Afrikaans Version.

19. Die Wegraping?
In Mattheus 24:21 (hierbo aangehaal) waarsku Yeshua ons oor die verdrukking wat gaan kom, maar Hy sê niks oor die
wegraping nie. Het hy vergeet om dit te noem? Nee! Yeshua het ons laat weet wat ons moet weet. Die woord
wegraping (rapture) kom nie in die skrif voor nie, ook nie eers in die Pharos Groot Woordeboek nie. Dit is
mensgemaakte teologie. Wat sê die skrif?
1 Thessalonicense 4:16 Want die Here self sal van die hemel neerdaal met 'n geroep, met die stem van 'n aartsengel en met
geklank van die basuin van God; en die wat in Christus gesterf het, sal eerste opstaan.
4:17 Daarna sal ons wat in die lewe oorbly, saam met hulle in wolke weggevoer word die Here tegemoet in die lug; en so sal
ons altyd by die Here wees.
Indien ons die profetiese beeld in die Bybelse Feeste van Levitikus 23 verstaan, is hierdie vers duidelik. Die basuin van
God verwys na die Fees van Basuingeklank, die enigste nuwemaan Fees, (Yom Teruah, Feast of Trumpets). Diegene
wat die verdrukking oorleef het, ontmoet Messias in die lug soos wat Hy terugkom om te regeer, m.a.w. tydens die
Wederkoms! Dié wat sterf in die verdrukking ontmoet Hom eerste, diegene wat oorleef ontmoet hom tweedens,
dieselfde dag! Dit is God se plan dat daar mense sal wees wat onder Sy beskerming die verdrukking oorleef en so
gesuiwer en gelouter is dat hulle Messias se vleklose bruid kan word. Dink aan ‘n groot skip wat die hawe binnevaar:
al die klein booitjies seil uit om die groot skip te vergesel soos wat dit die hawe binnekom. Net so gaan ons onse
Messias ontmoet en terugvergesel!
Daniel 9:24 Sewentig sewetalle (Hebreeus shabua wat verwys na die jaarlikse Fees van Weke ook bekend as Shavuot/
Pinkster/Pentecost, d.w.s. 70 jaar) is oor jou volk en jou heilige stad bepaal, om die goddeloosheid te voleindig en om die maat
van die sondes vol te maak en om die ongeregtigheid te versoen en om ewige geregtigheid aan te bring en om gesig en
profeet te beseël en om wat hoogheilig is, te salf.
9:25 Nou moet jy weet en verstaan: van die uitgang van die woord af om Jerusalem te herstel en op te bou (Om die Staat Israel
te laat oprig Nov 1947) tot op 'n Gesalfde, 'n Vors, is sewe sewetalle; en twee en sestig sewetalle (= 69 jare) lank sal dit herstel
en opgebou word, met pleine en slote, maar in tye van benoudheid. (Tyd is hier agterste voor geskryf, die 62 jare kom eerste
en daarna die 7 jaar. Die 62 mag die einde van 2009 voltooi gewees het.
9:26 En ná die twee en sestig sewetalle sal 'n Gesalfde uitgeroei word, maar sonder iets vir Hom; en die volk van 'n vors wat
sal kom, sal die stad en die heiligdom verwoes, maar sy einde sal met 'n oorstroming wees, en tot die einde toe sal dit oorlog
wees, vasbeslote verwoestings.
9:27 En hy sal een week lank (7jaar) met baie 'n sterk verbond sluit, en gedurende die helfte van die week (na 3 en ½ jare)
sal hy slagoffer en spysoffer laat ophou; en op die vleuel van gruwels sal daar 'n verwoester wees, en wel tot aan die einde; en
wat vas besluit is, sal oor wat woes is, uitgestort word.
Hierdie profesie handel gedeeltelik met die eerste koms van Messias (vers 26) en gedeeltelik met Sy wederkoms. Die
woord Messias (Gesalfde) is twee keer in hierdie stuk genoem, die enigste twee plekke in die ou Testament wat dit
voorkom! In meeste Nuwe Testamente is die term Messias vervang met die term Christus. Die eerste is van die
Hebreeus Meshiach terwyl die tweede is van Griekse oorsprong. Hulle betekenis is identies!
Die eerste gedeelte van hierdie hoofstuk wys ons hoe ons hierdie tyd moet benader – in belydenis van sonde
namens onself en ons volk.
Daniel 9:3 En ek het my aangesig tot die Here God gerig om met vas, en in roukleed en as, my aan gebed en smekinge te wy.
9:4 En ek het tot die HERE (YHVH) my God (Elohim) gebid en belydenis gedoen en gesê: Ag, Here, grote en gedugte God,
wat die verbond en die goedertierenheid hou vir die wat Hom liefhet en sy gebooie onderhou,
9:5 ons het gesondig en verkeerd gedoen en goddeloos gehandel en in opstand gekom en van u gebooie en verordeninge
afgewyk.
9:6 En ons het nie geluister na u knegte, die profete, wat in u Naam gespreek het tot ons konings, ons owerstes en ons vaders
en tot die hele volk van die land nie.
U mag redeneer dat die Jode in Judaisme en die Israelitiese afstammelinge wie huidiglik Moslem of Hindu is, buite
die nuwe verbond is en daarom kan ons tydens die verdrukking nie vir hulle beskerming gee nie. Gaan lees weer
Ezekiel Hoofstuk 37! God beloof dat die dooie bene van die huis van Juda (Yehuda) en Israel weer lewendig sal word
en Messias gaan dit wonderbaarlik verrig, dalk tydens Sy wederkoms of kort daarvoor. Meeste Moslems wat deesdae
tot bekering kom, kom tot bekering omdat Koning Jesus verskyn het aan hulle. Hy breek die okkultiese mag van Islam
oor hulle en stel Sy identiteit aan hulle bekend. Daarna stuur Hy hulle na iemand wat reeds wedergebore is om meer te
leer oor Hom.
Mense van Israelitiese herkoms, wat weier om die wêreld diktator te aanbid, al kom hulle vanuit Islam of Hinduisme
sal tydens die verdrukking slegs as vlugtelinge na ons plekke van veiligheid kan kom omdat die Heilige Gees reeds
in hulle harte besig is en Hy hulle na ons toe gestuur het. Die oorblyfsels van die volk gaan deel van die Bruid van
Messias word wanneer die wonderwerk van Ezekiel 37 plaasvind. Die ballingskap van die noordelike stamme het
verval. 390 jaar x 7 = 2730 jare, wat in 722 V.C begin het. Esegiël 4:5 vermenigvuldig met Lev 26:18.
26