se Jongboer

Beplan vir verder as môre
Magdeleen Venter
- die visie van ‘n jongboer
“Glo in jouself en jou Skepper – dan sal groei verseker volg.” Dit is Andries Els, Agri
Risiko Spesialiste en Vrystaat Landbou se tiende Jongboer van die Jaar, se motto.
Magdeleen Venter het by hom en sy vrou op die plaas gaan inloer.
Andries het al van sy kinderdae saam
met sy pa, Jannie Els, op die plaas
Bloemhof in die Heilbrondistrik geboer
en geweet dat hy eendag self wil
boer. “My pa het die grondslag gelê
vir my boerdery. Ek het baie by hom
geleer, maar hy het my steeds die
ruimte gegee om myself uit te leef,”
verduidelik hy.
Andries het sy Nasionale Diploma
in Landbou Hulpbronbenutting aan
die Pretoria Technikon behaal en tien
jaar gelede voltyds begin boer. Sy pa,
Jannie, was baie betrokke by georganiseerde
landbou en is ook ‘n
Direkteur van Senwes. Hy het daarom
baie van die verantwoordelikhede
van die boerdery aan Andries oorgelaat
en Andries voel dat dit hom ook
Andries het ‘n Limousine kudde en is veral trots op dié bul, “66”.
22 Senwester, Julie 2005
baie vinniger meer selfstandig gemaak
het.
Andries glo dat landbou in die
platteland ekonomiese ontwikkeling
teweeg bring en dat jongboere soos
hy die geleentheid het om met nuwe
denke hierdie ontwikkeling verder te
vat. Hy is nederig oor sy toekenning
as Vrystaat Landbou se Jongboer van
die Jaar, maar hy sien dit ook as ‘n
mylpaal. “Dit wys jou darem jy is op
die regte pad…,” is sy kommentaar.
Valentia
Die 30-jarige Andries en sy vrou,
Marizé, het twee jaar gelede na die
Bothaville-distrik verhuis en op die
plaas Valentia tussen Bothaville en
Hoopstad begin boer. Marizé sê sy en
hul twee dogtertjies, Rize-Mari en Alida
en die hondjie Vlooi is baie gelukkig
op Valentia. “Hier is wonderlike
mense in die omgewing en ons het
regtig lekker by die gemeenskap ingeskakel,”
vertel sy.
Die Valentia-boerdery is in vier bedryfsvertakkings
verdeel waarvan
75% graanverbouing is wat uit mielies
en koring bestaan, 18% Drakensberger
kudde en 7% Limousine stoet.
Marizé behartig die administrasie
van die boerdery en doen die boeke
met die Winfin program. Hulle bestuur
die finansies weekliks en voel
dat dit belangrik is om dit self te kan
doen omdat en sodat jy presies weet
wat aangaan. Dit is dan prioriteit om
elke ses maande ook ‘n volledige
24