Tjaart Jurgens Maré Doctor Legum Universiteit van die Vrystaat

SLEUTEL TOT PROEFSKRIF
1. Vir doeleindes van hierdie proefskrif word die verwysingsisteem soos
verkies deur die Fakulteit Regsgeleerdheid van die Universiteit van die
Vrystaat, soos gebruik in die Tydskrif vir Regswetenskap, toegepas.
2. Relevante gesag is bygewerk tot en met 2006.
3. In hierdie proefskrif word verwys na die Hooggeregshof en die
Appèlhof.
Artikel 166 van die Finale Grondwet omskryf die howe soos volg :
(a) Die Konstitusionele Hof;
(b) Die Hoogste Hof van Appèl
(c) Die Hoë Howe, met inbegrip van enige Hoë Hof van appèl wat
ingevolge ʼn Parlementswet ingestel word om appèlle vanaf Hoë
Howe aan te hoor.
Na die inwerkingtreding van die Finale Grondwet word daar in die
proefskrif verwys na die Hoogste Hof van Appèl en Hoë Hof.
4. In die proefskrif word na die 1993-Grondwet verwys as die Interim-
Grondwet en die 1996-Grondwet as die Finale-Grondwet.
5. Die Wet op die Bevordering van Administratiewe Geregtigheid is slegs
in Engels gepromulgeer. In hierdie proefskrif word daar verwys na
PAJA as afkorting van die Promotion of Administrative Justice Act.
iv