Tjaart Jurgens Maré Doctor Legum Universiteit van die Vrystaat

372
dat aan ʼn sekere voorgeskrewe prosedure rakende openbare
ondersoeke voldoen moet word. Die regulasies wat sal volg, sal
sekerlik hierdie spanningslyn breek, wanneer die prosedure meer
volledig beskryf gaan word.
In konsepvorm blyk die regulasies die prosedure in die fynste
besonderhede te beskryf en poog dit om oor die hele Suid-Afrika
eenvormigheid in die administrasieproses mee te bring.
Dit sal groot gevare vir ʼn effektiewe administrasie meebring, indien
die voorgeskrewe prosedure te voorskriftelik sal wees. Die
amptenaar sal gou agterkom dat dit te veeleisend is om self die bul
by die horings te pak. Daar kan goedsmoeds besluit word om die
ondersoek in die veilige hande te laat van ʼn deskundige, wat miskien
nie so geredelik in voeling is met die spesifieke gebied van die
staatsadministrasie nie.
Daar kan aangevoer word dat die begrip “nakom” (“comply”) in Artikel
4(2)(b)(i)(bb) uitgelê moet word om te beteken “substansieel nakom”.
So ʼn interpretasie sal Artikels 4(2)(b)(i) en 4(2)(b)(i)(bb) saamlees.
So ʼn doelbewuste interpretasie sal administrateurs eerder
aanmoedig, as afskrik, om prosedurele billikheidspakkette wat deur
PAJA aangebied word, eerder te aanvaar as om die spesifieke roete
van Artikel 4(1) te volg. Hierdie gemakliker alternatiewe roete sal
egter meer byval vind, wat verder sal lei tot die uitbreiding en
verbetering van die reg op administratiewe geregtigheid. Die
belangrikste bepalings kom tog in PAJA self voor, en nie in die
regulasies nie.
1.3.2.2 ONDERSOEKPROSEDURES
Net soos by die geval van die kennisgewing- en
kommentaarprosedure, word die ondersoekprosedure nie in
besonderhede deur PAJA gereguleer nie. Artikel 4(2)(b)(ii) bepaal
slegs dat die persoon wat die openbare ondersoek hou, dit ingevolge
ʼn bepaalde prosedure moet doen. Dit is die prosedure wat deur die
administrateur, ingevolge die bepalings van Artikel 4(2)(b)(i),
vasgestel moet word. Dit verwys nie na die voorgeskrewe prosedure
nie.
Om die daarstelling van administratiewe geregtigheid aan te moedig,
moet die statutêre begrip “in accordance with that procedure” dus