Groot vraag na aangepaste ramme - gwk

Dís nuus in die GWK-groep
O ns het baie positiewe terugvoer
ontvang oor die eerste
uitgawe van Wat Aandeelhouers
moet weet. Ons sal voortaan
`n punt daarvan maak om die jongste
nuus uit GWK aan ons aandeelhouers
deur te gee.
`n Direksie Strategiese sessie is van
4-6 Februarie in Kimberley gehou
waartydens die strategiese rigting
van die GWK-groep bespreek is.
`n Nuwe visie is geformuleer om
GWK die agrileier in die voedselwaardeketting
te maak. Die belangrikheid
dat GWK steeds vanuit sy
domein sal funksioneer en dat die
verhoudings met ons produsente
krities is vir GWK se voortgesette
sukses, is bevestig. Ons sal dus nie
afstand doen van ons kernbesigheid
nie. Verdere aspekte wat aandag
sal geniet, is die opskerp van
diensvlakke en die opheffing van
die kundigheidsvlakke van personeel
ten einde verder aan die
verwagtinge van ons kliënte te
voldoen. Oorweging word ook
daaraan geskenk om `n struktuur
te skep waardeur GWK-aandeelhouers
in waardetoevoegende
besighede in die GWK-groep
kan belê.
GWK het `n bemarkingskantoor in
16
Ons Besigheid
Wat aandeelhouers
moet weet
Mnr. Johan van Dyk
Stellenbosch geopen. Die doel van
hierdie kantoor is om produkte van
GWK-produsente in die Wes-Kaap
te bemark. Die Wes-Kaap Bemarkingskantoor
sal ook in- en uitvoere
vir die GWK-groep as geheel behartig.
Mnr. Andreas Snyman is die
uitvoerende bestuurder verantwoordelik
vir hierdie kantoor. Snyman
sal egter steeds in Douglas gestasioneer
wees.
Baie harde werk word gedoen om
die deurset van die abattoirs in die
GWK-groep te verhoog en daar
is reeds sukses in hierdie verband
behaal. As voorbeeld hiervan het
skaap-slaggetalle in die Noord-
Kaap die afgelope jaar met 9%
gestyg, terwyl die skaap slaggetalle
van die skaapabattoirs in die GWKgroep
vir die ooreenstemmende
tydperk met 35% gestyg het.
`n Herindeling van die veilingstreke
is gedoen en twee streke is
geskep, naamlik die Noord-streek
(wes en noord van Bloemfontein) en
die Suid -treek (Suid-Vrystaat, Oos-
Kaap en Suid-Kaap).
Mnr. Deon Klopper (Tel: 082 802
8483) sal verantwoordelik wees
vir veilings in die Noord-streek en
mnr. Jan Erasmus (Tel: 082 924
6096) vir veilings in die Suid-streek.
Mnr. Willie Meyer is die uitvoerende
bestuurder verantwoordelik vir die
veilingsbesigheid as geheel.
Die silokapasiteit in Prieska sal met
30 000t vermeerder word en die innametempo
sal ook aansienlik verhoog
word. Die perseel vir die uitbreiding
van hierdie silokapasiteit is
op 7 Februarie 2013 aan die boukontrakteurs
oorhandig en een van
die store is reeds afgebreek.
Die transaksie vir die Humansdorp-
veilingskrale is afgehandel en die
veilingseiendom is na GWK oorgedra.
Mnr. Bertie van Zyl is as krediet-bestuurder
vir die Oos-Kaap
aangestel om sodoende `n omvattende
diens aan produsente in hierdie
streek te bied.
GWK groete,
Johan van Dyk