Tjaart Jurgens Maré Doctor Legum Universiteit van die Vrystaat

339
Die toepassing van nasionale beleid word geredelik gebruik as ʼn tipe
staatsoptrede, veral in gebiede waar prosedurele billikheid van kardinale
belang is, soos byvoorbeeld lisensiëring en privatisering. Die omvang van dié
onaantasbaarheid verleen aan kabinetslede deur die uitsluiting van die
definisie van administratiewe handeling van die bevoegdhede en funksies na
verwys in Artikel 92(3), sal ook deeglik geïnterpreteer moet word.
Artikel 92(3) bepaal dat lede van die Kabinet -
(i) ooreenkomstig die Grondwet moet optree; en
(ii) aan die parlement volledige en gereelde verslae oor aangeleenthede
onder hulle beheer verskaf.
Die uitsluiting kan ook wyd geïnterpreteer word, om aan te dui dat enige
uitvoering van uitvoerende gesag deur kabinetslede (wat ooreenkomstig die
Grondwet moet geskied), nie ingevolge die begrip van administratiewe
handeling, soos gedefinieer deur PAJA, aangeveg kan word nie. Dit bring
prakties mee dat immuniteit verskaf word aan kabinetslede van
hersieningsverrigtinge ingevolge PAJA. Daar is egter nog steeds die
geleentheid om grondwetlike hersiening van hierdie optrede aanhangig te
maak op die beginsel van legaliteit.
Die vraag kan egter tereg gevra word of dit nie te ver strek nie. Dit is tog
duidelik wat die doel van die uitsluiting is, naamlik om deur PAJA beskerming
te verleen van hersieningsoptrede teen die kabinetslede, wanneer hulle
grondwetlike verpligtinge nakom.
4.8.2 DIE UITVOERENDE BEVOEGDHEDE OF FUNKSIES VAN DIE
PROVINSIALE UITVOERENDE GESAG
Met betrekking tot die uitvoerende bevoegdhede of funksies van die
Provinsiale Uitvoerende Gesag vind ʼn mens dat die wetgewer se benadering
dieselfde was as dié ten opsigte van die Nasionale Uitvoerende Gesag.
Die volgende uitvoerende bevoegdhede of funksies wat nie administratiewe
optrede is nie, sluit in :
• Die bekragtiging van wetsontwerpe en die verwysing van ʼn
wetsontwerp na die Konstitusionele Hof (Artikels 121(1) en (2).
• Die ontwikkeling en uitvoering van provinsiale beleid en die
•
koördinering van die funksies van die provinsiale administrasie en sy
departemente (Artikels 125(2)(d) en (e).
Die opdra van werksaamhede (Artikel 126).