Tjaart Jurgens Maré Doctor Legum Universiteit van die Vrystaat

375
deur die administratiewe handeling beïnvloed sal word. Hoe kleiner die teikengroep,
hoe beter die resultate op kommentaar. Daar sal byvoorbeeld van die
administrateur verlang word om op besondere wyse kommentaar van die publiek te
verkry, indien daar met meesal ongeletterde persone te doen gekry word.
Artikel 4(3)(a) bepaal dat kommentaar aangevra moet word. Die kennisgewing wat
kommentaar verlang, moet veral vir die publiek aandui waar, hoe en teen watter
datum die kommentaar gelewer moet word. Die naam en kontakbesonderhede van
die administrateur moet ook verskaf word. Die sluitingsdatum moet duidelik
aangedui word. PAJA verlang geen spesifieke tydperk vir kommentaar nie,
alhoewel die voorgestelde regulasies ʼn minimum van 21 dae tussen die begin- en
eindtyd vir die kommentaar verlang. Daar moet genoeg tyd wees om kommentaar
te kan lewer en sal sekerlik wissel na gelang van die omvang en die
moeilikheidsgraad daarvan.
2.2 OORWEGING VAN KOMMENTAAR
Artikel 4(3)(b) bepaal dat ʼn administrateur die kommentaar deeglik moet oorweeg.
Die blote feit dat die oorweging van kommentaar in ʼn aparte bepaling/Artikel
aangespreek word, dui op die erns daarvan. “Any comments received” dui op die
aspek dat alle relevante kommentaar oorweeg moet word. PAJA verlang nie
kommentaar wat nie gemik is op die administratiewe handeling nie. Dit word ook nie
oorweeg as dit laat is, of volg nadat die administratiewe handeling reeds uitgevoer is
nie.
ʼn Sluitingsdatum vir die kommentaar se indiening help om die publiek en dié van die
administrateur se aandag op die administratiewe handeling te fokus. Wat word
bepaal met die woord “consider”, nadat die kommentaar ontvang is? Die
sleutelaspek hier is dat die kern van die kommentaar deur die besluitnemer
aangebied word of deurgegee word. Dit beteken nie dat elke kommentaar deur ʼn
besige kabinetsminister gelees en hanteer word nie. Dit beteken ook nie dat die
crux van die saak aan die besluitnemer deurgegee moet word nie. Soortgelyke
kommentaar kan ook gekategoriseer en saam hanteer word. Die essensiële
aspekte van die kommentaar moet op ʼn bepaalde wyse aan die administrateur vir
besluitneming deurgegee word. ʼn Samestelling of opsomming van die kommentaar
of indeksering van die inligting moet gemaak word. Nadat die kommentaar
aangebied is, moet dit deeglik oorweeg word.
2.3 ʼn BESLUIT OM DIE ADMINISTRATIEWE HANDELING TE NEEM OF NIE TE
NEEM NIE
Artikel 4(3)(c) plaas ʼn verpligting op die administrateur om die administratiewe
besluit te neem of nie, met of sonder verordeninge. Gewoonlik sal ʼn gedeelte van