ervaring
wat ter wille van die uitdra van
die gereformeerde leer en lewe in
Afrika benut kan word.
Nie vergesog nie
’n Genève vir Afrika is nie ’n vergesogte
idee nie. Die kanale is
reeds geskep en die geleenthede,
gawes en kragte is beskikbaar.
Wat kortkom, is die visie. Mag
ons die genade ontvang om, soos
gereformeerdes van ouds, die insig
te kry om hierdie geleenthede
met nougesette be planning en
aan wending van ons gawes tot
eer van die Here te benut! DK
10 DIE KERKBLAD Februarie 2013

Februarie 2013 DIE KERKBLAD 11

Fokusartikel
Jou deugde is ’n
LEWENSWYSE
Met die feit dat ons as gelowiges ’n deugsame lewe moet lei,
sal niemand van ons stry nie. Ons verlossing in Jesus Christus
het ’n gevolg, en deel daarvan is die deugde wat ook ander in
ons moet kan raaksien.
Oor die praktiese uitvoering hiervan is daar egter ’n paar verskillende
idees en selfs wanpersepsies. Een hiervan is dat ons kan glo dat ’n
deugvolle lewenswyse beteken dat ek nooit verkeerd optree nie, nooit
byvoorbeeld om verkeerde redes kwaad word nie en nooit foute maak
nie. Die werklikheid is egter dat ons deugde moet najaag. Ons moet
daarvoor en daaraan werk en ons daarop toespits.
Dink deugde
Deugde is egter nie net wat ons doen nie. In Filippense 4:8 en 9
moedig Paulus die gemeente aan om ’n deugsame lewe te leef. Wat
egter opvallend is, is dat hy by die gelowiges se gedagtes begin. Vers
8: “Verder, broeders, alles wat waar is, alles wat eerbaar is, alles wat
regverdig is, alles wat rein is, alles wat liefl ik is, alles wat lofl ik is, watter
deug en watter lof daar ook mag wees, bedink dit.”
Dit is dalk ’n aanvegbare stelling, maar ons gedagtes gaan altyd ons
dade vooraf. Selfs wanneer ek skrik, word my sogenaamde onwillige
optrede deur my gedagtes gerig. Nie my onmiddellike gedagtes nie,
maar wel my gereelde gedagtes. Deugde kan alleen ’n lewenswyse
word wanneer ’n gelowige deugsaam dink.
Om my optrede in elke situasie te verander, is dit dus nodig om
anders te dink.
Ds. AP (André) de Jager (Klerksdorp-Noord)
Ontwikkel deugde
Deugde is dus nie vanself ’n
lewenswyse nie. ’n Gelowige wat
deugsaam wil lewe, moet hom/
haar elke dag doelbewus daarop
toespits om deugsaam te lewe.
En so, met tyd, wórd jou deugde
al hoe meer ’n lewenswyse.
Wat dit beteken, is dat elke
gelowige foute gaan maak. Mooi,
gelowige en opregte mense gaan
onnodig kwaad word, of ander
seermaak, somtyds selfs ernstig
oortree. Verstaan mooi, die doel
van dié artikel is nie om dié foute
te verskoon nie, maar ook die
foute wat elke gelowige maak
in sy/haar strewe daarna om nie
net deugsaam te lyk nie, maar
deugsaam te lewe.
Gelowiges wat glo dat deugde
vanself ’n lewenswyse is,
kan heeltemal verpletter voel
wanneer hulle met hulle eie
of ’n medegelowige se foute
gekonfronteer word. Aan die
ander kant kan gelowiges ook
“Ons moet deugde najaag. Ons moet daarvoor en daaraan
werk en ons daarop toespits.”
12 DIE KERKBLAD Februarie 2013

moedeloos word wanneer hulle
aanhou stry om deugsaam te
leef en nie aan hulle eie ideale
voldoen nie.
Deugde is ’n lewenswyse
in die sin dat dit nie maar vir
somtyds en sommige plekke is
nie. Deugde word egter ook ’n
lewenswyse omdat ons onsself
altyd en elke keer doelbewus
daarop toespits om deugsaam te
lewe.
Bogenoemde laat egter
’n baie belangrike kenmerk
van ware deugde ongesê: die
oorsprong van deugde lê nie in
onsself nie.
Deugde is van die Here
Daar is twee kante aan hierdie
stelling, maar albei beteken
uiteindelik dieselfde: my optrede
is alleen in die Here waarlik
deugsaam.
Die eerste kant hiervan word
in Sondag 2 van die Heidelbergse
Kategismus goed verwoord: “Ek
is van nature geneig om God en
my naaste te haat.” Wanneer ek
iets vir my eie voordeel doen,
kan dit tog nie ’n deug wees nie.
Maar buite die Here is die mens
se natuur juis om nie vir ’n ander
se voordeel te werk nie.
Ware deugde moet dus van
buite kom, met ander woorde
van die Here. Deur die mooi
en die wonder, die genade en
heerlikheid van die Here te sien
en te oordink, leer die gelowige
dit vir homself ken en kan hy dit
ook vir ’n ander lewe.
Die Here, en spesifi ek ons verlossing in Christus, word dus die
motivering en dryfkrag om deugsaam te lewe.
Fokusartikel
Dit bring ons egter by die ander kant van die stelling, en dit is dat
alleen die Here mag bepaal wat deugsaam is. Wat die wêreld beskou as
deugsaam en wat die Here sê, is nie altyd dieselfde nie. Somtyds druis
dit heeltemal teen mekaar in.
Laat deugde jou lewenswyse word
Wat al hierdie dinge beteken, is dat deugde nie van nature ’n
lewenswyse is nie. Ons lewe is ’n voortdurende geleentheid om te leer
en te groei, sodat deugde al hoe meer ons lewenswyse word. Dit is
’n wonderlike en somtyds harde en uitdagende stryd om al hoe meer
deur die Gees van die Here beheers te word, sodat Hy ons optrede rig
en lei en nie ons eie natuur nie.
Natuurlik is dit net genade, en word ons in die Here weergebore,
sodat ons natuur al hoe meer verander. Dit is egter nie die fokus van
die artikel nie. Die artikel het ten doel om die ander kant weer uit te
wys: my verantwoordelikheid wat ek kan, maar ook moet nakom omdat
ek verlos is, my verantwoordelikheid om elke deug doelbewus te leer
uit die Woord van die Here, en te oefen en te werk om deugde my
lewenswyse te maak
Dalk kry ek dit dan ook reg om begrip te hê vir my medegelowige
wat ook nog besig om deugsaam te word. DK
Februarie 2013 DIE KERKBLAD 13

Fokusartikel
Die deug van
Lees: Markus 12:43-44
Ds. JG (George) van der Walt (Reddersburg)
AFHANKLIKHEID
Afhanklikheid word in die algemeen nie
juis as ’n deug beskou nie. Inteendeel, dit
word dikwels as ’n swak plek in ’n mens
se mondering beskou. Alhoewel dit ’n siening
is wat al lank met die mens saamloop, word dit
deur die hedendaagse siening van individualiteit
beklemtoon. Die samelewing beklemtoon die mens
se onafhanklikheid as ’n deug waarna gestreef moet
word.
Teenoor hierdie siening leer die Here ons in sy
Woord dat afhanklikheid inderdaad ’n deug is, dit
wil sê dit is iets wat ’n mens se mondering versterk
om die uitdagings van die lewe te hanteer.
Verkeerde en regte afhanklikheid
Die teenoorgestelde van afhanklikheid is onafhank
likheid, maar as jy mooi daaroor nadink, dan
sal jy agterkom dat daar nie werklik so iets soos
onafhanklikheid is nie. Die mens is geskape om
afhanklik te wees. Die vraag is dus nie of jy afhanklik
of nie afhanklik is nie, maar eerder van wie of wat is
jy afhanklik?
Die antwoord op hierdie vraag bepaal inderdaad
of jou afhanklikheid ’n deug is of nie. Om op iets
anders as die Here afhanklik te wees, verander die
deug van afhanklikheid in iets negatief wat vir jou
geen voordeel inhou nie.
Die mens is van die begin af van God afhanklik,
maar dit is teen hierdie afhanklikheid wat die mens
in die paradys gerebelleer het. Die mens wou nie
van God afhanklik wees om namens hom te besluit
wat goed en reg is nie. Hy wou self besluit.
Hiermee het die mens egter nie onafhanklik
geword nie. Sy afhanklikheid het net van die goeie
na die bose verskuif. Die mens rebelleer vandag
nog steeds teen sy afhanklikheid van God deur dit
na iets anders te verskuif, en daarmee plaas hy sy
afhanklikheid op wêreldse middele soos geld of
aansien of iets dergeliks.
In Markus 12:43-44 leer die Here ons die verskil
tussen die regte en verkeerde afhanklikheid: Hy
het sy dissipels nader geroep en vir hulle gesê: “Dit
verseker Ek julle: Hierdie arm weduwee het meer
ingegooi as al die ander mense wat iets in die
offergawekis gegooi het. Hulle het almal uit hulle
oorvloed iets ingegooi, maar sy het in haar gebrek
alles ingegooi wat sy gehad het, alles waarvan sy
moes lewe.”
Die klein offergawe van die weduwee wys op die
regte afhanklikheid, teenoor die groot offergawes
van die ryk mense wat op verkeerde afhanklikheid
dui.
Alhoewel die weduwee se bydrae baie klein was
(ongeveer 50c in hedendaagse geldwaarde), is dit
vir die Here aanneemlik, omdat dit haar absolute
afhanklikheid van die Here aantoon. Nadat sy
die twee muntstukkies ingegooi het, het sy niks
oorgehad nie, omdat sy alles waarvan sy moes lewe,
ingegooi het.
Met hierdie offergawe wys die weduwee hoe
14 DIE KERKBLAD Februarie 2013

“Geseënd is dié wat weet hoe afh anklik hulle van God is, want
aan hulle behoort die koninkryk van die hemel.” (Matt . 5:3)
afhanklik sy van die Here is. Sy gee alles wat sy het,
omdat sy vertrou dat die Here nog steeds vir haar
sal sorg.
Teenoor haar offergawe is die groot bydraes
van die ryk mense. Hulle het egter net van hulle
oorvloed gegee. Dit wat hulle gegee het, het nie
regtig ’n invloed op hulle gehad nie. Hulle kon
sonder die offergawe nog net so goed regkom
soos voor die offergawe, omdat dit uit hulle surplus
gekom het. Al wat die offergawe gedoen het, was
om die surplus so ’n bietjie kleiner te maak. Ná die
offergawe het hulle afhanklikheid nie van hulle eie
fi nansiële vermoëns na die Here toe geskuif nie.
Die gevolg van ’n verkeerde afhanklikheid
’n Verkeerde afhanklikheid het ’n negatiewe
invloed op jou dankbaarheidslewe. In Markus
12:44 hoor ons: “Hulle het almal uit hulle oorvloed
iets ingegooi.” Hulle offergawe het slegs bestaan
uit dit wat oorgebly het nadat hulle in al hulle
lewensbehoeftes voorsien het.
Lyk ons dankbaarheidslewe nie ook maar dikwels
so nie? My offergawes in terme van geld, tyd en
betrokkenheid hang af van dit wat beskikbaar is
nadat ek eers my eie behoeftes bevredig het. As ek
tyd oor het, sal ek dit afstaan om diensbaar te wees
in die gemeente. As ek die oggend nie te moeg
is ná die vorige aand se partytjie nie, sal ek die
erediens gaan bywoon.
As ek so leef dat ek nie in alles van die Here
afhanklik is nie, dan sal my dankbaarheidslewe
en betrokkenheid baie oppervlakkig wees. In 2
Timoteus 3:5 beskryf Paulus baie goed wat die
gevolg is: “Hulle sal nog die uiterlike skyn van die
godsdiens hê, maar die krag van die godsdiens sal
hulle nie ken nie.”
Fokusartikel
Hoe bekom ek die deug van afhanklikheid?
Die weduwee se offer wys vooruit na Christus
se offer. “Sy het in haar gebrek alles ingegooi wat sy
gehad het, alles waarvan sy moes lewe.” Christus het
ook alles gegee wat Hy gehad het. Hy het sy lewe
gegee sodat ons weer met God versoen kan word,
dit wil sê sodat ons kan weet hoe afhanklik ons van
God is.
Die Here wil nie die oorskiet van ons tyd of
geld hê nie. Hy wil ons in totaliteit hê. Christus het
Homself ten volle gegee. Ons kan ons ook ten volle
aan God gee deur die soenoffer van Jesus Christus
in geloof aan te neem en daarmee ons afhanklikheid
ten volle op God te plaas.
Wat beteken die deug van afhanklikheid vir my?
Jesus sê in Matteus 5:3 wat dit vir my beteken:
“Geseënd is dié wat weet hoe afhanklik hulle van
God is, want aan hulle behoort die koninkryk van die
hemel.” DK
Februarie 2013 DIE KERKBLAD 15

Fokusartikel
Die deug van
SIMPATIE
Wat is simpatie?
Soms hoef ’n mens niks te sê nie. Jy moet net dáár wees vir die een in nood.
Job se vriende het sewe dae en sewe nagte net by hom gesit sonder om
iets te sê (Job 2). En nou weet ons hulle moes maar langer stilgebly het …
’n Ander treffende voorbeeld van ware simpatie is die barmhartige
Samaritaan (Luk. 10). Ons lees daar dat hy die man jammer gekry het, sy wonde
verbind het, hom na ’n herberg geneem het en hom daar verder versorg het.
Hebreërs 13 som sy optrede baie raak op: “Dink aan die gevangenes asof julle
self ook gevangenes is, en aan dié wat mishandel word, asof julle self ook
mishandel word” (vs 3). Dit is presies wat die Samaritaan gedoen het. Hy het
hom só met die nood van die man vereenselwig dat hy bereid was om saam met
hom te ly.
Dit is wat simpatie beteken: om jou só in te leef in ’n ander se lyding dat jy
saam met hom seerkry.
Ons Hoëpriester – die groot simpatieke Een
Ons het ’n Hoëpriester, sê die Hebreërbrief, wat soveel medelye met ons
gehad het dat Hy sy lewe vir ons afgelê het. In dié opsig was Christus se optrede
egter vreemd aan sy tyd. Nêrens in die buite-Bybelse Joodse of Griekse literatuur
is van priesters verwag om in so ’n mate medelye met sondaars te hê dat hulle
bereid moes wees om hulle lewe vir sondaars te gee nie. Die Joodse skrywer
Filo het selfs teen hierdie soort persoonlike betrokkenheid gewaarsku. Dit sou ’n
priester se sogenaamde “ampskorrektheid” nadelig beïnvloed. Die wyse man wat
onverstoord sy gang gaan, is as die ideale rolmodel voorgehou. Die ideaal was
nie simpatie nie, maar apatie.
Die Bybel teken egter vir ons ’n unieke Hoëpriester, naamlik Een wat met ons
swakhede medelye gehad het (Heb. 4:15). Daar was nog nooit iemand soos Hy
nie en daar sal ook nooit weer iemand soos Hy wees nie. Hy was ’n barmhartige
en getroue Hoëpriester (Heb. 2:17). Vir Hom was dit juis “ampskorrek” om Hom
oor sondaars te ontferm. Omdat Jesus ons ewige Hoëpriester is, red Hy ons
eens en vir altyd (Heb. 7:25), of soos die Ou Afrikaanse Vertaling sê: Hy red ons
volkome.
Ds. WJ (Kobus) Botha (Bloemfontein-Noord)
Anders as die hoëpriesters
van die ou verbond
wat keer op keer offers
moes bring, het Jesus
een offer gebring: die
volmaakte offer. Dis
genade wat nie net
gratis is nie, dis ook
genoeg!
Dis ons troos
te midde van die
verwarring en wanhoop
wat die lewe kenmerk:
Ons is gered. Nie
bietjies-bietjies nie,
nie halfpad nie, selfs
nie nege-tiendes nie.
Nie “dalk” of “miskien”
of “eendag moontlik
wel” nie, maar geheel
en al, volkome,
eens en vir altyd, vir
ewig! Dis verlede
tyd. Geskiedenis.
Afgehandel. Heilsfeit!
Gered! Soos ’n stuk
hout is ons uit die vuur
geruk!
Kan ons dit genoeg
vir mekaar sê? Ons
is gered en niks, of
niemand, sal ons ooit
uit die hande van ons
Middelaar kan ruk
16 DIE KERKBLAD Februarie 2013

nie (Joh. 10:28). In hierdie gratis en genoegsame
redding lê ons behoud en ons krag deur die eeue
heen.
Hier hou dit egter nie op nie: Jesus se middelaarswerk,
en daarom ons verlossing, is afgehandel,
en tog ook nie. Ons hoor: Omdat Jesus se offer
volkome was, lewe Hy vir altyd om vir ons by
God in te tree (Heb. 7:25). ’n Mens moet hierdie
prentjie telkens voor ons geestesoë sien om dit
te kan verstaan: Jesus bid vir ons. Hy, ons heilige,
skuldelose en smettelose Hoëpriester tree vir ons in,
steek sy hande na God die Vader uit, om ons ontwil.
Dag en nag doen Hy dit. Eeu na eeu, millennium na
millennium. Vir ewig. En Hy doen dit vir die vroeë
Hebreër-Christene en vir die Christene van die derde
millennium. Sonder ophou staan Hy daar aan die
regterhand van God die Vader en pleit Hy vir ons, sy
kerk.
Daarin lê uiteindelik die diepste geheim en krag
van die gelowige. Nie in ons vrome heiligmaking,
of ons verbete toegewydheid, of ons puik kerklike
organisasie, of sinodeverklarings nie. Nee, ons krag
lê in die uitgestrekte hande van ons Middelaar en
Hoëpriester, ons Voorbidder en Verlosser, Jesus
Christus. En Jesus bid vir ons elkeen, by die naam.
Vir Petrus het Jesus gesê: “Luister! Die Satan het
daarop aangedring om julle soos koring te sif: Maar
Ek het vir jou gebid dat jou geloof jou nie begewe
nie …” (Luk. 22:31).
In Johannes 17, Jesus se hoëpriesterlike gebed,
bid Hy dat ons van die Bose bewaar sal bly, dat ons
met sy blydskap vervul sal word, dat ons toegewy
deur die waarheid sal wees, dat ons een sal wees,
dat ons saam met Hom in die hemel sal wees en sy
heerlikheid sal aanskou, en dat sy liefde in ons sal
wees.
Die vrug wat ons moet dra
Medelye met mekaar, omgee vir mekaar, is
vrugte wat ons dra omdat Jesus se omgee in ons
harte heers. En hierdie omgee het Hyself in die
profetiese rede in Matteus 25 opgesom: “… Ek was
honger, en julle het My iets gegee om te eet; Ek was
dors, en julle het My iets gegee om te drink; Ek was
’n vreemdeling, en julle het My gehuisves; Ek was
sonder klere, en julle het vir My klere gegee; siek, en
julle het My verpleeg; in die tronk, en julle het My
besoek” (vs 35, 36).
Fokusartikel
En as die heiliges vra: “Wanneer, Here?”, dan sal
die Koning antwoord: “Dit verseker Ek julle: Vir sover
julle dit aan een van die geringste van hierdie broers
van My gedoen het, het julle dit aan My gedoen.”
Dis die wonder van vrug-dra: Medelye met
mekaar is medelye asof aan Jesus Christus self!
(Met erkenning aan veral A du Toit en J Cilliers) DK
Februarie 2013 DIE KERKBLAD 17

Fokusartikel
Die deug van
GETROUHEID
VIr te veel mense het getrouheid vandag iets van ’n
onbekostigbare luukse geword. So luuks en onbekostigbaar dat jy
dit net by ’n handjievol mense kry wat werklik geseënd is. Tog is
dit iets wat selfs die armste van die armes besit.
Van kleins af is ons geleer dat getrouheid, saam met die woorde
liefde, vreugde, vrede, geduld, vriendelikheid, goedhartigheid, nederigheid
en selfbeheersing as die vrug van die Gees geken word. Die realiteit
van die saak is egter dat die vrug van die Gees nie net bedoel was
om woorde te bly nie, maar om met die daad uitgevoer te word.
So kan iemand dan ook aan die vrug wat hy dra, geken word. Indien
ek (met die mond) beweer dat ek getrou is, gaan dit alleen uit my dade
bevestig kan word.
Dit is juis hier waar getrouheid dikwels ’n onbekostigbare luukse
word, want so baie het die verkeerde begrip van wat getrouheid is.
Wat behels getrouheid?
In Afrikaans bestaan getrouheid uit vyf fasette:
Eerstens dui getrouheid op ’n verhouding. Met ander woorde,
die manier waarop jy met ander omgaan. Tydens die sluiting
van ’n huwelik beloof man en vrou (voor God) onder andere
trou aan mekaar, wat niks anders is nie as standvastigheid en
onveranderlikheid in die wyse waarop liefde en koestering uitgeleef
word teenoor mekaar.
Tweedens dui getrouheid op ’n pligsbesef. Met die besef van wat
hy moet doen, gaan doen ’n getroue persoon sy werk toegewyd
(getrou). Dit is nie nodig dat iemand die heeltyd oor sy skouer
moet gaan loer om seker te maak dat die werk gedoen word nie.
In die derde plek het getrouheid met stiptelikheid te doen. Daar
Ds. RP (Roelof) Buys (Nelspruit)
waar jy afsprake het, beloftes
gemaak of jou woord
gegee het, moet dit stiptelik
nagekom word. Ook die
voluit uitle wing van jou
oortuiging val onder hierdie
kategorie.
Dan verwys dit ook na
gereeldheid. In aansluiting
by die voorafgaande gaan
getrouheid nie net oor
stiptheid nie, maar ook om
gereeldheid. Ek kan myself
nie daarop beroem dat ek
’n getroue kind van God is
as ek maar net so dan-enwan
die erediens en ander
kerklike aangeleenthede
bywoon nie. Ook die
gereeldheid waarin jy jou
klasse bywoon, jou werk
doen, jou rekeninge betaal,
dra alles by tot die deug van
getrouheid.
18 DIE KERKBLAD Februarie 2013
Laastens wys dit ook op
’n wyse waarop iets
deurgegee word. Met
ander woorde, die wyse
waarop jy die oorspronklike
weergee (die noukeurigheid,
betroubaarheid en
presiesheid daarvan),
kan – in wese – nie net

die getrouheid van die weergawe beïnvloed nie, maar ook jou
getrouheid.
Waarin moet ons getrou wees?
In die Skrif sien ons hoe die mens tot gehoorsaamheid op vele
terreine van hulle lewens opgeroep word. Reeds in Deuteronomium
11:13 word ons opgeroep om in gehoorsaamheid aan God se wette te
lewe. In 1 Konings 2:4 word ons daarop gewys dat ons met ons hele
lewe (hart en siel) voor God moet leef deur aan Hom getrou te bly, om
nie eers te verwys na die magdom voorbeelde nie, onder andere dié
van die knap vrou van wie daar in Spreuke 31 geskryf word.
Hoewel die oproep wat ons in die Ou Testament ontvang, steeds
baie wyd is, kry ons in die Nuwe Testament onder andere drie sake
waarin ons getrou moet bly, in gehoorsaamheid aan God:
1
As Paulus in Romeine 12 die riglyne vir die Christelike lewe
deurgee, dan is dit veral vers 12 wat ons aandag trek as daar
staan: “... volhard in gebed”, want hierin word ons opgeroep om in
ons gebedslewe getrou te bly. Gebed is immers die asemhaling van ’n
gelowige. Gebed is die middel waardeur ons tot die lewende God kan
kommunikeer met Wie ons in ’n verhouding staan.
As hierdie faset van ons geloofslewe afgeskeep word, verlep ons
geloofslewe. Stadig maar seker begin mense al minder bid dat God
hulle die krag moet verleen; in hulle doen en late en pak hulle meer
en meer op eie krag aan. Dit gaan dalk nog vir ’n tydjie lank goed met
so ’n persoon, maar sodra die middagson sy strale laat brand, sodra
die persoon deur die vuuroond van die lewe moet gaan, is daar bloot
eenvoudig nie genoeg voedingstowwe om hom aan die lewe te hou
nie.
2
Die tweede faset waarin ons getrou moet bly, is in die gebruik
van ons gawes. In 1 Petrus 4:10 skryf Petrus dat elkeen, namate
hy ’n genadegawe ontvang het, in liefde (volgens vs. 8-9) die ander
moet dien. Ons moet dus nie net getrou wees in woord (in ons gebede)
nie, maar ook in ons dade (die gebruik van ons gawes).
Die gawes wat ons uit die hand van God ontvang het, verskil
van mekaar (vgl. o.a. 1 Kor. 12:12 ev.), maar dit is juis daar, waar die
onderskeie liggaamsdele mekaar dien met die onderskeie gawes, dat
God se Naam verheerlik word. Die gebrek daarvan om ons gawes
getrou te gebruik, het dus ’n vernietigende effek, nie net op die
liggaam van Christus nie, maar ook op die verheerliking van God se
Naam.
Fokusartikel
Februarie 2013 DIE KERKBLAD 19
3
Die derde faset van
getrouheid waarop ons
gewys word, is dat getrouheid
nie momenteel kan werk nie.
Ons kan nie vir ses dae van
die week getrou wees en die
sewende dag ’n bietjie rus (wat
getrouheid behels) nie. Ons
word immers in Openbaring
2:10 opgeroep om tot die dood
toe getrou te bly. Soos die
gemeente in Smirna kom daar
ook moeilike omstandighede oor
ons pad, maar dit is juis in hierdie
omstandighede, dat ons getrou
moet bly – moet volhard selfs tot
die dood toe.
Beloftes aan die getroues
Natuurlik leef ons nie die
vrug van getrouheid uit om self
daardeur raakgesien te word
nie, maar ons doen dit omdat
ons daardeur God se Naam wil
verheerlik. Daarom hoor ons
in soveel plekke in die Skrif die
wonderlike beloftes van God aan
dié wat getrou is. In Psalm 18:26
beloof God dat Hy getrou is aan
elkeen wat getrou is. Hy bewaar
hulle (Ps. 31:24; Spr. 2:8); Hy waak
oor hulle lewens (Ps. 97:10); Hy
seën hulle (Deut. 11:13–15); Hy
beloon hulle (Matt. 25:21–23); Hy
onthou hulle/dink aan hulle (Ps.
37:28); en Hy waarborg hulle die
lewe (Eseg. 18:9).
Met díe beloftes van God in
gedagte, moet elke gelowige
met lus en liefde die deug van
getrouheid uitleef – eerstens
teenoor God, maar ook teenoor
sy naaste. DK

Diskussie-artikel
Rob van der Kooy (Pretoria)
Christelike ontploffing in
Gewoonlik hoor 'n mens
net slegte nuus uit Afrika:
ar moede, werkloosheid,
droog tes, oorloë en diktators wat
lande die grond in regeer. Maar is
dit die volledige en ware prentjie?
Verlede jaar het ek hieroor begin
wonder na aanleiding van twee
heeltemal verskillende bron ne van
inligting, en het toe ’n bietjie navorsing
begin doen. Dit blyk dat
die prentjie baie po sitiewer lyk.
Ekonomie
Die een terrein is ekonomies
van aard. Talle berigte dui daarop
dat die ekonomieë van die meeste
van die 51 lande suid van die
Sahara (dit is waaroor hierdie artikel
gaan) stewige groei begin
toon het, ondanks die resessie in
Westerse lande. Waar Europa en
die VSA met enorme skuldkrisisse,
lae of geen ekonomiese groei en
toenemende werkloosheid sukkel,
lyk Afrika anders. In sommige lande
is groei van tussen 4% en 6%
(Suid-Afrika uitgesluit, want hier
sukkel ons om by 2% uit te kom).
Dit beteken dat ook die inkomste
per persoon in daardie lande stadig
maar seker verbeter.
Die byna 50 jaar sedert de kolonialisasie
was ’n tyd van stagnasie,
selfs van agteruitgang, in
baie lande. Is daar nou werklik ’n
om meswaai? Dit is in elk geval
maar net ’n begin, en ’n mens
is ook nie seker oor die oorsaak
Afrika
daar van nie. Is dit Chinese en Indiërs
wat kom handel dryf, ontwikkelingsprojekte
aanpak en
my ne oorneem? Of is dit groei
van uit Afrika en sy mense deur ’n
bietjie beter owerheidsbestuur en
eie sake-inisiatiewe? Die tyd sal
dit leer.
Dit is wel bekend dat baie
Suid-Afrikaners met allerlei werksaamhede
in Afrika besig is: banke,
ingenieursprojekte, supermarkte,
myne, selfoonnetwerke, landbou
en boerderye. Talle inisiatiewe is
aan die gang, waarby ook plaaslike
inwoners betrek word of selfs die
leiding neem. Waar dit in Suid-
Afrika ekonomies swaar gaan,
doen daardie lande suid van die
Sahara waar politieke stabiliteit is,
al die afgelope jaar of vyf beter.
Christendom
Verlede jaar in Oktober het ek
’n konferensie bygewoon wat deur
die Association Christian Schools
International gereël was. Die tema
was “Africa, your time has come”.
Daar was verteenwoordigers uit ’n
twintigtal Afrikalande: almal van
Christelike skole, universiteite en
kerke. Hulle het almal kom vertel
wat hulle doen en wat in hulle land
aangaan, wat die probleme is en
hoe die Christendom posvat. Die
inligting het my verbaas. Daar is
regtig talle Christelike skole, baie
Christelike kerke en selfs ’n hele
paar Christelike tersiêre instellings
en universiteite. Dalk nie soos ons
dit ken nie, dalk nie veel meer as
“boskolleges” nie, maar daar is.
Hoe funksioneer hulle en hoe
“Christelik” is hulle regtig, om nie te
praat van “gereformeerd” nie? Uit
gesprekke tydens die konferensie,
en ook met verskeie persone wat
in voeling is met wat in Afrika gebeur
(mense soos Brian de Vries,
dr. Samson Makhado en dr. Flip
Buys), blyk dit dat daar dalk ’n
gebrek aan kennis van die inhoud
van die Bybel is, maar sekerlik ook
dat die Bybel onvoorwaardelik as
die gesagvolle Woord van God
aanvaar word en dat mense meer
en meer daarvan wil leer. Kortliks:
daar is ’n beweging in die rigting
van Sola Scriptura.
Toe gaan krap ek ’n bietjie op
die internet en kom op indrukwekkende
statistieke af, onder
meer saamgestel deur die Pew
Forum on Religion & Public Life
van Boston, wat onlangs ’n verslag,
Global Christianity, gepubliseer
en op die internet geplaas het.
Volgens die Pew Forum se syfers
is daar meer as 500 miljoen Christene
in Afrika suid van die Sahara.
In die 51 lande woon ongeveer
24% van die wêreld se Christene.
Pew se 2010-ramings is dat daar
in Nigerië 80,5 miljoen Christene
is, net meer as die helfte van
daardie land se bevolking. In die
Demokratiese Republiek van die
20 DIE KERKBLAD Februarie 2013

Kongo is byna die hele bevolking Christene (96,7%).
In Etiopië is dit 63,4% en in Suid-Afrika is dit net meer
as 80%. So kan ’n mens aangaan. Land na land het
indrukwekkende persentasies Christene.
Van hierdie 500 miljoen is sowat die helfte Rooms-
Katoliek en 37% Protestant. Die res is wat “ortodoks”
en “ander” genoem word. Hier moet bygesê word
dat onder Protestant Pew ook alle onafhanklike kerke
tel, waarvan ons weet dat baie van daardie kerke heel
sinkretisties is, dus kerke wat die tradisionele Afrikageloof
op die een of ander manier met die geloof in
Christus versoen.
’n Reformasie?
As ’n mens ’n bietjie gaan oplees oor die Weste
se Renaissance en Reformasie vanaf die 14de tot die
16de eeu, is daar nogal ’n paar parallelle. ’n Mens
moet net onthou dat daardie twee groot bewegings,
wat die wêreld destyds totaal verander het, nie sulke
netjiese en skoon bewegings was as wat dit dalk
oppervlakkig lyk nie. Dit het met talle oorloë, enorme
armoede en ellende, geloofsvervolging en ook
versplintering van die Christelike geloof gepaard gegaan.
Laasgenoemde was nie net ’n kwessie van Gerefor
meerdes wat van die Rooms-Katolieke Kerk wegge
breek het en Gereformeerdes wat vervolg is, met
die Remonstrante wat weer ’n ander koers gekies het
nie. Die Reformasie was die uitkoms van talle sinkretistiese
bewegings en bygelowe. Ook binne die
reformatoriese kerke en die Roomse kerke en daarbuite
was talle verskille en rigtings.
Is dit wat nou in Afrika gebeur? ’n Mens weet
nie, maar is dankbaar vir die beweging wat daar is.
Hou ook in gedagte dat die Westerse Renaissance
en Reformasie in totaal maklik oor 200 jaar gestrek
het, op een plek vinniger en meer indringend as op
’n ander plek.
Wat moet ons as Gereformeerdes daaraan doen?
Eerstens moet ons daarvoor bid. Dit doen ons heelte
mal te min. Tweedens om die kosbare erfenis van
By belkennis, gemeente- en kerkbou wat God oor
baie jare aan ons gegee het, te verkondig, verder uit
te bou en oor te dra. Daarvoor gee die Here talle geleenthede.
DK
Diskussie-artikel
CHRISTELIKE STATISTIEK
Swerf ’n bietjie deur die internet en jy kom op
aller hande interessante stati sti ek af, soos die volgende:
In die wêreld is daar ongeveer 2,2 miljard Christene,
byna ’n derde van die totale wêreldbevolking. Persen
tasiegewys is dit egter ’n paar persent minder
as ’n eeu gelede.
Wêreldwyd is daar na raming 316 000 sendelinge
en 4,2 miljoen voltydse Christelike werkers.
Per jaar word ongeveer 80 miljoen nuwe Bybels
ver sprei, en daar is tans ses miljoen boeke oor die
Christendom in druk.
In totaal is daar 3,5 miljoen kerke.
Na raming is daar gemiddeld per jaar 160 000 martelare,
mense wat vir hulle Christelike geloof sterf.
MOSLEMGETALLE GROEI VINNIGER
Die 2011-sensus in Suid-Afrika het nie na mense
se geloof gevra nie, maar na raming is daar reeds
meer as ’n miljoen Moslems in Suid-Afrika, so min of
meer dubbeld die getal van ’n jaar of 20 gelede. Dit is
ongeveer 2% van die land se bevolking. ’n Mens kan
sien hoe moskees oral in dorpe verrys. Ry jy deur Johannesburg
op die M1, sien jy minstens vier, een met
die mooiste vier torings. Moslems beweer dan ook dat
hulle geloof die vinnigste in die wêreld groei. Kyk ’n
mens na die syfers, dan lyk dit nogal so. In 1900 was
daar 200 miljoen Moslems wêreldwyd. ’n Eeu later was
dit 1,2 miljard en 2006 se ramings dui op 1,6 miljard.
Ook in Afrika is daar vinnige groei. Tans word hulle
getal in die hele Afrika op 422 miljoen bereken, sowat
41% van Afrika se totale bevolking van net meer as
een miljard. Die getal Christene is volgens dieselfde
ramings 490 miljoen, 48%. Ander ramings dui op laer
syfers vir die Moslems. Dis in elk geval duidelik dat die
Moslemgeloof vinnig groei, waarskynlik nog vinniger
as Christelike gelowe.
Waarom soveel onduidelikheid? Gedeeltelik omdat
daar nie betroubare stati sti ek is nie, gedeeltelik omdat
defi nisies verskil (is die Sioniste ’n Christelike geloof?),
en gedeeltelik omdat elke religie sy eie syfers so hoog
as moontlik aangee. ’n Mens kan in elk aanvaar dat van
al hierdie getalle net ’n beperkte persentasie akti ewe
“lidmate” is.
Februarie 2013 DIE KERKBLAD 21

Besinning
Roof vs. Jesus
Die vreemde opskrif, Roof vs. Jesus, boaan ’n
e-pos dek ’n onlangse brief van Filia Janse van
Vuuren, onder meer eredienskoördineerder in
die kantoor van die Gereformeerde Kerk Linden, met
’n ontstellende en verrassende lading.
Die eerste paragraaf bevat ’n omvattende dankbetuiging
aan “elkeen wat gister so net-hier-was, wat
gebid het, kom kinders oppas het, kom koffi e aandra,
geluister, bemoedig, gebel het”.
Net voor die roof waarna Filia verwys, was daar ’n
persoon in die kantoor wat haar gegroet het met die
woorde: “Mag jy ’n uitsonderlike dag hê.” Terwyl sy
nog daaroor wonder en na haar rekenaar toe loop,
loop sy haar vas in drie rowers wat by ’n ander ingang
inkom.
“Ek wil graag ’n paar dinge deel wat gebeur het
na en tydens die roof wat my laat besef dat Jesus so
betrokke is in ons lewens en so ’n liefde het vir ons
mense”, skryf Filia – en dan volg 15 herinneringe. Ek
gee dit onvolledig weer, om ruimte te bespaar:
“Ek groet die leier vriendelik en hy haal ’n pistool
uit.”
“Net die oggendkollekte (R9 000.00) word gevat.
Die rowers sien nie die geld in die tiende- en
aand dienskoeverte nie.”
Die kluis is leeg toe sy dit oopsluit vir die rowers.
Alles lê op Lizelle Schutte (die gemeente se kommunikasiebestuurder)
se tafel.
Hardus, Filia se baba, slaap in sy wiegie onder die
tafel. “Ek lê op my maag en kyk na die wiegie en
bid – en dit voel of ek, Lizelle, George (die tuinhulp)
en Hardus toe is in ’n kapsule van beskerming, wat
natuurlik die Here se beskerming is.”
“Hulle steel nie ons rekenaars nie. Ek en Lizelle
stuur e-posse vir hulp!”
Sy gee verder inligting oor mense wat “intree met
Dr. Leona Venter (Pretoria)
gebed” nadat dr. Jacob Pretorius, die predikant, hulle
geskakel het; oor die kalmerende uitwerking – “soos
altyd” – wat haar man, Thinus, se aankoms op haar
het. “Hy moes gister Madagaskar toe vlieg, maar sy
trip is verlede week aangeskuif na volgende week.”
Filia noem talle name van mense wat gehelp het.
Met deernis beskryf sy die ongeletterde tuinhulp (wat
nie besef het dat dit ’n rooftog is totdat hy die pistole
gesien het nie) se benoudheid. “Ek glo hy het vandag
besef dat ons ’n GROOT HERE aanbid.”
Dr. Daniel Nkulu van hulle buurgemeente, wat
daar was vir ’n vergadering, het aan Filia gesê: “You
are a servant of God en therefore a target of Satan.
Take courage.”
Die polisievrou wat haar berading gegee het, het
na die voorval gesê: “I know you are a Christian, I am
also one, although I am not allowed to say it, but I
will pray for you.”
Vir Filia is die mees besondere gebeurtenis: “My
Leila-kind was nie bewus van enigiets nie. Ons het
niks vir haar vertel nie. Tog bid die driejarige die aand
voor ete: “Jesus, dankie dat Jy die skelms KAN wegjaag.”
Die afsluiting is: “Toe die drie rowers weg is, kom
daar ’n menigte broers en susters op die terrein aan”
en “Jesus se krag word bevestig, gebede gaan op, ons
terrein en kampus word skoon gebid”. Die slotsom is:
“Jesus het oorwin!”
Met die lees van die brief van die jong vrou het ek
gedink aan al die koerantberigte wat volledig grusame
besonderhede oor roof en allerlei aanvalle gee. In
Filia se brief is daar ’n opvallende fokusverskuiwing
van die negatiewe daad na genadige bewaring en
spon tane meelewing – dus eintlik ’n omkering van
die opskrif na Jesus vs. roof. DK
22 DIE KERKBLAD Februarie 2013

Afrikaans is 'n jong en dinamiese taal wat ryk is aan verskillende Bybelvertalings.
Vir 'n gewone Bybelleser is dit egter dikwels onduidelik
waarom so baie vertalings in Afrikaans nodig is – veral as die
verskillende vertalings boonop heelwat van mekaar verskil. Die Interliniêre
Bybel bied vir die Afrikaanse leser, selfs vir iemand met min of
geen kennis van Grieks, op 'n unieke manier toegang tot die Griekse teks
van die Nuwe Testament. Dit is só saamgestel dat selfs al ken lesers nie
Grieks nie, hulle toegerus word om die vertaalproses uit die Grieks na
Afrikaans te kan volg.
Medewerkers aan die Interliniêre Bybel is:
Jan van der Watt (redakteur) – Professor in Nuwe Testament aan die
Radboud Universiteit in Nijmegen, Nederland; buitengewone pro fessor
in Nuwe Testament, Noordwes-Universiteit, Potchefstroom (Johan
nes, Kolossense, 1 Johannes, 2 Johannes, 3 Johannes)
Jan Barkhuizen (redakteur) – Professor-emeritus aan die Universi teit
van Pretoria, Departement Antieke Tale, en sedert 2004 navorsingsprofessor
Herman du Toit (redakteur) – Navorsingsgenoot by die Departement
Nuwe Testament van die Universiteit van die Vrystaat en die Universiteit
van Stellenbosch
Pieter GR de Villiers – Buitengewone professor in Nuwe Testament,
Universiteit U van die Vrystaat (Handelinge
d 1 – 19)
Jan du Rand – Buitengewone
pro p fes sor in Nuwe Testament, Noordwes-Universiteit,
w
Potchefstroom, en
professor-emeritus p
in Nuwe Testament,
m Universiteit van Johannesburg
(Markus, ( Handelinge 20 – 28, Openbaring)
b
Fika Janse van Rensburg – Dekaan
k van die Fakulteit Teologie en
Van Oraloor
professor in Nuwe Testament,
Noordwes-Universitet, en
die Teologiese Skool van die
GKSA, Potchefstroom (Efesiërs,
1 Timoteus, 2 Timoteus, Titus,
1 Petrus, 2 Petrus, Judas)
Gert J Steyn – Departementshoof
en professor in Nuwe
Tes tament, Universiteit van
Pre toria, asook navorsings genoot
aan die Kirchliche Hochschule
in Wuppertal, Duitsland
(Hebreërs, Jakobus)
Francois Tolmie – Dekaan
van die Fakulteit Teologie
en professor in Nuwe Testament,
Universiteit van die Vrystaat
(Romeine, Galasiërs, Filippense,
1 Tessalonisense, 2
Tes salonisense, Filemon)
Hermie van Zyl – Departements
hoof en professor in
Nuwe Testament, Universiteit
van die Vrystaat (Matteus, Lukas)
Wim Vergeer – Buitengewone
professor in Nuwe Testament,
Noordwes-Universiteit, Potchefstroom,
en predikant van
die Geref. Kerk Krugersdorp (1
Korintiërs, 2 Korintiërs).
Februarie 2013 DIE KERKBLAD 23

Van Oraloor
Meegedeel deur Joseph Malunga (Noordwes-Universiteit, Potchefstroom)
Daan en Rika Taljaard
52 jaar by sending betrokke
Daan Taljaard het
aan die einde van
1959 sy teologiese studie
aan die TSP voltooi,
en in Desember 1959
tree hy en Rika in Potchefstroom
in die huwelik.
Hy bedien vanaf Februa
rie 1960 die Geref.
Kerke Volksrust en Vrede
in kombinasie. Gedu
rende hierdie tyd
raak hulle betrokke by
maatskaplike probleme
in dié uitgestrekte, plattelandse
gemeenskappe
in samewerking met die
SAVF (Suid-Afrikaanse
Vrouefederasie), veral
ten opsigte van die verwaar
losing van kinders.
Nadat Rika ’n ingrypende
operasie ondergaan
het, het Daan die
bediening verlaat en tree
hy in Mei 1963 in diens
van die Departement
Volkswelsyn en Pensioene,
as sekretaris van die
Streekswelsynsraad vir
Suid-Transvaal. Hulle
woon in die middestad
van Johannesburg; dit
het hulle in staat gestel
dat Rika gereeld
vir noodsaaklike opvolg
be handeling by die
Johannesburgse Hospi-
Erkenning is verlede jaar aan Daan Taljaard gegee vir sy sendingwerk van 52 jaar. Sy vrou
Rika kyk toe.
taal kon aanmeld. Hulle het lidmate van die Geref. Kerk Johannesburg Sentraal
geword. Daan het betrokke geraak by die middestad-evangelisasie van die gemeente,
en is as ouderling bevestig.
In 1965 het die HERE hulle hele lewe verander toe Daan op grond van ’n duidelike
en onweerstaanbare roeping van die HERE die aanstelling as sekretaris (administratiewe
bestuurder) van die Siloam Sendinghospitaal van die GKSA in Venda,
Noord-Transvaal, aanvaar het. Hierdie sendingwerk het onder die beheer van die
Geref. Kerke Pretoria-Oos, Brooklyn, Rustenburg, Krokodilrivier en Louis Trichardt
gestaan, in samewerking met sendingdeputate van die Christelik Gereformeerde
Kerke in Nederland.
Saam met hulle vierjarige dogter, 15 maande-oue seun en maand-oue tweede
dog ter gaan woon hulle saam met al die ander sendingpersoneel op die hospitaalterrein.
Hier werk hulle voluit saam in die uitdra van die evangelie, ook deur
Bybelonderrig en preekdienste. Rika dien as bestuurder van die hospitaal se
washuis en kombuis. Die hospitaal word opgebou tot ’n voorste distrikshospitaal
wat van 160 na 500 beddens gegroei het. Daar word ook op maatskaplike en onderwysterreine
hulp verleen.
24 DIE KERKBLAD Februarie 2013

Hulle was daar lidmate van die Geref. Kerk Louis Trichardt en Daan het as ouderling
gedien en is ook betrek as afl osprediker in die gemeente tydens die verlof van
die predikante. Hy het ook gedien as sekretaris van die distriksgesondheidsraad,
waarby al die omliggende sendinghospitale betrokke was. Hulle het 12 vrugtevolle
jare hier in die lief en leed van ywerige sendingwerkers gedeel. Hulle laaste drie
seuns is hier gebore en kry van die plaaslike bevolking Venda-byname. In Mei 1976
het hulle Venda verlaat op grond van die besluit deur die nuwe Vendaregering dat
alle nie-mediese personeel deur hulle eie mense vervang moet word.
Hulle het na Potchefstroom teruggekeer, waar Daan ’n pos as administratiewe
be ampte by die Departement Landbou-tegniese Dienste aan die plaaslike Landboukollege
aanvaar het, en Rika weer as laboratoriumassistent begin werk het. Dit
was egter van korte duur, want binne ses weke is hulle verplaas na die Kleingraan-
Navorsingsentrum in Bethlehem. Hulle het by die bedrywighede van die Geref.
Kerk Bethlehem ingeskakel. Daan is betrek by die sendingwerk wat op die plaas
Sporthoek gedoen is, in die Marquard-distrik. Hy het ook op die kerkraad gedien
en deelgeneem aan die verkennende gesprekke met die oog op sendingwerk
binne die Quaqua-tuisland.
Daan het vroeg in 1978 ’n aanstelling as fakulteitsekretaris by die PU vir CHO
aanvaar, en hulle het na Potchefstroom teruggekeer. Hulle het lidmate van
Potchefstroom-Suid geword en Daan is byna dadelik by die sendingwerk van
hierdie gemeente in die Kromdraai- en Haaskraalomgewing betrek, in samewerking
met die gemeente van Ikageng. Ná die aankoop van hulle huis in die Bultomgewing
het hulle lidmate van Potchefstroom-Noord geword, in 1979. Daan het
by die sendingwerk van die gemeente by Rooipoort ingeskakel, net duskant die
munisipale grens met Ventersdorp.
Hy het aanvanklik met Bybelonderrig by Rietkuil gehelp, maar het later na Rooipoort
oorgeskuif om kategetiese onderrig en die preekdienste waar te neem in
die sink-kerkgebou wat daar deur Potchefstroom-Noord opgerig is. Hierdie werk
is in samewerking met Ikageng-gemeente gedoen, saam met ’n groep lidmate van
Potchefstroom-Noord en die ywerige ondersteuning van ds. Alwyn du Plessis.
Vanaf 1990 het die getalle van inwonende plaaswerkers drasties afgeneem, as
gevolg van die regeringsbesluit om instromingsbeheer na dorpe en stede op te
hef. Teen die einde van 1991 was die plase byna totaal ontvolk van plaaswerkers.
Ikageng is egter met mense oorspoel en nuwe woonbuurtes het rondom Ikageng
verrys. In 1992 het Ikageng-gemeente weer vir Potchefstroom-Noord genader vir
hulp met bediening en sendingwerk in die gebied suid en wes van Ikageng. Daar is
met Ikageng ooreengekom en hulle het begin in om in hierdie nuwe woonbuurtes
te werk. Algou het Potchefstroom-Suid en Potchefstroom-Mooirivier ook by hierdie
werk ingeskakel.
Die werk het vrug gedra en teen 1996 het die nuwe gemeente, Ikageng-
Bophirima, afgestig. Ds. Dongoh Shin is deur Potchefstroom-Noord beroep as
sendeling, met ondersteuning van lidmate in Korea. Hy het in hierdie gebied
gewerk (waarby hy reeds as teologiese student betrokke was) tot met sy vertrek
in 2006. Intussen het Potchefstroom-Suid en Potchefstroom-Mooirivier aan die
sendingwerk in hierdie gebied onttrek. Ikageng-Bophirima het ondertussen ’n eie
predikant beroep, maar hy is egter in 2010 weens ’n misstap uit die amp gestel.
Van Oraloor
Daan is steeds deurgaans
by hier die dienswerk
be trok ke. Daar is
drie be die ningspunte
bin ne die gemeente
van Ika geng-Bophirima,
met twee kerkgeboue.
By die een gebou in
Uit breiding 3 bied hy
by kans elke Sondag kate
getiese onderrig vir
hoërskoolleerlinge en
per sone wat by die gemeente
wil aansluit, aan.
Preekdienste word dan
ook elke Sondag om die
beurt by een van die drie
bedieningspunte gelewer,
met ’n gesamentlike
erediens eenkeer
per maand, ook om die
beurt by een van die
dienspunte.
Saam met wyle br.
Iaan van der Walt het
Daan ook in 1992 die
dienswerk te Venterskroon
met By bel onderrig
en preek dienste saam
met stu dentelidmate
aan die gang gekry.
In hierdie tyd was
Daan, met onderbre
kings, meer as 25
jaar ouderling in Potchefstroom-Noord,
waar tydens hy vir vyf
jaar skriba van die kerkraad
was. Hy en Rika
kon dus verlede jaar, in
2012, deur die genade
van die HERE terugkyk
op ’n bedieningstydperk
van 52 jaar en hulle kon
saam met hulle ses kinders,
ses aangetroude
kin ders en 13 kleinkinders
hulle 52ste huweliksherdenking
vier. DK
Februarie 2013 DIE KERKBLAD 25

Van Oraloor
26 DIE KERKBLAD Februarie 2013

Argief NUUS!
Dankie aan almal vir die inligting wat u verskaf
het oor ons vorige foto! Ons het nog nie al die
in ligting ontvang nie, en sal dit waardeer as daar
enigiemand is met die nodige kennis oor wie op die
foto of vorige foto’s verskyn, skakel ons asseblief!
In die vorige uitgawe het ons die belangrikheid
van elektroniese informasie aangeraak. Hier volg
die voordele van elektroniese bewaring:
plekbesparing deur middel van berging van
dokumente in elektroniese formaat;
gemeentedokumente elektronies ontvang in ’n
eenvormige proforma;
outentieke inligting wat elektronies ontvang
word as primêre bron kan deur navorsers gebruik
word;
elektroniese inligting stel personeel in staat om
navrae vinniger te beantwoord;
die daarstel van ’n eenvormige stelsel vir registers
het die voordeel dat inkomende informasie
met geringe koste en moeite verwerk en aan
navorsers beskikbaar gestel word.
Van Oraloor
Hierdie maand het ons weer net een foto en die
beskrywing lui: Diakonale- en susterskonferensie,
Bloemfontein, ry 2 (4) ds. Jacs van Rooy en ry 3 (4)
PJ Liebenberg, en is die enigste name wat aangedui
is. Indien u enige inligting oor dié foto het, stuur dit
asseblief aan ons per e-pos by 155864@nwu.ac.za
of skakel ons by 018 294 8952, of stuur per pos
aan Administratiewe Buro – Argief, Posbus 20004,
Noord brug 2522.
Die Argiefpersoneel glo dat u die Kerstyd geniet
het! Ons hoop om hierdie jaar meer met u te deel
en meer van u te hoor, of te sien. Ons nooi u hartlik
uit om ’n koppie koffi e by die Argief te kom drink en
u inligting te deel!
Vriendelike stof-groete,
Alet-Elize van Jaarsveld
Februarie 2013 DIE KERKBLAD 27

In dankbare
herinnering
Ds. JPB (Ben) van
der Walt
• 14 September 1945 – 12 November 2012 •
Die persoon
Wanneer ’n mens aan iemand terugdink, dan is
daar altyd bepaalde eienskappe en kenmerke
van so ’n person wat na vore tree. So is dit ook met
wyle ds. Jacobus Philippus Benjamin van der Walt,
gebore 14 September 1945 en oorlede 12 November
2012.
Ds. Ben het ’n rustigheid en ’n kalmte in hom gehad
wat ’n mens hom kon beny. Hy was nie altyd eerste
om te praat nie, maar wanneer hy gepraat het, dan
kon jy maar luister, want hy het dit deurdink, eintlik
klaar gedink. Daarom was hy gewoonlik kalm en
beredeneerd wanneer hy ’n saak gestel het. Daarom
het hy waarskynlik ook “’n besondere gawe gehad om
die Woord aan kinders met katkisasie te onderrig”.
Verder skryf ds. Piet Venter (Potchefstroom-Oos),
wat onder Ben se leiding belydenis van geloof afgelê
het, in ’n huldeblyk tydens Ben se begrafnis, “... dat
ds. Ben baie goed kon preek. Hy het die Woord baie
goed uitgelê en toegepas en selfs as kind kon ek groei
onder sy prediking.”
Ben het ook blykbaar ’n baie goeie geheue gehad
wat hom later, ná sy ernstige siekte, baie goed te pas
gekom het. Van sy studentevriende vertel dat hulle
kort voor ’n toets by hom in sy kamer gekom het,
dan lê hy op sy rug met toe oë, en as hulle hom dan
vra hoe hy kan lê en slaap, dan antwoord hy: “Nee, ek
doen hersiening.” Na ’n ernstige hartaanval, gevolg
deur breinbloeding en ’n noodoperasie, het Ben aanvanklik
probleme gehad om te kon lees. Nadat hy na
’n lang tyd weer sodanig herstel het, het hy begin
om op uitnodiging te preek. Sy preke het hy al die
Dr. DJS (Dick) Steyn (emeritus) (Olifantshoek)
jare gememoriseer en met die mate van herstel wat
gekom het, het dit ook vlot verloop met die preke.
Hy het ’n passie gehad vir jongmense en bejaardes
waar hy gedien het. Dis nie net die katkisasie wat vir
hom belangrik was nie, maar dit was vir hom ook
belangrik dat die jongmense, indien dit moontlik
was, verder moes gaan studeer. Daarom het hy jaarliks
al van Petrusburg af met die jongmense na Potchefstroom
gereis dat hulle daar inligting en voorligting
kon kry. So was hy dan ook instrumenteel in
die lewe van baie jongmense om hulle vir ’n verantwoordelike
lewe te bekwaam.
Vir pastorale sorg by bejaardes en siekes was dit
nooit te laat of te vroeg nie. Hy het altyd vir hulle
plek ingeruim en tyd gemaak, en met oorgawe die
Woord aan hulle gebring. Uit die aard van die saak
was sy prediking altyd vir hom uiters belangrik. Dit
was elke keer deurdag en beredeneerd aangebied.
Op sy kenmerkende kalm en bedaarde wyse het hy
die Woord bedien.
Die geskiedenis
Hy is gebore in Pretoria as een van drie kinders van
Hendrik en Marie van der Walt. In 1962 matrikuleer
hy aan die Hoërskool Wonderboom-Suid. Drie weke
voor sy oorlye het hy nog die voorreg gehad om op
20 Oktober 2012 die 50ste reunie van matrikulante in
Pretoria by te woon. Soos byna alle Gereformeerde
predikante, het hy sy propedeutiese en teologiese
studies aan die PU vir CHO voltooi.
Op 6 Julie 1968 is Ben en Ria (geb. Cornelius)
ge troud. Sy het onderwys gegee terwyl hy aan die
28 DIE KERKBLAD Februarie 2013

Teologiese Skool studeer het. Hulle het in die Totiushuis
(museum) gewoon en was saam met my fak totum
by die Teologiese Skool.
Na beroepbaarstelling in 1970 het hy die beroep
na die kombinasie Petrusburg-Boshof aanvaar. Hier
het hy vanaf 1971 tot 1981 gedien. Hier kon hy nou
voluit in die gemeente werk en het hy die geleentheid
gebruik om sy persoonlikheid uit te leef. Petrusburg/
Boshof was betrokke by ’n sendingaksie in Lesotho,
en daar is deur die gemeentes ’n kerkgebou te
Moha lieshoek opgerig. Daar kon die gemeentes by
ingebruikneming van die kerkgebou saam nagmaal
vier.
Al drie Ben en Ria se kinders is in Petrusburg gebore,
naamlik Hendrik, Marthie en Pieter.
In 1981 verhuis die gesin na Belfast waar hulle tot
1984 gewerk het. Hierna volg ’n lang bedieningstyd in
Kathu tot 2000. Hierdie groeiende myndorp was die
ideale plek waar Ben sy liefde vir die jeug kon uitleef.
Hy het met groot ywer die katkisasie van Graad 2 tot
die belydenisklas behartig. Staptoere is vir die jongmense
gereël en hy het jaarliks die Graad 11- en
12-leerders na die Potchefstroomse Universiteit vir
kennismaking geneem.
In Desember 2000 verhuis die gesin na Aliwal-
Noord. Na net twee maande het Ben ernstig siek
ge word. ’n Hartaanval en breinbloeding, met ’n
noodoperasie, bring ’n einde aan sy aktiewe bedienings
tyd. Hy het hard probeer om voort te gaan,
maar fi siek kon hy net nie daarmee voortgaan nie. Op
55-jarige ouderdom moes hy om gesondheidsredes
emeriteer en het hulle in Potchefstroom gaan woon.
Na twee jaar in Potchefstroom verhuis hulle na Oli-
In dankbare
herinnering
fantshoek waar hulle ’n huis by ’n ou vriend uit die
Kathu-dae gehuur het.
Die Pensioenfonds waarop in 1994 besluit is, het
verandering in die versorging van die emeriti gebring.
Met die koms van die Pensioenfonds in 1994
het die kerke nog nie altyd die belangrikheid van die
Pensioengewende Traktement van predikante besef
nie, en dat hulle tot op ouderdom 65 deur die
versekeraar versorg sou word. Die basis van ver sorging
was die Pensioengewende Traktement wat hy
ontvang het. Genadiglik het sy gesondheid so danig
verbeter dat hy vir korter of langer periodes hulpdiens
kon verrig. Hierdie hulpdiens het veral gestrek
oor talle gemeentes in Griekwaland-Wes, maar ook
Pongola, Hentiesbaai en Karasburg. Ben was genadiglik
’n mens wat nooit bang was om te ry nie, en
soos reeds gemeld, het hy nog drie weke voor sy
oor lye na Pretoria gereis.
Daar kan nog verder oor werk in die kerkverband
uit gebrei word. Ek volstaan hiermee om te meld
dat die Here in hom ’n stil, hardwerkende mens
aan die Gereformeerde Kerke geskenk het as gawe
om ewigheidswerk in die lewe van mense te verrig.
Ons bid Ria en hulle kinders en kleinkinders krag en
vertroosting toe. Mag hulle almal die woorde van
hulle seun Pieter altyd onthou: “... wat ek geleer het
van my pa is: maak nie saak wat gebeur nie, glo in
die Here en Hy sal jou op die regte pad lei, maak nie
saak hoe swaar jy kry of hoe donker die pad vorentoe
lyk nie.”
Mag die Here dan inderdaad hierdie gesin op hulle
lewenspad lei. Vir Ria sal dit besonder moeilik wees,
want Ben was tog maar sedert 2000 baie broos. Mag
die Here haar dan in besonder in sy liefde omvou. DK
Februarie 2013 DIE KERKBLAD 29

In dankbare
herinnering
Ons Hemelse Vader
het Hannes Viljoen
op Maandag 6 Augustus
2012, vier dae na sy
78ste verjaardag, kom
haal om vir ewig by Hom
in hemelse heerlikheid
te woon.
Hy is op die plaas
Om rah in die Arahoabkontrei
in die destydse
Suidwes-Afrika as een
van tien kinders (agt
broers en twee susters)
van oom Martiens en
tant Duifi e gebore. As
Angola-trekkers in die
de pressiejare het hulle
’n harde bestaanstryd
ge voer. Tog is dit eerder
die lekker-swaar wat
hulle van hulle kin derjare
onthou en in hulle
gesinsboek, Kin derspo
re langs die Nos sob,
opgeteken het.
By gebrek aan geld
ná matriek aan die
Hoër skool Windhoek,
het hy met behulp van
’n studiebeurs van die
SWA-administrasie eers
onderwys aan die PUK
studeer. Na drie jaar
in die onderwys is hy
terug PUK toe om met
sy beestegeld in Teologie
te studeer! As
student het hy ook rug-
Dr. AS (Klasie) Heystek (emeritus) (Pretoria), bygestaan deur Hannetjie en die kinders
Ds. JH (Hannes) Viljoen
• 2 Augustus 1934 – 6 Augustus 2012 •
by gespeel, hy was lid van die Alabama-studentegeselskap en het sanglesse by die
Konservatorium geneem. Hy sal onthou word vir die menige kere wat hy met sy
mooi stem as voorsanger moes optree.
Hier aan die PUK ontmoet hy nog ’n Viljoen, Hannetjie, met wie hy op 31-jarige
ouderdom in die huwelik tree. Sy was ’n wonderlike gawe van die Here aan hom.
Marthinus is in Potchefstroom as die oudste van hulle vier kinders gebore. Jana,
Bar tel en Marna is later deur ons Here aan die egpaar geskenk.
Sy eerste beroep was na Musina, waarheen die gesinnetjie met die trein gereis
het! Een keer per maand is Dendron- en Magalakwingemeente besoek – vir die
baie ry en warm weer het hy nie omgegee nie, want dit was Bosveldwêreld en hy
kon na hartelus jag! In 1969 word hy as die eerste predikant van die Geref. Kerk
Mariental beroep. Op pad daarheen het Hannetjie gehuil, maar Hannes het “Ich
liebe Südwest” gefl uit! Hier was die afstande nog verder! Na Bethanië elke maand
en driemaandeliks na óf Luderitz óf Rosh Pinah, ongeveer 700 km in die suide van
Namibië. Saam dien hulle in nog twee gemeentes: Reitz (1974 - 1978) en 22 jaar in
Pretoria-Noord. Hy emeriteer in 2000, maar verleen nog hulpdiens, onder andere
in Windhoek en Okahandja. In al hierdie gemeentes het Hannes met nederigheid
en voorbeeld gedien. Gods Woord is suiwer en met deeglike begronding bedien,
deur prediking, pastoraat, gemeentebou en koninkrykswerk. Hy dien op verskeie
deputate en was mede-eindredakteur van die reeks katkisasiehandleidings Ken en
Vertrou van die Gereformeerde Kerke.
Hy was ’n sagmoedige mens; vir hom was dit nie belangrik om die laaste woord
in te kry nie. Die invloed wat hy op so baie mense se lewens gehad het, blyk uit die
talle briefi es wat hy veral gedurende sy lang en moeilike siekbed ontvang het. Sy
oudste broer, Jan, se gebed vat die liefde en respek vir hom mooi saam: “Here, u
het hom geneem ... gee my ’n hart soos syne.”
Swaar was dit vir ons almal om sy liggaamlike agteruitgaan te aanskou. Die
ses-voet-vier-duim man, wat altyd fi er en regop was, graag tennis gespeel en
gejag het, het kromgetrek en kon later nie meer loop nie. Hannetjie het hom vir
die laaste vyf maande met baie liefde en geduld tuis versorg. Tog was ons harte
heeltyd met diepe dankbaarheid en verwondering vervul. Dank en verwondering
oor die persoonlike en besondere pad wat die Here in Christus en die Gees met
Hannes en daarom met ons almal geloop het. Hy was ’n model van iemand wat
die vrug van die Gees helder vertoon het. Sy liefde, vreugde, vrede, vriendelikheid,
getrouheid en selfbeheersing sal ons altyd bybly. Soos Job het hy niks verkeerds
gesê nie en teen God sy skepper en Herder nooit gerebelleer nie.
Vir Hannetjie, die vier kinders en hulle gades en agt kleinkinders was hy ’n
wonderlike, liefdevolle eggenoot, pa en oupa. Hy het gevra dat Efesiërs 3:14-21 as
sy laaste woorde aan ons op sy begrafnis voorgelees word: Ek bid dat Hy deur sy
Gees uit die rykdom van sy heerlikheid aan julle die krag sal gee om innerlik sterk
te word, dat Christus deur die geloof in julle harte sal woon en dat julle in die liefde
gewortel en gegrondves sal wees. Ons eer sy nagedagtenis! DK
30 DIE KERKBLAD Februarie 2013

Resensent: Prof. Henk Stoker
'n Nodige nuwe
Boekbespreking
preekbundel beskikbaar
Onder die vaandel van die
kruis
(Skrywer: ds. Eric Kayayan, GK Rietvallei)
Ds. Eric Kayayan, Franse predikant van die
Gerefor meerde Kerke in Suid-Afrika, het ’n
besonderse preekbundel in Afrikaans (sy vyfde
taal) laat ver skyn. Hierdie is ’n nodige preekbundel,
nie net om dat soveel van ons kerke preekbundels
nodig het vir leesdienste nie, maar ook omdat dit 21
preke bevat wat die geloofsgroei van elke gelowige
kan verryk. Dit was my voorreg om ’n hele paar van
die preke in Rietvallei te kon aanhoor. Gemeentes,
gesinne en individuele gelowiges kan die bundel met
vrug gebruik.
Die preekbundel is in drie afdelings verdeel – elkeen
met sewe preke. Die temas van die preke beweeg
vanaf die beskrywing van die Paasgebeure
(eerste gedeelte) na die verduideliking van Christus
se sentrale plek in die Openbaring (tweede gedeelte)
en dan na die implikasies hiervan vir die lewe van gelo
wiges, ook wat ons sendingroeping betref (derde
ge deelte). Op ’n bevatlike wyse word die eenheid en
kon tinuïteit tussen Ou en Nuwe Testament dwarsdeur
die bundel deur middel van Skrif met Skrif-vergelyking
beklemtoon.
Ds. Eric se voorouers is Armeens van oorsprong.
Am per ’n eeu gelede moes hulle as Christene uit
hulle land vlug. Sy pa het egter weer ’n bediening
in Armenië begin. Daar is besluit om die boek in
Armenië te laat druk weens die lae produksiekostes
en die hoogstaande kwaliteit van die drukwerk. Die
logistiese hantering van die drukwerk in Armenië is
deur die span van die plaaslike “Faith and Life”-bediening
gedoen – die susterbediening van ds. Eric se
Franse Radiobediening in Suid-Afrika (wat ook boeke
publiseer en radioprogramme uitsaai – natuurlik in
die Armeense taal). ’n Jong Armeense kunstenaar
van 17 jaar oud het die kunswerk vir die voorblad
spe siaal gedoen na aanleiding van die tema van die
boek, en gegrond op 1 Petrus 2:9-10 (wat praat van
“die volk wat die verlossingsdade moet verkondig
van Hom wat julle uit die duisternis geroep het na sy
wonderbare lig”).
Die preekbundel is deel van die program van publikasies
van die CJBF, en die projek is deur die vorige
Sinode goedgekeur. Ds. Eric dra die preekbundel op
aan alle Suid-Afrikaanse medegelowiges in wie se
midde hy ná sy koms uit Frankryk nou vir amper 25
jaar woon en werk.
Nadat die aanvanklike kostes van die hierdie
netjiese hardebandboek gedek is (dit word @ R150
- sonder posgeld - per kopie verkoop by die Ad min
Buro van die GKSA, asook in Pretoria by die Geref.
Kerk Rietvallei), word die opbrengs aangewend vir
be paalde projekte van die Franse Radiobediening. DK
Februarie 2013 DIE KERKBLAD 31

Personalia
Dit is vir die redaksie van Die Kerkblad ’n dankbare vreugde om
maandeliks die emerituspredikante, hulle eggenotes en die
eme ritus weduwees wat 80 jaar en ouer is, geluk te wens met hulle
verjaardae. God sê: “Die getal van ons jare kan 70 wees, of as ons
sterk is, 80.” Toti us het dit in Psalm 90 berym: “Die sterkste klim ten hoogste h tot die d top van sewenti g of f tagti g jare op.” ”
Ons wil in Februarie 2013 die volgende broeder en susters gelukwens:
Mev. M (Marie) de Klerk (Huis Eikelaan) vier op 18
Februarie 2013 haar 94ste verjaardag. Sy was getroud
met prof. dr. BJ de Klerk. Hulle het die volgende gemeentes
bedien: Middelburg KP (1939-1944), Kroonstad-kombinasie
(1944-1945), Bloemfontein (1945-
1952), professor Teologiese Skool Potchefstroom
1952.
Ds. CMJ (Fires) van Vuuren (Kilnerpark) is op 1 Februarie
86 jaar oud. Hy is op 1 Februarie 1926 gebore
en het die volgende gemeentes bedien: Randfontein
(1952-1954), Carletonville (1954-1964) en Bethal
(1964-1991).
Mev. B (Breggie) du Plessis (Heuwelsig) vier op 9 Februarie
haar 84ste verjaardag. Sy was getroud met
ds. WJIM du Plessis en hulle het in die volgende
gemeentes gewerk: Bethulie (1953-1956), Kimberley
(1956-1965), Bloemfontein-Suidheuwels (1965-1971),
Middelburg Tvl. (1971-1977), Randburg-Oos (1977-
Wel en Wee
Die Redaksie het met leedwese verneem van die
afsterwe van dr. LJJ (Louis) Coetzee (emerituspredikant
van die Geref. Kerk Randfontein/Magaliesburg) op 2
Januarie 2013. Die begrafnis was op 5 Januarie 2013.
Ons betuig ons meelewing aan sy eggenote, Olga,
en die familie, en bid hulle die vertroosti ng van die
Heilige Gees toe. Daar sal in ’n komende uitgawe van
Die Kerkblad ’n waarderingswoord oor dr. Coetzee
verskyn.
Ds. Wilhan Jobse van die Geref. Kerk Jeff reysbaai
het on langs verloof geraak, en tree op 20 April in die
1983).
Mev. AS (Sophie) du Plessis (Cresta) is op 1 Februarie
83 jaar. Sy was getroud met ds. HLM du Plessis en hulle
het in die volgende gemeentes gedien: Theunissen
(1952-1955, Kaapstad (1955-1958), Welkom (1958-
1966), Linden (1966-1973).
Mev. G (Gep) Floor (Huis Eikelaan) is op 1 Februarie
vanjaar 81 jaar oud. Sy is getroud met prof. Bert Floor. Hy
was sendeling vir die Christelijke Gereformeerde Kerk
(Nederland), 1961-1964, professor Hammanskraalse
Teologiese Skool, 1965-1977, professor Teologiese
Skool Potchefstroom, 1978-1988.
Mev. E (Esther) van der Bijl (Alberton-Noord) vier op
11 Februarie haar 81ste verjaardag. Sy was getroud
met ds. Simon van der Bijl en hulle het in die volgende
gemeentes gewerk: Mafi keng 1961-1967, Kaapstad
1967-1973, Alberton 1973-2000.
Die Kerkbladlesers wens u elkeen van harte geluk met u besondere verjaardag. Saam met u en almal wat vir u lief en
dierbaar is, is ons God dankbaar vir gespaarde lewens. Mag God in hierdie nuwe lewensjaar u seën en u lewe vul met
gesondheid en voorspoed.
huwelik. So ook ds. Jannes van Dyk van die Geref. Kerk
Ventersdorp, wat op 14 Desember 2012 aan Yolandé
Booyens verloof geraak het. Hulle tree op 9 Maart in
die huwelik. Baie geluk aan die twee paartjies met die
verlowing! Die seën van God ons Vader word julle in
julle huwelike toegebid.
Ds. Boeta Erasmus van die Geref. Kerk Wolmaransstad
en sy vrou Rencia het op 25 Desember 2012 ’n seuntjie
van die Here ontvang, en dr. Fritz Potgieter en sy vrou
Amoré op 3 Januarie 2013 ’n dogtertjie. Baie geluk!
32 DIE KERKBLAD Februarie 2013

BROEDERS EMERITI 50 JAAR IN DIE BEDIENING: 19632013
Daar is drie geëmeriteerde predikante wat in 2013 kan terugdink aan hulle bevesti ging in hulle eerste gemeente 50
jaar gelede. Dit is die predikante wat in 1963 in hulle eerste gemeente bevesti g is. Hulle is:
Prof. dr. MA Kruger is vanjaar 50 jaar in die bediening. Hy is as proponent in 1963 in die gemeente Aranos-Ghanzi
bevesti g, waartydens hy ook vir Gobabis sending onder die Boesmans verrig het. Van 1968-1971 dien hy te
Swart ruggens. Dan volg Johannesburg-Wes, 1971-1974 en die Christelijke Gereformeerde Kerk Leeuwarden met
sen dingopdrag te Sibabsa 1974-1977. Hy is 1977-1978 sendeling te Kuruman en tree op as professor aan die
Hammanskraalse Teologiese Skool 1978-1994. Hy emeriteer in 1994.
Ds. De Wet Kruger is 50 jaar gelede as proponent in die Geref. Kerk Vaalharts bevesti g tot 1966. Daarna was hy
predikant te Bloemfontein-Noord (1966-1970), Potchefstroom-Oos (1970-1983) en Durban-Noord (1983-1998),
waar hy in 1998 emeriteer.
Dr. MP Kruger kan vanjaar ook terugkyk na ’n diensperiode van 50 jaar. Hy is in 1963 in Ladysmith as herder en
leraar bevesti g tot1966. Daarna bedien hy ook Daniëlskuil (1968-1975) en is hy sendeling te De Hoop (1975-2001.
Hy emeriteer in 2001.
Die Kerkbladlesers wil die Naam van die Here grootmaak vir die halfeeu wat Hy aan u gegun het om herder en leraar
in sy gemeentes te wees. Dit is die wil van God wat bepaal waar en hoe lank bedienaars van die Woord akti ef in God se
kerke en teologiese skole dien. U jare van bediening getuig van God se gawes aan u om in die bediening toe te pas. God
se seëninge is nie net aan u as bedienaars nie, maar ook aan die gemeentes en teologiese skole waar u werksaam was,
gegee. Met groot dankbaarheid kan lidmate en teologiese studente saam met u terugkyk op u 50 bedieningsjare en God
saam met u loof en prys.
Die redaksie van Die Kerkblad sal dit waardeer indien persoonlike nuus wat van belang is in die
GKSA aan ons bekend gemaak word deur vriende en kennisse en lidmate. Stuur berigte aan dr.
Nico van der Merwe, 018 468 1782 of e-pos: nico.vandermerwe@telkomsa.net; of Posbus
6433, Flamwood 2572.
Lees in die
Maart 2013-Kerkblad:
DIE KERK IN BEELDE –
Betekenis vir die prakti ese geloof
Die familie van God
Die kudde en die groot Herder
Die liggaam van Christus
Die wingerdstok en die lote
Die tempel van God
Februarie 2013 DIE KERKBLAD 33

lief en leed
VERJAARDAG
Wijnbeek: Cornelia Geetje, tans van Swartruggens, voorheen
h van Steynsburg en Alberton-Wes. Met groot dankbaarheid
b teenoor God vier ons DV u 100ste verjaardag op
18 1 Februarie 2013. Ons wens u hartlik geluk en ons bede
is i dat die Here u verder sal seën met sy bystand en genade.
Marinus M en Annatjie Wijnbeek (Nederland), Trix, Dirk en
Nelrita, N kleinkinders en agterkleinkinders.
Kruger: Joey, 89 jaar op 11 Februarie 2013. Op ons Ma se
89ste verjaardag staan ons saam met haar stil en kyk terug op
’n lewe waarvoor haar kinders aan haar ’n plek toeken in die
galery van uitsonderlike mense. Haar onvoorwaardelike liefde
verryk die lewens van almal met wie sy te doen kry. Haar lewensblyheid
maak dat sy mense aanraak sonder om dit self
agter te kom. Ons was nog altyd trots op ons Ma vir die manier
waarop sy lewe, en bid haar ’n vreugdevolle, vredevolle verjaardag
toe, diep toegevou in ons troue Vader se hande, waar
sy nog altyd tuis en veilig gevoel het. Jacob, Paulus, Thomas en Amanda A d Kruger K en
kleinkinders Dyan, Jay, Lynn, Kobus en Naomi Kruger.
HUWELIKSHERDENKING
Lee: Op 31 Januarie 2013 was Sarel en Emmie Lee 60
jjaar
getroud, ’n wonderlike mylpaal waarvoor ons God
alle eer en dank gee. Voorwaar ’n huweliksreis – Messina,
Pie tersburg, Naboomspruit, Warmbad en nou Pretoria het
telkens ’n tuiste geword waar hulle hulself ingeburger het en
elkeen rondom hulle met hulle wonderlike liefde bedien het.
Vir pa (en oupa!) ken ons as geskiedenis-fundi, iemand wat
nie net die land se geskiedenis ken en leef nie – maar ook
daarin God se sorg vir sy kinders raaksien. Vir ma (ouma) ken ons as die stil, sterk
fi guur waarby almal wat haar ken, geborge voel. Vir 60 jaar dienende knegte in die
gemeentes waarin God hulle geplaas het, in die besonder dienende medewerkers
wat ’n verandering in hulle naastes se lewens wou maak.
’n Nota van opregte waardering van di. Hannes en Jan-Louis Lee, want sonder
julle opoffering sou ons nie wees waar ons nou is nie. Ook van Hardus, ons broer
wat nog besig is om die akademie te bestry – dankbaarheid vir die jare waarin julle
op die kerkwerf
BEROEPE
Beroepe ontvang
Dr AJ Krüger van Benoni na Newcastle.
Proponent DFC Kruger na Zeerust.
Proponent PGP le Roux na Derdepoort, na Eloffsdal met
opdrag Bybelkunde-opleiding en Evangelisasie te Aros,
en na Empangeni.
ons gedra het. Opregte dank van die
kinders: Magriet, Wikus & Annemarie,
Tiaan & Elsabe, Basie & Theresa; kleinkinders:
Hannes, Jan-Louis, Roelene,
Har dus, Magdel, Charles, Brigitta en
Liam; agterkleinseun: Wihann.
(Fo to: Sarel en Emmie Lee met hulle
agterkleinseun, Wihann).
DOODSBERIG
Danie Marais: Op 30 Oktober 2012
is ons geliefde jongste broer, Danie,
in die ouderdom van 69 jaar en 10
maande deur ons Hemelse Vader na
sy Huis geneem. Hoewel ons diep
bedroef is deur sy heengaan, vind ons
vertroosting in die wete dat Hy, die
Bepaler van ons lewenslot, hom ’n lang
en swaar lyding gespaar het. Saam met
sy eggenote, Poppie, en die kinders
treur ons, maar nie sonder hoop nie.
Bed roefde susters Wilna, Maggie met
Willie en Baby; broers Ben met Engela,
Karel met Ester, Manie met Jeanne.
IN MEMORIAM
Anna Ligthelm: 18 Februarie 1955 –
21 Mei 2012. Sedert die afsterwe van
my dogter en ons suster dink ons steeds
met dankbaarheid terug aan haar lewe.
Ons dank God vir die troos wat Hy ons
oor die afgelope tyd deur sy Woord en
Gees geskenk het. Haar moeder Petra
en haar broers Harrie, Nico, Hemmo
en gesinne.
Proponent MJ Lourens na Buffeldoorns, na Krugersdorp-
Wes/Magaliesburg-kombinasie, na Middelburg KP, en na
Nigel.
Ds JG Noëth van Kimberley na Rietvallei as medeleraar.
Dr FP Kruger van Meyerspark na Ontdekkers.
Ds TJ Moletsane van Boichoko na Sanveld.
Dr JH Howell van Heidelberg na Die Kandelaar.
34 DIE KERKBLAD Februarie 2013

Ds PW Kurpershoek van Middelburg (MP) na Krugersdorp-
Wes/Magaliesburg-kombinasie.
Beroepe aanvaar
Ds JJ Cloete van Koster na Hermanus.
Dr EJ Smit van Vanderbijlpark-Trinitas na Wapadrant as
medeleraar.
Proponent MJ Lourens na Middelburg KP.
Proponent DFC Kruger na Zeerust.
Proponent PGP le Roux na Derdepoort.
Beroepe bedank
Ds RA Bain van Cachet na Die Kandelaar.
Dr AJ Krüger van Benoni na Newcastle.
Proponent MJ Lourens na Buffeldoorns, na Krugersdorp-
Wes/Magaliesburg-kombinasie, en na Nigel.
Ds JG Noëth van Kimberley na Vryburg en na Rietvallei
as medeleraar.
Dr FP Kruger van Meyerspark na Ontdekkers.
Proponent PGP le Roux na Eloffsdal met opdrag By belkunde-opleiding
en Evangelisasie te Aros, en na Empangeni.
BEVESTIGING
Met groot dankbaarheid teenoor die Here word bekend
gemaak dat ds HB (Human) Coetsee op 9 Desember 2012
ordelik in die Geref. Kerk George as predikant bevestig
is. Tydens ’n Classis Contracta voor die bevestiging, wat
gelei was deur die konsulent, ds Paul Lubbinge, was al
die dokumente ondersoek en in orde gevind.
Die kerkraad van die Geref. Kerk Middelburg Oos-Kaap
het op 5 Januarie 2013 saam met deputate van Klassis Karoo-Kei
vergader, en verklaar hiermee dat prop. MJ Lourens
as bedienaar van die Woord in hierdie kerk bevestig
is volgens die formulier wat daarvoor vasgestel is. Ons
gebed is dat die Here hom en sy eggenote ryklik sal seën
en hulle ’n krag in sy koninkryk sal maak.
Februarie 2013 DIE KERKBLAD 35
ADRES- EN TELEFOONNOMMERVERANDERINGS
Ds. Werner van den Heever: Deputasiestr. 39, Vryheid;
tel. 034 982 2668; e-pos werries74@vodamail.co.za
Ds. F du Toit Lessing (Francois en Annatjie): Protea Aftree
-oord 125, Swaardleliestr. 105, Die Wilgers, Pretoria;
Posbus Protea Aftree-oord 125, Posbus 72196, Lynnwoodrif,
0040; tel. 012 807 5759.
Dr. HF (Hennie) van Wyk: faksnommer 086 600 8070
(nom mer in Almanak 2013 is ongelukkig foutief).
Geref. Kerk Oos-Moot: e-pos gkomkantoor@gmail.com
Geref. Kerk Strand: e-pos admin@gkstrand.co.za; ds. Jan
van der Walt se e-pos: ds.JanvdWalt@gkstrand.co.za
Geref. Kerk Pretoria-Magalieskruin:
e-pos admin@gkmagalieskruin.co.za
Die NWU-Raad het op sy vergadering van 23 November 2012 'n nuwe bestuurstruktuur goedgekeur. Die drie
Onderrigleer-skole sal vanaf 1 Januarie 2013 soos volg bekend staan:
Die Skool vir Kerkwetenskappe sal voortaan bekend staan as die Skool vir Predikantsopleiding (Direkteur:
Prof. Ran toa Letšosa); die Skool vir Bybelwetenskappe en Anti eke Tale verander na die Skool vir Anti eke Taal- en
Teksstudie (Direkteur: Prof. Marianne Dircksen) en die Skool vir Voortgesett e Teologiese Studie sal bekend staan as
die Skool vir Bybelse Berading en Kerklike Bediening (Direkteur: Dr. Aldred Genade).
TEOLOGIESE SKOOL POTCHEFSTROOM
Die Kuratorium het in Junie 2012 die Rektoraat van die TSP uitgebrei. Vir die drie jaar van 2013 tot einde 2015
is die Rektoraat soos volg:
•
•
•
•
Nuwe bestuurstruktuur by Fakulteit Teologie
Prof. GJC Jordaan - Rektor
Prof. RS Letšosa - Vise-Rektor Akademiese Sake (018 299 1592)
Prof. G Breed - Vise-Rektor Studentesake (018 299 1029)
Prof. GJC Jordaan se persoonlike assistent is mev. Anita van Schaik (018 299 1846) en die Registrateur is mev.
Ami du Toit (018 285 2351).
Die Kandidaatstudie se teologiese vakke lê in die Fakulteit se Skool vir Predikantsopleiding, en die Anti eke Tale in
die Skool vir Anti eke Taal- en Teksstudie. Prof. Rantoa Letšosa is ook die Direkteur van die Skool vir Predikantsopleiding
van die Fakulteit Teologie en sy persoonlike assistent is mev. Nardine Bothma (018 299 1862).

kleinADVERTENSIES
Die Bemarkingsafdeling, DIE KERKBLAD, Posbus 20004,
Noordbrug 2522. Tel: 018 297-3989. Faks: 018 293-1042.
E-pos: wymiedup@gksa.co.za
TARIEWE:
Advertensies en kleinadvertensies: Op aanvraag beskikbaar.
Berigte: R0,20 per woord (min. R5,00) plus R2,20 per sentimeterkolom vir ’n foto.
BTW is ingesluit. Volledige besonderhede is by bostaande adres beskikbaar.
VAKANSIE EN VERBLYF
NATALSE SUIDKUS
UVONGO: 12-bed vakansiehuis. Mooi see-uitsig, loopafstand van
strand. Alle geriewe. 3 Badkamers, ruim balkon, 9 X 5 meter. TV,
mikrogolfoond, ruim ys- en vriesgeriewe. Tel. 013 932 2433 of sel
083 944 5935; faks: 013 932 0581.
UVONGO: LA CRETE SANDS NO. 1. 6-Bed luukse en moderne
va kan siewoonstel met ’n 180º see-uitsig en brandersig. Slaap
6 persone; ’n braai-area op jou eie balkon; Toesluitmotorhuise;
swem bad; TV, DSTV en beddegoed ingesluit by prys.
Skakel Luzelle by 011 678 5440 of sel 083 326 6329;
www.uvongoholidays.co.za
MARGATE: MARLICHT VAKANSIEWOONSTELLE. Aangename,
see-uitsig verblyf in goed toegeruste 2, 3 en 4-slaapkamer selfsorgwoonstelle.
TV en linne ingesluit. Gesellige, gesamentlike braaiarea
langs swembad. Onderdakparkering. Perseel omhein met
elektrifi sering en afstandbeheerhekke. “AA Highly Recommended
PLUS 3 Ster TGCSA” gradering. Skakel kantoorure vir verdere
in ligting en kleurbrosjure.
Tel. 039 312 1052 of faks 039 317 1870. E-pos: marlicht@uasa.
org.za Webbladsy: wheretostay.co.za/marlicht
MANABA-MARGATE: Geriefl ike 4-slaapkamer, selfsorgwoning.
Slaap tot 10 persone. Mooi see-uitsig. Braaigeriewe, ens. Skakel
Nita by 039 317 4146.
SCOTTBURGH: Woonstel, heeltemal privaat, slaapplek vir 3,
bad kamer, yskas, mikrogolfoond ens. TV, onderdak braaigeriewe.
Bil like binne- en buiteseisoentariewe. Naby strand. Tel. 039 976
0288 of 076 578 6346.
AMANZIMTOTI DROMEDARIS 503: 2-Slaapkamerwoonstel op
strand. Toegerus vir 6 persone. Skakel 031 903 8227.
AMANZIMTOTI – STELLA MARIS: Pragtig, strandfront, luuks,
vei lig. 2-Slaapkamer, 2/6 persone, TV, swembad, braaigeriewe.
Spe siale aanbiedinge, buiteseisoen. Tel. 031 903 5477. Faks 031
903 5479.
AMANZIMTOTI – AFSAAL 602: Ruim 2-slaapkamerwoonstel
met see-uitsig. Toegerus vir 6/7 persone. Spesiale aanbiedinge
bui te seisoen. Tel. 011 954 5288 of 082 335 7101.
DOONSIDE (SHANGRI LA): (Twee km suid vanaf Amanzimtoti.)
Twee- en drieslaapkamer vakansiewoonstelle vir tot 9 persone
teen die strand. Rustige omgewing, vriendelike kompleks, seeuit
sig, beveiligde onderdakparkering, kleur-TV, ens. Braaiplek en
swem bad op perseel. Privaatbesit, billike tariewe.
Skakel asseblief 012 567 3933. Sel. 082 390 9465.
GLENMORE – MUNSTER (naby Margate): 3-Slaapkamer meenthuis
in veilige, omheinde gebied. Naby strand. Groot balkon, 2
bad ka mers. Pragtige see-uitsig. Buiteseisoen: R450 per dag (mini
mum 5 dae). Skakel 084 504 6640.
ELYSIUM: Het die Wêreldbeker julle vakansieplek gevat, kom bespreek
by ons. Akkommodasie beskikbaar. Billike prys. Ten volle
toe geruste 8-slaapplek huis en ten volle toegeruste 6-slaapplek
huis. Kan apart of saam vir groepe gehuur word. Skakel Dinie by
082 336 9326.
NATALSE NOORDKUS
LICORNA BEACH, UMHLANGA ROCKS, NOORDKUS: Volledig
ge meubileerde luukse vakansiewoonstelle te huur. Skakel Durban
031 561 2344 of 031 561 2986. Onmiddellik beskikbaar.
WESKAAP / TUINROETE
BELLVILLE/WELGEDACHT: Volledig toegeruste selfsorgeenheid
in sekuriteitswoonbuurt. Onderdakparkering, pragtige uitsig. Luuks
en billik. Skakel Elza Beekman 082 372 2647.
BELLVILLE/OAK GLEN: DISA Selfsorg. Luukse, ruim, volledig
toe geruste 1-slaapkamer selfsorgeenheid in rustige woonbuurt.
Slaap 2-3, linne ingesluit. Sentraal geleë vir die Kaapse toeristeat
traksies, besigheidsentrums, hospitale en winkelsentrums.
Sien www.wheretostay.co.za/disa of skakel Fenny van der Hout
by 021 910 0561 of 084 771 0312 of e-pos: dvanderhout@gmail.
com
BLOUBERG, KAAPSTAD: Luukse woonstelle, selfsorg, seefront,
DSTV, verhitte swembad.
Tel: 051 654 0504, faks 086 684 5458. E-pos: blouwberg@mweb.
co.za Webadres: http://mysite.mweb.co.za/residents/blouwberg
SOMERSET-WES: Groot 4-slaapkamerhuis, 2-sl- en 1-sl-woonstel.
Volledig en luuks toegerus. DSTV, ens. Ideaal geleë naby N2
en op wynroete. Billike tariewe. Chrisna Aucamp 072 139 0000.
STRAND/BLOUBERG/GORDONSBAAI/STELLENBOSCH/
BET TIESBAAI/WATERFRONT/BELLVILLE/KAAPSTAD: Vakansieverhuring
van woonstelle, huise heeljaar en Desember!
Kontak 083 313 4215 of cosybeach@absamail.co.za
36 DIE KERKBLAD Februarie 2013

STELLENBOSCH: KIERIE KWAAK selfhelpeenhede en gastehuis
(2, 3 en 10 persone) geleë op ’n plaas buite Stellenbosch.
Skakel Sonja of Koos van Zyl: faks/tel 021 883 3163 / 082 551
4784 of www.kieriekwaak.co.za vir verdere inligting.
GORDONSBAAI: BERG EN SEE. Ten volle toegeruste vakansiehuis
(6 persone) enig in sy soort. Geleë teen berghange met 180º
see-uitsig oor Valsbaai en Hottentots-Hollandberge. In vei lige,
rustige woongebied, loopafstand vanaf Bikini-swemstrand en
dorp sentrum. 3 Slaapkamers, 2 badkamers, aparte stort, groot
son dek, braai-patio, toesluitmotorhuis en DSTV.
Vir meer beson derhede skakel Jonker 083 325 4369.
GORDONSBAAI: HOOGGENOEG. Selfsorg, 3-slaapkamer vakan
sie huis. Slaap 5. Uitsig op see en berge. Veilige parkering.
Foto’s op aanvraag. Tel. 021 856 0736 of 082 320 6577.
DANABAAI: Net 7 km buite Mosselbaai en naby alles. Stil, rustig
met natuurskoon, strand en see-uitsig (180º) uit alle vertrekke en
braai-area. Ruim, netjies, skoon woonstel met 2 slaapkamers en
dubbelslaapbank in leefarea. Volledig toegerus met badkamer,
stort, kleur-TV, privaat buitebraai en toesluitmotorhuis. Slaap vir
maksimum 6 persone wat kinders insluit. Binneseisoen @ R750
per dag vir woonstel. Buiteseisoen @ R280 per dag. Naweek ta riewe
beskikbaar @ R750 per naweek (net buiteseisoen).
Ska kel nou Gerrit Badenhorst 083 274 6493 (sel); e-pos: gerrit@
gerritbadenhorst.co.za
HARTENBOS: Vakansiehuis te Hartenbos. R570 per dag. Goedko
per en onderhandelbaar buiteseisoen.
Skakel 053 631 1623 of 083 288 6973.
HARTENBOS: VILLA RIVIERA. Voor op lagoon. Stapafstand na
see. Skakel 082 780 3407.
JONGENSFONTEIN: Ten volle toegeruste 3-slaapkamereenhede
(6 slaap). Handdoeke en beddegoed ingesluit. Onbelemmerde
see-uitsig. Kontak Jan of Marlene tel. en faks 028 755 8119 of sel
072 460 4508.
GOURITSMOND: 3-Slaapkamerhuis met 2 badkamers (slaap
6). Slegs vir volwassenes. Laaste twee weke van Desember en
eerste week van Januarie nie beskikbaar nie. Tarief Des – Apr
R600 per dag, Mei – Nov R480. Gedeeltelike see-uitsig. 400
meter vanaf strand.
Skakel Bernard by 051 436 3451 (na-ure) of 082 770 6662.
GLENTANA: Ruim selfsorgwoonstel, baie netjies en volledig toege
rus, TV, ens. Slaap 4/6; 80 m vanaf see.
Skakel 044 879 1381 of 082 871 5859.
GLENTANA: Strandhuis met 4 slaapkamers, 4 badkamers. Lieflike
omgewing. Toegerus vir 9 persone. Loopafstand vanaf swemstrand.
Fantastiese uitsig oor die see en swemplek. Buiteseisoen:
R450 per dag (minimum 5 dae). Skakel 084 504 6640.
GLENTANA: 1 Selfsorgeenheid. Slaap 2. Spesiale tarief buiteseisoen.
Skakel 044 879 1360 of 082 346 5886.
SWELLENDAM: Geriefl ike bed- en ontbytverblyf by GRACE
WALK in ’n prentjie-mooi omgewing. Beskikbaar 4 dubbelkamers
kleinADVERTENSIES
en-suite met privaat ingang en ’n mooi uitsig op die berg. Kom geniet
ware gasvryheid en ’n heerlike ontbyt.
Skakel my by 028 514 3432 of 082 458 8224.
PLETTENBERGBAAI: Strandhuis, 5 min. se stap na hoofstrand.
Slaap 9. Minimum 2 nagte.
Skakel 021 913 5552 of 084 503 5552.
PLETTENBERGBAAI: Ten volle toegeruste selfsorghouthuisie te
huur by “The Dunes” vakansie-oord, 6 km vanaf Plettenbergbaai.
Slegs 500 meter van ‘n liefl ike strand! Kan 8 persone huisves. Twee
slaapkamers met dubbelbeddens en een met 4 bunkerbeddens.
Oopplankombuis/woonkamer, stoof, mikrogolf, DSTV en braaiplek.
Linne en handdoeke beskikbaar. Onthou eie swemhanddoeke.
Kontak: Marjan 071 836 7871. E-pos: marjanvanrenssen@gmail.
com
HERMANUS/VERMONT: Gesellige, ten volle toegeruste 2-slaapka
mer vakansiehuis. Slaap 4-6.
Tel. 028 316 3904 of 072 386 3904 of e-pos: knersis@itec.co.za
HERMANUS (SANDBAAI): Volledig toegeruste 2-slaapkamerwoning
(slaap 5), 10 min stap van see. R600 per nag. Beskikbaar
Desember 2012 en Januarie 2013.
Skakel 028 316 1035 of 083 488 3010.
OOSKAAP
GRAAFF-REINET: KADASH GASTEHUIS op die plaas Damesfontein.
Moeg van die gejaag? Ons bied u: rus en vrede, ’n ge rieflike
gastehuis, kaggelvuur-aande, plaasmuseum, fossiele, bossiepad,
wandelpaaie ... Karoostilte. U is baie welkom!
Kontak Marguerite by tel/faks 049 845 0253, sel 082 4130 579.
Webbladsy: www:kadash.co.za
GRAAFF-REINET: BUITEN VERWAGTEN GASTEHUIS: Twee
self sorg eenhede asook luukse kamers in pragtige omgewing.
Swem bad & braaigeriewe. Drie restaurante binne loopafstand.
E-pos: info@buitenverwagten.co.za of skakel Peet/Cheré by 082
819 4488 of 049 892 4504.
JEFFREYSBAAI: Woonstel en huis by die see.
Sel 082 828 4344.
JEFFREYSBAAI: Dubbelverdieping-, drieslaapkamerhuis met
prag tige see-uitsig, ten volle toegerus, loopafstand van see. Huis
bestaan uit 3 slk, 2 badk, 2 ruim leefvertrekke, ten volle toe geruste
kombuis, 2 TV’s, videomasjien, DVD-speler. Slaapplek vir 8
persone. Foto’s van huis en uitsig per e-pos beskikbaar. Dwarsdeur
die jaar beskikbaar, skakel vir tariewe. Tel/faks: 016 428 1495
of sel 082 374 2700. E-pos: j.dutoit3@absamail.co.za
ASTONBAAI (NABY JEFFREYSBAAI): Strandhuis te huur. Pragtige
see-uitsig. 300 meter vanaf strand. Woonkamer, sitkamer, 4
slaap kamers, 3 badkamers, 1½ kombuis, waskamer en balkon.
Goed toegerus met TV, videomasjien, skottel, buite braaiplek,
ens. 1 motorhuis. Buiteseisoen R500 p/d. Skoolvakansies en
eerste helfte van Desember R600 p/d. Desember/Januarieskoolvakansie
R800 p/d. Minimum tydperk 5 dae.
Skakel Ansie du Plessis by 073 166 8166, faks 086 219 2193.
E-pos: jakduplessis@absamail.co.za
Februarie 2013 DIE KERKBLAD 37

kleinADVERTENSIES
JEFFREYSBAAI: Netjiese 1-slaapkamer selfsorgwoonstel. Seeuit
sig. Braaigeriewe. Afdak. Billike tariewe. 1-3 persone.
Helena 082 576 4285 / helena.xpac@gmail.com vir foto’s.
BOKNESSTRAND: DOPPERSNES op Boknesstrand. 2-slaapkamerhuis
met 2 badkamers asook ’n 2-slpk woonstel met 1 badk.
8 minute se loop vanaf swemstrand. Verhuring regdeur die jaar.
50% afslag vir senior burgers (buiteseisoen).
Kontak Callie van der Merwe by 082 784 4519.
KAROO
BEAUFORT-WES: RUSTHUIZ GASTEVERBLYF. Veilige, stil
woon buurt met binne-parkering. Weg van hoofstraat. Besondere
gehalte en atmosfeer. Vullende ontbyt.
Skakel 023 414 3516 of 082 829 4591.
COLESBERG: KAROO HUISE. Oornag in gerestoureerde dorpshuise,
nasionale gedenkwaardighede met antieke meubels. Die
geriefl ike huisies is selfsorgeenhede, geleë in ’n stil straat. TV,
braai geriewe en veilige parkering. Restaurante binne loopafstand.
Kontak T Vorster 051 753 0582; e-pos: hvzvorster@absamail.
co.za; web: www.karoohuise.co.za
COLESBERG: Rustige oornagakkommodasie, veilige parkering.
HERBERG 051 753 0147.
COLESBERG: ONZE RUST GASTEHUIS EN KARAVAANPARK
(ook vir tente). Rustige oornagakkommodasie met eie badkamer
(koffi e, tee, handdoeke, seep, beddegoed) sekuriteitsparkering,
nagwag, weg van hoofstraat, buitedeure, selfsorg. Chalets en
gastekamers vanaf R100 tot R150 p/p (kinders by Chalets R55;
gastekamers R65) en tentakkommodasie R60 p/p. Karavaan park
rolstoelvriendelik – tente en karavane. Beskikbaar: toesluitparkering,
braaigeriewe. Alle etes. TV, DSTV asook kitskombuisie.
Earl Haigstraat 18. Skakel Rina van Jaarsveld by 051 753 0249 of
082 768 0616. E-pos: prvj1@xsinet.co.za
COLESBERG: OUDE HOSTEL. Luukse kamers met privaat badkamer
en TV. Billike prys, veilige parkering, swembad.
Tel. 051 753 0131.
COLESBERG: GUINEA-FOWL GASTEHUIS. Geleë in stil omgewing,
weg van hoofstraat, veilige parkering op die erf. Alle kamers
het eie buitedeur en eie badkamer. TV in gesamentlike sitkamer
vir gaste. Billike tariewe. Stapafstand van eetplekke. Koffi e- en
tee geriewe in elke kamer. Skakel Jan en Louise Augustyn by tel/
faks 051 753 0197 of 082 899 3964.
DRIE SUSTERS: RONDAWEL GASTEPLAAS 300 meter vanaf
N1-roete tussen Richmond en Drie Susters. Kom geniet ons veilige
Karooplaas vanuit die gerief van u eie kliprondawel. Braaipakke,
ligte aandetes en vol ontbyt beskikbaar.
Skakel Tereza van der Merwe, sel 082 442 1567.
DRIE SUSTERS: Selfsorg oornagakkommodasie op rustige, privaat
en baie veilige Karooplaas beskikbaar. Ten volle toegerus,
baie naby N1 roete, tussen Richmond en Drie Susters.
Skakel Retief 049 851 9222, sel 083 406 6236.
HOPETOWN: Selfsorg akkommodasie op rustige, veilige Karoo-
plaas. 17 Km van N12. Halfpad tussen Gauteng en die Kaap. Ses
slaapplekke. Swembad en braaigeriewe. Braaipakke en etes beskikbaar.
Jaggeleentheid in seisoen. Tel/faks 053 203 8044. Sel
082 682 8909. E-pos: ecniesing@vodamail.co.za
MPUMALANGA
SABAAN VAKANSIE-OORD: Volledig toegeruste woonstelle. Geleë
tussen Sabie en Hazyview. Goed geleë vir dagritte na Wild tuin en
ander besienswaardighede. Vir bespreking, skakel 013 737 8114.
DULLSTROOM: Volledig toegeruste 5-slaapkamerhuis op ’n
plaas, 10 km vanaf Dullstroom. Ontbyt op aanvraag. Visvang,
stap, ens. Skakel Sarie 082 550 1126.
GRASKOP: Sentraal geleë buite malariagebied. Binne ’n uur vanaf
talle toeriste-aantreklikhede, insl. Kruger Wildtuin. Naby Fanie
Botha-staproete. Volledig toegeruste selfsorgvakansiehuis met
drie slaapkamers vir tot 7 of 8 persone. Skakel Seakle of Elsa 012
335 4810, 082 395 7582 of e-pos godschal@mweb.co.za
MARLOTH PARK: Langs Kruger Wildtuin. Slaap 8. Tariewe vanaf
R1 000 naweke of mid-week.
Skakel Rika 082 434 7313; Webblad: www.toevallig.co.za
NELSPRUIT: Selfsorg verblyf, slaap 4, toegerus. R400 per
nag, eie beddegoed, en handdoeke. R460 per nag beddegoed
en handdoeke voorsien. Tel 013 741 2386, faks 013 741 2801.
E-pos: creature@absamail.co.za
NOORDWES
POTCHEFSTROOM: Geniet en beleef ’n boomryke oase 5 min
vanaf Teologiese Skool en Universiteit. Ruim en gemaklike selfsorg
tuinwoonstelle met veilige onderdakparkering. Ontspan langs
die Mooirivier. Vanaf R400. Skakel Annemarie by 082 826 3310.
VRYSTAAT
BLOEMFONTEIN OORNAG: Luukse oornagwoonstel met veilige
parkering, TV. Skoon en netjies. Gasvrye en rustige atmosfeer.
Skakel 051 522 6035 of 082 726 9959.
BLOEMFONTEIN: KOMWEER B+B vir billike, huislike en gasvrye
oornagverblyf. Naby N1 en hospitale. Veilige onderdakparkering.
Navrae: tel. 051 522 3778, faks 086 670 8251 of 083 709 0684.
E-pos: ventersg@mweb.co.za Webbladsy: www.komweer.za.net
BLOEMFONTEIN: Selfsorg oornagkamers elk met: minikombuis
en badkamer, lugreëling, braai- en vriesgeriewe, TV, veilige onderdakparkering.
Slaap 1-4 en 1-5 persone, naby N1.
Skakel Piet of Belie by 051 433 2635 of 072 342 7530.
MIDDENDEEL GASTEPLAAS: Middendeel Gasteplaas, 100 km
vanaf Bloemfontein en 75 km vanaf Kimberley. Geskik vir kerkkampe
en familiebyeenkomste. Slaap 30 persone.
Kontak Callie van der Merwe by 082 784 4519.
LIMPOPO
POLOKWANE/PIETERSBURG: COME-A-LONG AKKOMMODA-
38 DIE KERKBLAD Februarie 2013

SIE. Oornag- en langtermyn akkommodasie. Netjiese, toegeruste
self sorgeenhede. Met bespreking meld verwysing “Kerkblad” vir u
10%-afslag. Sel 082 776 7760. E-pos: comealongaccom@gmail.
com
GAUTENG
JEUGHUISE: Gereformeerde Kerk Meyerspark. Aangename verblyf
vir jongmense in rustige woonbuurt. Twintig ruim slaapkamers,
woon kamer, kombuis en waskamer met alle geriewe, swembad,
braai-area, veilige parkeerafdakke en pragtige tuin.
Skakel Elsje 082 940 5804 of Liza 083 309 1340.
ALLERLEI
OPMETINGSINSTRUMENTE: Bukswaterpasse (dumpy levels),
teo do liete, meetwiele, laser vir konstruksie. Protea Opmetings
Instrumente. Tel. 011 976 2070. Sel 083 259 8931 of 083 265 7272.
E-pos: sales@protsurv.co.za
BINDWERK: Flinke bindwerk van hoogstaande gehalte. Dienste
sluit in die:
Inbind van proefskrifte en verhandelinge
Herstel van ou of beskadigde boeke
Inbind van tydskrifte, sowel as
Gespesialiseerde binddienste
Kontak Lukas van Vuuren, tel. 011 477 4183.
OUTYDSE TRAPORRELS: Vir herstel en/of restourasie van outydse
traporrels, skakel mnr. Jan Zielman. Tel. 012 330 3087 / 083 338
3240 of e-pos: janzielman@mweb.co.za
DIE UITTOG: Bybelstudie-werkboek deur Edmund de Beer en Anne
ke Botha. Die betekenis van hierdie groot gebeurtenis vir ons
van dag. Vir enkelinge of groepe. Foto’s en kaarte. R40 (posgeld
ingesluit). Bestel by Hester 082 857 7347.
FOLMER BOEKHANDEL: Vir ’n groot verskeidenheid goeie Christelike
boeke:
Petro – 012 543 3597, e-pos: folmerboek@telkomsa.net
Pretoria: Irene – 012 333 8064, e-pos: folmerpta@telkomsa.net
Kaapstad: Petrie – 021 982 1402, e-pos: eendenkooi@telkomsa.net
OPSTEL VAN TESTAMENTE: Praktiserende prokureur stel gratis
tes tamente op en doen bereddering van bestorwe boedels landswyd
teen mededingende pryse. Kontak Anneke Meyer by 083 635 3399,
of Posbus 470, Menlyn, 0063.
BURGUNDY ESTATE, MONTE VISTA, KAAPSTAD: Onderwyseres
benodig ’n dame om ’n woonstel te deel. Ruim en geriefl ik. Twee
slaapkamers, oopplan-leefarea en kombuis, sekuriteitskompleks.
Dis naby die N1. Dis onmiddellik beskikbaar.
Kontak Marthie by 083 414 7053 of per e-pos: mbreestroom@gmail.
com
EIENDOMME
BLOEMFONTEIN: Vir al u eiendomsbehoeftes. Woonhuise, meenthuise,
studenteverblyf, hoewes en plase beskikbaar. Besoek gerus
ons webtuiste: www.cheetahprop.co.za vir foto’s & inligting.
Skakel Dirk Coetzee, 082 784 1993. Cheetah Eiendomme.
kleinADVERTENSIES
BOEKE VAN MARNIX
Deur prof. V.E. d’Assonville. Pryse sluit posgeld en verpakking
in.
Bestel by: MARNIX, Posbus 38174, Faerie Glen, 0043. Tel
en faks: 012 991 2009. E-pos: marnix@absamail.co.za
Die Groot Diamantroof (anneksasie van Vrystaatse diamantvelde),
R138.
SJ du Toit van die Paarl (biografi e, hardeband, 450pp, 50 foto’s)
R175; (genommerde eksemplaar: R225).
Dit is Toti us (biografi e, hardeband, 284pp, 50 foto’s) R83; (genom
merde eksemplaar R108).
Die boek Openbaring (Lig van God se Woord op die wêreldgebeure.
Sagteband, tweede nuutverwerkte uitgawe, 250pp),
R98.
Kerk op die Wit Hooglande (’n Gedenkboek oor die Gereformeer
de Kerke in Kenia met volledige doopregisters. Harde band,
128pp, foto’s) R58.
Gereformeerde Doopsformulier (God se beloft es en eise aan
ons. Hardeband, 114pp) R18.
Gids vir Kerkgeskiedenis (’n Omvatt ende oorsig oor die kerk geskiedenis
vanaf die eerste eeu nC. Sagteband, 245pp) R38.
Kerkgeskiedenis in 30 lesse (’n Katkisasie-handboek. Ook baie
geskik vir nuwe lidmate wat in die gemeente verwelkom word.
Hardeband, 117pp) R20.
Dogmageskiedenis (Gids vir die Gereformeerde leer. Sagteband,
83pp) R15.
Calvyn verdedig sy stad (Die dramati ese geskiedenis rondom
een van Calvyn se belangrikste geskrift e tydens sy ballingskap.
Sagteband, 16pp) R7.
Majuba (Ongeloofl ike Boere-oorwinning oor Groot-Britt anje op
27 Feb. 1881. Sagteband, 75pp met foto’s) R45.
Majuba (Engelse uitgawe. Sagteband, 82pp) R45.
Kruger en Rhodes (Die berugte Jameson-inval in 1896 en die
aanslag van Milner teen Transvaal in 1899. Sagteband , 82pp)
R45.
Bloedrivier (Een van die grootste dramas in Afrika – keerpunt
van ’n beskawing. Sagteband, 70pp met foto’s) R65.
Blood River (’n Engelse weergawe van bogenoemde boek.
Sagteband, 71pp met foto’s) R65.
Toti us se oorlogsdagboek (Die digter Toti us se ervarings as
Kaapse rebel 1899 – 1900. Sagteband, 72pp met foto’s) R45.
Op die bodem van die Vaaldam (Dramati ese geskiedenis van
’n Boereplaas wat in 1936 deur die Vaaldam se waters toegestoot
is. Die aangrypende episodes van hierdie mense in die
An glo-Boereoorlog, die krygsgevangene- en konsentrasiekam pe
en die Rebellie van 1914 saam met genl. De Wet. Sagte band,
211pp, 55 foto’s) R108.
Die Psalms sing van Christus (’n Dagboek oor die Psalms wat
ons van God se beloft es verseker. Sagteband, 194pp) R98.
Die koms van Christus en die Anti chris (Die kerk wag elke dag
op die koms van Jesus Christus. Die Anti chris is egter al reeds
daar, maar word tans nog teëgehou totdat die Evangelie eers
klaar verkondig is. Kardinale vrae word beantwoord. Sag teband,
104pp) R65.
Die Van der Merwes van Middendeel VE d’Assonville en Nico
van der Merwe. R158 posgeld ingesluit.
Eugène Marais en die Waterberge (ook in Engels) R108.
Generaal De Wet in die Vredefortkoepel R158.
Februarie 2013 DIE KERKBLAD 39

40 DIE KERKBLAD Februarie 2013

Pryse Pryse sluit sluit nie nie
posgeld posgeld en en
verpakking verpakking in in nie
nie

Bestel by:
Die Administratiewe Buro, Afdeling Publikasies, Posbus 20008, Noordbrug, 2522.
Tel: 018 297 3986 Faks: 018 293 1042 E-pos: bestellings@gksa.co.za
R55
BTW Ingesluit Posgeld en verpakking addisioneel