Groot vraag na aangepaste ramme - gwk

Oom Gemsbok
Die Skopskoen
Super Rugby enig in sy soort
D
agsê aan die hele GWK-rugbyrepubliek.
Is dit nie heerlik
om terug te wees ná drie
maande se uithonger voor die rugbyrevolusie
nie?
Man, Super Rugby bly maar enig in
sy soort en ons gaan die volgende ses
maande weer na die strafste rugbykompetisie
ter wêreld kyk. Ja, jy het reg gehoor:
Hierdie jaar se S15 gaan langer
as ses maande duur. Ongelooflik!
Die span met die beste reserwes, bo-
menslike fiksheid en die spelers wat die
beste by hierdie rugbymarathon gaan
aanpas, sal die finaal haal.
Op papier lyk die Sharks se groep na
die beste Suid-Afrikaanse span wat aan
hierdie kreteria voldoen. Hulle het `n
magdom hardebaarde en senior Bokke
in hul geledere en `n groep wat weet
wat dit verg om hier bo uit te kom.
Aan die ander kant het Oom Gemsbok
ook al gesien dat `n klomp grootkop
miljoenêrs wat nie meer honger is
om `n beker te wen nie, jou ook nie
veel in die sak bring nie. Begin hulle
goed, kan hulle baie punte opstapel
voordat die beserings hul tol begin eis.
Dié groep het alles om vanjaar die
finaal heel gerieflik te haal.
Oom Gemsbok meen die Stormers
staan tweede in die ry met `n gevestigde
en suksesvolle span van 2012,
maar dit mag dalk net teen hulle tel,
want die Curriebeker-kampioen gaan
beslis meer druk op hom hê as die res.
Vroeë beserings aan senior manne laat
hulle sommer met `n bitter smaak in
die mond begin en dan wag die Bulls
nog boonop in hul eerste wedstryd op
Loftus. Die manne van die Kaap het
egter te veel talent en ondervinding in
hul groep om nie die halfeind te haal
nie. Dit sal niks anders as `n groot skok
wees as ons provinsiale kampioene nie
die halfeind haal nie.
Derde lyk die Bulls vir Oom Gemsbok
die beste afgerond van al die Suid-Afrikaanse
spanne en met Matfield terug in
die kamp kan dit net beter gaan. Hulle
sit met die talentvolste jong manne op
die bank en dít op sigself is `n reuse
aanwins wat die rotasiestelsel betref.
Die Cheetahs, met die minste senior
spelers op die bank en Juan wat
uitgetree het, sal hierdie jaar goed moet
begin en seker maak hulle wen hul
tuiswedstryde.
Begin hulle voorspoedig en los die
beseringspook hulle `n slag uit, mag
die blikore hierdie seisoen die beste ooit
op die punteleer eindig, maar dit sal
Oom Gemsbok eers wil sien.
Oor die Kings het Oom Gemsbok bekommernisse,
veral wat hul reserwekrag
betref. Hulle skop gelukkig hul toetrede
tot S15 in Suid-Afrika af en hulle mag
nie hierdie wedstryd verloor nie. Van
daar af gaan dit baie moeilik raak vir
die manne van die Baai, veral as beserings
begin krap en wegwedstryde doer
onder op hulle wag.
Kom ons sit terug en laat die manne
mekaar vat. Maak die honne los!
Groetnis
Oom Gemsbok
55