Tjaart Jurgens Maré Doctor Legum Universiteit van die Vrystaat

355
dissiplinêre ondersoeke gehou word. Ten einde ʼn party die geleentheid te
bied om homself/haarself teen ʼn dissiplinêre aanklag te kan verweer, moet
hy/sy oor voldoende inligting beskik. ʼn Klagstaat wat vaag en verwarrend is,
voldoen nie aan hierdie vereiste nie. Die omvang van die woorde “voldoende
en volledig”, sal veral bepaal word deur die erns van die aangeleentheid.
Indien ʼn werknemer die moontlikheid om sy werk te verloor in die gesig staar,
sal die werkgewer voldoende inligting in die klagstaat moet verskaf.
Die term “voorgestelde (proposed) administratiewe handeling”, dui op die feit
dat voordat optrede geneem word, die party wat benadeel kan word, vooraf
kennis moet kry.
2.2.2 ʼn REDELIKE GELEENTHEID OM VOORSTELLE/AANBIEDINGS TE
MAAK
755 1999(2) SA 91 (CC) op Paragraaf 39.
Volgens die gemenereg beteken die reg om gehoor te word nie die reg om ʼn
verhoor te hou nie. Skriftelike vertoë blyk wel voldoende te wees om aan die
reël te voldoen. Daar bestaan definitief nie in elke geval ʼn reg op ʼn
mondelinge verhoor nie.
Gesag vir hierdie aspek word gevind in die saak van Premier, Mpumalanga v
Executive Committee of the Association of State Aided Schools : Eastern
Transvaal, waar Regter Kate O’Regan die volgende sê :
“The question that arises is whether the second applicant acted
procedurally fairly in die context of the legitimate expectation that
the respondent and its members entertained. It needs to be
emphasised that Section 24(b) requires that administrative action
which affects or threatens legitimate expectations be procedurally
fair. That does not mean that in all circumstances a hearing will
be required. It is well established in our legal system and in
others that what will constitute fairness in a particular case will
depend on the circumstances of the case.” 755
Die Wet tref ʼn duidelike onderskeid tussen “voorleggings” en “die geleentheid
om in persoon aangehoor te word”. Eersgenoemde is deel van die minimum
inhoud van prosedurele billikheid ingevolge die Wet en laasgenoemde is een
van die opsionele prosedures vermeld in Artikel 3(3).