Tjaart Jurgens Maré Doctor Legum Universiteit van die Vrystaat

314
Uit die definisie van administratiewe optrede tree sewe elemente na vore, volgens Currie
en Klaaren. 684
ʼn Handeling of optrede sal kwalifiseer as administratiewe handeling of optrede indien dit
aan die volgende vereistes voldoen :
(a) Dit moet ʼn besluit of voorgenome besluit wees;
(b) dit moet van administratiewe aard wees;
(c) dit moet ingevolge ʼn magtigende bepaling gemaak word;
(d) wat nie spesifiek uitgesluit word deur die lys van uitsluitings in die Wet nie;
(e) welke besluit geneem word deur ʼn staatsorgaan of deur ʼn privaatpersoon wat
owerheidsfunksies uitvoer;
(f) wat regte nadelig kan affekteer; en
(g) wat ʼn direkte, eksterne regseffek kan hê.
4.1 ʼn BESLUIT OF VOORGENOME BESLUIT
684 Currie en Klaaren, 2001:101.
685 Hiemstra en Gonin, 1986:36.
686 Bosman et al, 1998:803.
Hiemstra en Gonin omskryf “decision” (besluit) in die Drietalige Regswoordeboek
soos volg :
“Decision : besluit, beslegting, beslissing, uitspraak, gewysde (sien decided
case); come to a decision; ʼn beslissing (of slotsom) bereik; tot ʼn beslissing
geraak; the court on its own decided; die hof het uit eie beweging besluit...” 685
Bosman, Van Der Merwe en Hiemstra definieer “decision” (besluit) soos volg :
“decision - beslissing, uitspraak, besluit, uitlegging, vertolking, uitslag,
beslistheid; give a decision; ʼn beslissing gee, make (take) a decision; ʼn besluit
of beslissing neem; reach a decision; tot ʼn besluit kom of geraak.” 686
Beide bronne, dui ʼn positiewe handeling vir besluit aan, maar nie dat ʼn besluit as ʼn
late beskou word nie, met ander woorde ʼn nie-besluit wat geneem word nie. Op
geen stadium word besluit as ʼn handeling/doen geneem nie, met ander woorde, dit
omvat nie doen (administrative conduct/administratiewe optrede) nie.
Wanneer die woord “besluit” op sigwaarde beoordeel word, sal niemand daaraan
dink dat dit administratiewe optrede as begrip vervat nie.
Om die begrip “besluit” te vervolmaak, bevat dit ook verder ʼn hele aantal uitsluitings
wat nie gesien kan word as ʼn besluit, of administratiewe optrede nie.