Tjaart Jurgens Maré Doctor Legum Universiteit van die Vrystaat

406
ʼn Padvervoerraad wat gemagtig is om in ʼn bepaalde gebied, byvoorbeeld die
Gauteng-gebied permitte toe te staan, mag nie permitte buite die grense van
die Gauteng-gebied toestaan nie.
3.1.4 DIE TYD WAARBINNE DIE ADMINISTRATEUR DIE BEVOEGDHEID MOET
UITOEFEN
Hierdie vereiste het spesifiek betrekking op die tyd waarbinne die
administrateur of administratiewe owerheid die funksie wat aan hom of haar
opgedra is, moet verrig. Wanneer ʼn Wet ʼn sekere tydperk bepaal waarbinne
byvoorbeeld ʼn lisensie toegestaan moet word en die owerheid ʼn lisensie ná
verstryking van die tydperk uitreik, is die optrede ongeldig. 814
ʼn Algemene vereiste wat ook hieronder ressorteer, is dat administratiewe
handelinge vooruitwerkend en nie terugwerkend nie moet wees, dit wil sê, dit
moet slegs vir die hede en die toekoms geld. ʼn Administratiewe handeling sal
slegs terugwerkende krag hê, wanneer die outeur ingevolge wetgewing
gemagtig is om dit terugwerkend te maak. Die rede hiervoor is dat ʼn
administratiewe handeling wat van terugwerkende krag is, bestaande regte,
voorregte en vryhede raak. In die saak van Sarahbibe v Principal Immigration
Officer het die hof die gevestigde reg erken van die applikant, wat aansoek
gedoen het om verlof dat sy verloofde die land mag binnekom dit toegestaan
het. 815
3.1.5 DIE OBJEK (ONDERWERP) VAN DIE OWERHEIDSGESAG
Hierdie vereiste het betrekking op die onderwerp van die administrateur se
bevoegdheid of gesag, dit wil sê, die rede waarom die bevoegdheid
uitgeoefen word, of die doel waarvoor die bevoegdheid verleen is. As ʼn
algemene reël word die onderwerp van die bevoegdheid (byvoorbeeld om ʼn
lisensie uit te reik of ʼn bevel te gee) presies in die magtigende Wet beskryf.
In Mokoena v Commissioner of Prisons816 was die kommissaris gemagtig om
aktiwiteite in gevangenisse te reël, met inbegrip van besoeke aan
gevangenes deur hulle regsverteenwoordigers. Hoewel die administrateur
(die kommissaris) die bevoegdheid gehad het om te reël en te beheer, het hy
nie oor die bevoegdheid beskik om te verbied nie. Die kommissaris was dus
nie by magte om sulke besoeke te verbied nie.
814 Landmark Investments (Pty) Limited v Port Elizabeth Municipality 1968(2) SA 693 (OK).
815 Sarahbibi v Principal Immigration Officer 1957(2) SA 175 (N).
816 1985(1) SA 368 (W).