Tjaart Jurgens Maré Doctor Legum Universiteit van die Vrystaat

530 Aman, 1997:40-41; Aronson 1997
531 De Smith et al, 1995:165.
245
die voorbeeld hierbo, het nie enige remedie nie, en dit wil voorkom of
publiekregtelike remedies ook nie veel van hulp sal wees nie.
ʼn Goeie voorbeeld om bogenoemde dilemma mee te illustreer word gevind in
Australië waar ʼn pensioenaris probleme ondervind het om sy skade te
verhaal. ʼn Privaatinstansie het namens Australia Post briewe afgelewer en
die posbus van die pensioenaris beskadig. Die privaat kontrakteur se polis se
bybetaling was groter as die skade aangerig, en die privaat instansie het
geweier om die skade te betaal. Die pensioenaris was te arm om die privaat
instansie te dagvaar, en die Australia Post het geweier om vir die skade te
betaal aangesien hulle nie middellik aanspreeklik was nie. Gelukkig vir die
pensioenaris het die ombudsman tot sy redding gekom en is die saak
suksesvol teen Australia Post afgehandel.
Hierdie voorbeeld toon duidelik aan die dilemma waarin die benadeelde party
hom/haar bevind, indien skade opgedoen word weens optrede deur ʼn privaat
instansie, wat ingevolge ʼn uitgekontrakteerde ooreenkoms owerheidsfunksies
verrig. Die ombudsman het bevind dat die owerheid en privaat instansie
daadwerklik voorsiening moes gemaak het rakende die verantwoordelikheid
om eise en klagtes te hanteer.
Aronson vra tereg die vraag hoekom die privaat kontrakteur aanspreeklikheid
moet aanvaar, waar dit optree in die mark waar dit nie van sy mededingers
verwag word om sodanige aanspreeklikheid te aanvaar nie. Hy is van
mening dat wetgewing daargestel moet word om te verseker dat die
benadeelde party toegang verleen word tot die howe, om of die kontrak af te
dwing, of om vir kontrakbreuk te dagvaar, ʼn tipe derde party-afdwinging. In
die alternatief kan ʼn party soos ʼn reguleerder of agentskap of publieke
belangegroep in die lewe geroep word, wat namens die benadeelde, ʼn tipe
groepaksie kan instel. 530
Volgens Aronson dui uitgekontrakteerde ooreenkomste op die broosheid wat
bestaan tussen die publiekreg-/privaatregonderskeiding.
3.2.4 DIE ONDERSKEID TUSSEN PUBLIEKREG EN PRIVAATREG
Woolf en Jowell wys daarop dat die regsverhoudings wat as gevolg van
uitkontraktering ontstaan en wat hulle ‘living off’ van die sentrale
departementele verpligtinge na nuwe agentskappe noem, nie geheel en al, of
publiek of privaat van aard is nie. 531 Ter erkenning van die vervanging van