Tjaart Jurgens Maré Doctor Legum Universiteit van die Vrystaat

the community to be heard before the decision, which obviously prejudicially
affects his property or liberty, is taken.”
369
Die oogmerk van Artikel 4 is om aan administratiewe optrede meer deursigtigheid, ʼn
konsultasieproses en weldeurdagte besluitneming te verleen. Deelname deur die
publiek word hierdeur verseker. Beter wetgewing, veral waar daar ʼn
samewerkingsproses met die publiek is, kom na vore. Die publiek het ook ʼn beter
begrip hoekom wetgewing daargestel is. Bydraes van die publiek, wat oor die
nodige praktiese kennis beskik, kan van onskatbare waarde wees in die
wetmakingsproses.
Swak punte kan ook in die administratiewe optrede opgelos of verhoed word. Vir so
ʼn proses van deelname moet die party wat administratiewe optrede daar wil stel,
beter daarop voorbereid wees om vrae te kan beantwoord.
Probleme bestaan egter met die interpretasie van die prosedures soos vervat in
Artikel 4, veral waar dit gaan oor verskillende uitoefening van die prosedures. ʼn
Probleem bestaan ten opsigte van die inhoud van die sentrale teks van Artikel 4,
wanneer dit vergelyk word met Artikel 3. Eerstens kan ʼn onderskeid getref word
tussen administratiewe optrede betreffende individuele gevalle en die feite wat op
die individue van toepassing is, in teenstelling waar administratiewe optrede op ʼn
eenvormige wyse gerig is teenoor ʼn groep persone, wat soms nie eens
identifiseerbaar is nie.
Bogemelde onderskeid gee aanleiding tot ʼn hele aantal vrae rakende uitleg. Een
van die belangrikste is of Artikel 4 totaal los staan, of by Artikel 3 moet inskakel.
Indien wel, hoe moet dit geskied? Dus: verskaf Artikel 4 voldoende riglyne om die
administratiewe optrede te reguleer. Dit wil lyk of Artikel 4 los staan van Artikel 3,
die Wet stel dit nie duidelik nie. 772
1.2 WAT VERSTAAN ONS ONDER DIE BEGRIP “ADMINISTRATIEWE OPTREDE”
WAT ʼn UITWERKING OP DIE PUBLIEK KAN HÊ?
As gevolg van die skeiding wat ontstaan het tussen Artikels 3 en 4, bring dit mee dat
die administrateur elke keer wanneer hy te doen het met administratiewe optrede
wat ʼn invloed mag hê, eers sal moet bepaal of dit op ʼn enkele persoon of op die
algemene publiek betrekking het. Afhangende van die kategorisering, sal daar
verskillende prosedures nagekom moet word en verskillende gevolge sal gekoppel
word indien nagelaat word om die vereistes van die twee stelle prosedures na te
kom.
772 Sien as moontlike antwoord op die probleem, die bespreking van Currie en Klaaren 2001:P110-113, waar die huidige artikel met die wetsontwerp van die
Regskommissie vergelyk word.