Tjaart Jurgens Maré Doctor Legum Universiteit van die Vrystaat

(e) Die begrip “reasonableness”.
500
Die ontwikkeling van administratiewe geregtigheid in die Suid-Afrikaanse Reg is van nader
beskou. Die gemenereg is veral as vertrekpunt gebruik en is daar grootliks gekonsentreer
op die inslag wat die Engelse Reg gehad het.
Die ontwikkeling van administratiewe geregtigheid moet grootliks voor die deur van die
beslissing in Theron v Ring van Wellington NG Sendingkerk in Suid-Afrika1001 gelê word,
wat inderdaad as die waterskeiding betreffende die redelikheidsbegrip in die Suid-
Afrikaanse Administratiefreg bestempel kan word. Nieteenstaande die voorbehoud dat die
bevinding in die Theron-saak slegs betrekking sou hê op administratiewe handelinge van ʼn
kwasi-judisiële geaardheid, het hierdie beslissing na aanleiding van die wegdoen van die
kategorisering van administratiewe handelinge in Administrator, Transvaal v Traub1002 van
deurslaggewende belang geword. In die Traub-saak beslis die hof dat die aspek wat van
kernbelang is, die redelike hantering van elke individuele saak volgens die unieke
omstandigheid daarvan sal wees. Vanweë die besondere belang van die vestiging van
onredelikheid as selfstandige hersieningsgrond, is redelike administratiewe optrede binne
die Grondwet deur die bepaling van Artikel 33 oënskynlik tot fundamentele reg verhef.
Dit kan met reg gekonstateer word dat administratiewe geregtigheid in die Suid-Afrikaanse
Reg met rasse skrede ontwikkel het. Die volgende is bewyse daarvan :
Die gemenereg. 1003
Die ontwikkeling van die administratiewe geregtigheidsbegrip in die Engelse Reg.
Die verwerping van die kategorisering van administratiewe optrede waaraan
bepaalde regsgevolge geheg word.
Die leerstuk van legitieme verwagting.
Redelikheid aan die hand van die Traub-beslissing.
Die menings van akademici, met spesifieke verwysing na die voorgestelde
grondwet.
Die aanvanklike mening van die Regskommissie en die gepaard gaande voorstelle
vir die hersiening van die administratiewe regsproses.
Die bepalings van Artikel 18 van die Namibiese grondwet, asook Artikels 24 en 33
van die Interim en Finale-Grondwette.
1001 1976(2) SA 1 (A).
1002 1989(4) SA 731 (AD).
1003 Sien die spesifieke verwysing na die menings van gemeneregtelike skrywers en die uitspraak van appèlregter Jansen in die Theron-saak (Supra) en die
navolging van die saak in opvolgende beslissings hierbo vermeld.