Tjaart Jurgens Maré Doctor Legum Universiteit van die Vrystaat

529 Aman, 1997:97.
241
mense te verseker, verander het in ʼn 20ste-eeuse sosiale staat. Dit was inderdaad
ʼn verandering vanaf ʼn kontroleerder- na ʼn verskafferverhouding met die onderdane.
Hierdie verandering het groter laste op die staat geplaas. Om te voldoen aan die
groter verpligtinge wat opgelê word, het owerhede en veral plaaslike owerhede
besluit om ʼn meer markverwante benadering ten opsigte van hul administrasie na te
volg, wat verder meegebring het dat sekere verpligtinge geprivatiseer en ander
uitgekontrakteer is.
Waar bogemelde verandering deur regeringsinstansies gemaak word, benodig dit
sekerlik weer veranderinge, veral op die gebied van die administratiefreg. In
Amerika is die First National Performance Review in September 1993 vrygestel, wat
met ʼn plan gekom het waarvolgens owerheidsinstansies beter diens aan die publiek
kan lewer en om die leiding te neem in die wêreld, veral in ʼn era van globalisering.
Volgens Aman Jr. het dit veral groot veranderinge op die gebied van die
Amerikaanse administratiefreg teweeggebring, 529 te wete :
Nuwe soorte publieke en private sektore op alle vlakke van regering.
ʼn Herdefinisie van wat publiek en privaat is.
Groter vertroue ten opsigte van bedinging en onderhandeling in die uitvoering
van die diskresionêre bevoegdhede.
Groter vertroue ten opsigte van privatisering en die delegasie van publieke
funksies aan privaat instansies.
In lande soos Australië en die Verenigde Koninkryk, waar ekonomiese vertroue die
dryfveer was agter die herstrukturering van die staat deur privatisering en
uitkontraktering, het administratiefregsgeleerdes die vraag begin vra of regterlike
hersiening die beste wyse was om oor hierdie nuwe regeringstruktuur kontrole uit te
oefen.
3.1.1 PRIVATISERING
Die privatisering of verkoop van staatsbates is ʼn alledaagse gebeurtenis in
demokratiese lande. Privatisering kan gedefinieer word as die algehele
onttrekking van die staat en die oormaak van bates en verpligtinge aan die
privaatsektor. In die Verenigde Koninkryk is telekommunikasie, water,
elektrisiteit en gas geprivatiseer. In Australië is een derde van die
telekommunikasienetwerk geprivatiseer. In Suid-Afrika word daar gekyk na
die privatisering van dienste soos elektrisiteit, vervoer en telekommunikasie.