Tjaart Jurgens Maré Doctor Legum Universiteit van die Vrystaat

Die komitee beveel aan dat kwasie-judisiële beslissings aan die betrokke minister
self opgedra behoort te word, en nie aan geregshowe of ministeriële tribunale nie.
In gevalle waar dit blyk dat die Minister op grond van een of ander belang
waarskynlik nie ten opsigte van die judisiële funksies wat by die verrigting van die
kwasie-judisiële handeling ter sprake mag kom, onpartydig sal wees nie, beveel die
komitee aan dat die judisiële funksies aan ʼn ministeriële tribunaal opgedra word.
Die beslissing van die Ministeriële tribunaal moet dan bindend op die minister wees,
wanneer hy die kwasie-judisiële beslissing by wyse van die uitoefening van sy
diskresie neem.
Van die Donoughmore-komitee se aanbevelings het nie veel tereggekom nie. Eers
ná die Franks-kommissie se ondersoek is wetgewing aangeneem om die
prosedures wat deur die owerheid by die aanhoor van besware gevolg word, op ʼn
vaster grondslag te plaas.
In die tydperk na die Tweede Wêreldoorlog is ʼn aantal wette wat as die grondslag
van die welvaartstaat beskou kan word, in Engeland aangeneem. 67 Hierdie wette
het veral sekere geldelike voordele aan die individu laat toekom. Die eis vir die
betrokke voordeel is gewoonlik by ʼn amptenaar ingedien, met die moontlikheid van
beroep op ʼn tribunaal, wat vir dié doel in die lewe geroep is. Hierdie nuwe wending
en die toepassing daarvan het tot ontevredenheid onder sommige mense aanleiding
gegee.
Jackson skets die verhouding wat in daardie stadium tussen owerheid en onderdaan
geheers het, soos volg :
“There was a feeling that in many matters the citizen is helpless against the
power of the state, having no effective method of getting justice. Such ideas
are extremely difficult to examine because they jumble together all the
frustrations, exasperations and difficulties arising from a diversity of causes. A
period following total war, with economy everywhere upset, and a cold war in
the offing, would have been disturbing in any event, but the period was also
one of vast social changes. Many people found that some control cut across
their expectations; it seemed to them that some power, commonly called ‘they’
possessed unlimited powers. ‘They’ would not allocate sufficient petrol, or
grant a licence to build. ‘They’ would not be allowed a site to be used as its
owner whished, often because ‘they’ wanted to acquire it at a great deal less
than its real value.” 68
67 Die Family Allowances Act van 1945, die National Insurance Act van 1946 en die National Assistance Act van 1946.
68 Jackson, 1977:92.
33