Tjaart Jurgens Maré Doctor Legum Universiteit van die Vrystaat

317
Ridge v Baldwin692 het die House of Lords afstand gedoen van die siening. Dié
beslissing is ook intussen deur die Australiese Hof nagevolg. 693
Die Australiese howe het aan bogemelde begrip ʼn betekenis gegee wat so min as
moontlik van die gemenereg verskil. Hersiening ingevolge die ADJR kon nie op
twee tipes van publieke bevoegdhede plaasvind nie, naamlik hofbeslissings en
gedelegeerde wetgewing. Daar moenie te veel gewag gemaak word van die
Australiese hofbeslissings en definisie nie, aangesien daar belangrike strukturele
verskille tussen die Australiese en die Suid-Afrikaanse Reg bestaan.
Daar moet gelet word op die feit dat “administratiewe optrede” wel oorvleuel met
terme soos “exercising public power” en “performing a public function” in die
definisie. Ingevolge die AJA sal slegs besluite gemaak in die verloop van die
uitoefening van administratiewe magte en funksies as optrede kwalifiseer.
Wat beteken die term “van ʼn administratiewe aard”. Die optrede moet van ʼn
publieke aard wees. Besluite van private aard sal nie kwalifiseer nie. Die
uitoefening van private magte is nie administratiewe optrede vir doeleindes van die
AJA nie. Dit sal soms moeilik wees om ʼn lyn te trek tussen publieke en private
optrede.
In Transnet Limited v Goodman Brothers (Pty) Limited stel appèlregter Olivier dit
soos volg :
“The identification of an administrative action in contrast to an act regulated by
private law, has become more difficult with the increasing use by the state of
private law institutions, notably contract, to perform its duties. This takes place
by privatisation, delegation, outsourcing etc...” 694
Besluite van administratiewe optrede sluit ook uit die definisie uit, besluite wat in die
uitvoering van wetgewende en regterlike magte gemaak word.
Besluite uitgeoefen in die uitvoering van wetgewende funksies van die Parlement,
Provinsiale Wetgewer of munisipale rade en die judisiële funksies van regterlike
amptenare in Sub-paragrawe (dd) en (ee) word uit die definisie van administratiewe
optrede uitgesluit. Die rasionale vir dié uitsluiting word verkry vanaf die leerstuk van
die skeiding van magte.
Die vertroue kan net uitgespreek word dat die inperking van die definisie nie weer
aanleiding gaan gee tot ʼn omslagtige herhaling van die leerstuk van die skeiding
van magte nie. Almal is bewus van hoeveel energie in die verlede verspil is om te
692 [1964] AC 40 (HL)
693 R v Toohey, Ex parte Northern Land Council 1981(151) CLR 170 op 225.
694 2001(1) SA 853 (SCA).