die veekraal - Nutrochem

die veekraal
volg ons asb op
APRIL / MEI / JUNIE 2013

DIE WINTER IS OPPAD
Artikel deur Dr JJ Kroon, Econovet CC
ie winter is weer oppad en ons moet op die
volgende punte let: D1)
Kondisie: Al die reserwe vet wat ons deur
die somer opgebou het moet ons ten alle koste
probeer behou deur die winter. Dit wil voorkom
asof die min gras vanjaar se kwaliteit baie
hoog was aangesien die meeste diere op
hierdie stadium in n baie goeie toestand is.
Die volgende faktore speel hier ‘n rol:
Inwendige parasiete:
Enige inwendige parasiete, veral Lewerslak, het
‘n geweldige impak op die opbou en behoud van
liggaam reserwes.
Met die laatsomer droogte het ons het ‘n baie
moeilike jaar gehad en aangesien die natuurlike
suipings meer gekonsentreerd is moet ons besef
dat die besmetlike stadium van die Lewerslak
(Metaserkarie) baie meer toeganklik vir die diere
is. Dus sal lewerslak in die winter ‘n wesenlike
probleem wees.
Kuile en natuurlike drinkplekke het baie min water
en die slakkies, wat die tussengasheer is, migreer
almal na die min water wat beskikbaar is. Die diere
kan dan baie makliker besmet word in teenstelling
met goeie reën jare waar die slakke baie meer
verdun en yl voorkom.
Dit is belangrik om te onthou dat sodra die nag
temperature onder 10 grade daal dit dien as ‘n
stimulus vir die parasiete om te oorleef en die
besmetlike stadium is dan op sy aktiefste.
Ons moet ten alle koste probeer om die liggaam
reserwes, wat deur die somer opgebou is,
sovêr moontlik te behou deur alle kompetisie
uit te skakel. ‘n Swaar parasiet - veral Lewerslak
besmetting alleen kan ‘n bees se liggaamsmassa
met 60-70 kg dreineer.
Wanneer ons doseer vir inwendige parasiete is die
tydsberekening belangrik.
• Te vroeë dosering kan lei tot herbesmetting wat
‘n tweede behandeling kan vereis.
• Te laat dosering kan tot gevolg hê dat die
dier te veel waardevolle massa verloor wat
veral in Aug-Sept-Okt. Belangrik gaan wees is
die her konsepsie in die volgende dek seisoen.
Die beste tyd om Lewerslak aan te spreek is
wanneer die besmetlike stadium op sy laagste is.
Met ander woorde in die vroeë winter na die eerste
ryp. In hierdie geval moet ‘n bek dosering gegee
word wat alle stadiums van die slak doodmaak.
Die produk TRIKLABENDASOOL is die enigste
aktief in hierdie klas. Alle inspuitbare middels
dood slegs die volwasse stadium, wat baie
minder skadelik is as die onvolwasse stadium. Lg.
migreer en vernietig die lewer weefsel.
Ons is reeds besig met die neem van
bloedmonsters om die impak van die inwendige
parasiet besmetting vas te stel. Neem van mis
monsters kan ook handige inligting verskaf.
Uitwendige parasiete:
Die 2 de generasie bosluise klim nou op die diere
vir oorlewing en moet nou aggressief aangespreek
word.
Rooiwater bereik nou sy piek. Langer werkende
middels soos ACATAC, wat die meeste van ons
reeds gegee het, is nou van uiterste belang. Dit
is baie belangrik om ‘n produk soos ACATAC in
hierdie tyd te gee wat deurlopende beskerming
sal bied vir 12 weke, ongeag die feit dat daar nie
soveel sigbare bosluise teenwoordig is nie, want
die behandeling breek die bosluis siklus. Dit is
juis die tweede generasie bosluis wat oorwinter en
deurgaan na die volgende seisoen.
Waar Bruinoor bosluis ‘n probleem was vanjaar
moet daar ‘n middel-winter dipping gedoen word
om die siklus te breek.
2) Minerale & Vitamiene: Inspuitbare aanvulling
van MULTIMIN +Se+Cu & VIT A+E is
nou uiters belangrik vir volhoubare kondisie,
vrugbaarheid en algemene gesondheid
aangesien min van bogenoemde uit natuurlike
weidings in die winter beskikbaar is.
3) Sponssiekte: Ons kry nou al meer gevalle
van die atipiese Sponssiekte onder kalwers
en volwasse diere. Gewone Sponssiekte
entstof alleen is nie meer effektief nie
aangesien dit slegs een stam Sponssiekte
bevat. ‘n Multi-klostridiale entstof (Covexin10,
Coglavax,One Shot Ultra ens.) moet vir
kalwers gegee word en met die eerste enting
is dit belangrik dat ‘n opvolg enting na 4-6
weke toegedien word. Volwasse beeste moet
jaarliks ook ge-ent word.
Botuthrax (Milt & lamsiekte) word gelyktydig
toegedien.
4) Respirivax (TRIANGLE 4 + PH-K): Spuit
voor die winter vir Pasteurella en ander long
toestande alle dragtige diere 6-8 weke voor
hulle kalf. Die inenting wat insluit BVD, IBR
en Pasteurella beskerm die ma, maar ook die
pasgebore kalf teen al die boonste
respiratoriese lugwegsiektes.
5) Haarwurm: Gebruik nou ‘n middel met
nawerking wat die skaap sal skoon hou tot
in die winter. Maak eers die skaap skoon met
‘n nou- spektrum kontak middel soos Unidose
of Levamizole. Dit maak alle parasiete in die
skaap dood en gee dan 10 dae later ‘n middel
met nawerking. Dit is baie belangrik om ’n mis
monster ontleding te doen met die dosering
van die kontak middel en weer op die 10 de
dag met die dosering van die 2 de middel
om te bepaal of die werking van die middel
nog voldoende is. Ons kry heelwat gevalle
waar middels nie meer werk nie dan moet die
nuwe middels soos Zolvix of Startec gebruik
word.
6) Stywesiekte: Heelwat gevalle kom voor. Dit
is net belangrik dat dit nie met Rooiwater
verwar moet word nie, aangesien Rooiwater
dringend behandeling nodig het om verliese te
voorkom.
7) Perdesiekte: Baie perde wat nie hiervoor geënt
was nie, vrek nou en die insident behoort af te
neem sodra die ryp gekom het, want die
muggies verminder dan stelselmatig. Waar
perde nie ingeënt was nie, kan dit help om
perde snags in die stal of op hoërliggende dele
te laat slaap waar die muggie minder volop is.
8) Bloutong: Kom nou in uitbrake deur die hele
land voor en honderde skape het reeds gevrek
as gevolg daarvan. Entstof is nou weer
beskikbaar en kuddes wat nie ge-ent was
nie moet nou ent aangesien die voorkoms van
Bloutong nog tot in Mei maand kan voortduur.
Onthou om hierdie jaar in die lente reeds te
begin ent. Die entstof was nie beskikbaar teen
die einde van die seisoen nie en ek sal
aanbeveel dat aankope van entstof nou reeds
gedoen word vir die lente om soortgelyke krisis
soos vanjaar met die tekorte te voorkom.
Neem kennis dat Bloutong inenting net die
eerste 6 weke van dragtigheid skadelik kan
wees. Die entstof kan enige tyd hierna met
redelike veiligheid gegee word.
Voorkomend kan ‘n vliegweer dipstof op die
skape gebruik word.
9) Hoender Pokke: Ons kry baie klagtes vanjaar.
Dit is ook ‘n insek oordraagbare virus en
kan beheer word deur alle hoeders ouer as 6
weke vroegtydig in te ent daarteen. Enting
moet verkieslik in die lente gedoen word.
Daar is 2 tipes van die siekte nl. “Droëe Pokke”
waar net die pote en bek aan die buitekant
aangetas word en is gewoonlik nie dodelik
nie en” Nat Pokke” waar die letsels binne die
bek in die keel en lugpyp voorkom en is feitlik
altyd dodelik.
Artikel deur DrJJKroon

KALF GROOTMAAK - Riglyne
Artikel deur Denkavit
D
ie basis vir ‘n hoogs produktiewe verskalf,
word vasgelê in die eerste paar maande
van haar lewe. Dit begin reeds voor die
kalf se geboorte. Die voeding t.o.v. ‘n swaar
dragtige koei, is ‘n bepalende faktor, rondom die
lewenskragtigheid van ‘n pasgebore kalf. Hierdie
artikel is veral gemik op rumenontwikkeling
gedurende die eerste drie maande van ‘n kalf se
lewe. Genetika, bestuur, behuising, gesondheid en
kondisie, speel ook ‘n groot rol in die grootmaak
proses van die kalf.
DOELWITTE VAN KALF GROOTMAAK
Optimale rumenontwikkeling is baie belangrik
t.o.v. die spysverteringstelsel. Die kwaliteit van
voer, asook die voedingstelsel, bepaal tydens die
eerste maande, in ‘n groot mate die groei van
die kalf tydens die grootmaak tydperk, asook die
kondisie en gewig by speen.
KALWERHOKKE
1. Goeie ventilasie is belangrik sodat ammoniak
en mis reuke nie teenwoordig moet wees nie.
2. Probeer om nie meer as 10 – 15 kalwers saam
in een hok te sit nie. Minder stres sal voorkom.
Dit maak ook die individuele waarneming van
kalfgesondheid makliker.
3. Beddegoed soos saagsels en skaafsels ens.
Moet gereeld vervang word sodat kalwers altyd
droog bly.
4. Maak seker dat vloere ‘n val het vir goeie
dreinering.
5. Moenie hoëdrukspuite gebruik om hokke
skoon te maak nie. Bakterieë en virusse
in mis word teen kalwers vasgespuit wat
siektetoestande kan vererger. Maak seker dat
‘n hok beskikbaar is, vir siek kalwers en weg
van ander hokke.
6. Kalwerhokke wat buite in son staan, moet
voldoende skaduwee hê. Proewe toon
20% beter groei teenoor kalwers met geen
skaduwee.
KALWERS
1. a. Na geboorte moet kalf se naelstring vir ten
minste die eerste 3 dae, met jodium
oplossing behandel word.
b. Inentings
BIESMELK BESTUUR
Die biesmelk (kolostrum) speel ‘n belangrike
rol in die opbou van die kalf se passiewe
immuniteit, veral die eerste kolostrum, wat ryk is in
immuniglobulines. Hierdie groot proteienmolukule
skep ‘n sekere vlak van beskerming teen siektes.
Dit is dus baie belangrik om die eerste biesmelk
van kalf se eie ma,(2 liter) binne twee ure na
geboorte te voer. Die biesmelk moet beperk word
tot 2 liter per voeding, omrede die melkpens
ongeveer 5% van liggaamsmassa is.
Die volgende tabel, toon die belangrikheid van
kolostrum inname na geboorte. Dit vergelyk as
volg:
Bies Varsmelk
Vet 2 x die van melk
Prot 4 x die van melk
IgG Prot 60 x die van melk
Laktose Dieselfde
Vitamiene 5 – 10 x die van melk
Energie 10% hoër as melk
VOEDING NA BIESMELK
Die produsent het ‘n keuse vir die gebruik van
varsmelk of ‘n melkvervanger. Die samestelling
van varsmelk kom tans vanaf hoogs produktiewe
diere (vetinhoud 35% droë basis), wat inname
van kragvoer vertraag. Melkvervanger is dan die
enigste keuse vir verdere grootmaak.
Goed geformuleerde melkvervanger is tans
ongeveer R1-00/liter goedkoper as die
produsenteprys van vars melk.

Artikel deur Denkavit
Indien melkvervanger gebruik word, moet na die
volgende gelet word:
1. Produk kwaliteit
a. Verteerbaarheid van voedingstowwe
b. Smaaklikheid
c. Hoë vlakke vitamiene, minerale en
spoorminerale
d. Moet buffer bevat om asidose te voorkom
e. Moet ‘n koksidiostaat bevat
2. Beskikbaarheid van produk
3. Tegniese bystand
4. Dienslewering
‘n Melkvervanger moet altyd in die korrekte
konsentrasie vermeng word d.w.s. 125g
melkvervanger gemeng tot 1 liter oplossing,
verskaf 12,5% vaste stowwe. Indien 125g
melkvervanger met 1 liter water gemeng word,
is die vaste stof inhoud 11,1 % in die oplossing.
M.a.w. hieruit sal u besef dat wanneer kalwers 4
liter, 6 liter of 8 liter voeding per dag kry, dit die
groeipotensiaal van hierdie jong kalwers kan
benadeel.
VOEDINGSBEHOEFTE
Wanneer ‘n melkvervanger gebruik word, is dit
belangrik om warm water teen ‘n temperatuur van
45 grade Celsius te gebruik vir vermenging. Die
poeier moet goed opgelos wees (geen klonte) wat
moontlik is, binne 1 tot 2 minute.
Die drinktemperatuur is tussen 38 tot 42 grade
Celsius, om die slukdermgroefrefleks te stimuleer
en te verhoed dat melk in die rumen beland, maar
wel in die melkpens. Drinktemperatuur van 38 tot
42 grade Celsius, is belangrik wanneer voeding
met ‘n emmer of deur ‘n drinkbak gegee word. As
speenvoeding toegepas word is die temperatuur
minder krities.
Maak seker dat voedingstye elke dag dieselfde is.
Proewe in Suid-Afrika, toon baie duidelik dat
voedings van 4 liter per dag, nie meer voldoende
is om kalf se genetiese/produksie potensiaal
(rumenontwikkeling) ten volle te kan ontwikkel nie.
Die gebruik van 6 tot 8 liter melkvervanger in
2 tot 3 voedings per dag, toon dat kalwers ‘n
baie beter massatoename het, met die hoër
voedingsvolume. Na kolostrum die eerste 3 dae,
word kalwers se melk gelydelik vermeerder, binne
die eerste 7 tot 10 dae, tot maksimum voeding.
Met goeie bestuur word die mortaliteite beperk tot
‘n absolute minimum.
Kragvoerinname tot op 12 – 14 weke, is ongeveer
35 kg. Inname van hooi, op ouderdom 12 – 14
weke, is ongeveer 10 – 12 kg.
Skoon drinkwater moet te alle tye beskikbaar
wees. Dit word deur die kalf benodig vir goeie
metabolisme, asook voedingstofopname wat lei
tot beter rumenontwikkeling.
SPEEN
Die beste riglyn om ‘n kalf te speen, is wanneer
die inname van kragvoer 1 – 1,2 kg/kalf/dag is,
vir 3 dae namekaar. Op hierdie ouderdom is die
rumen van die kalf ongeveer 60 % ontwikkel. Na
speen, is dit steeds van kardinale belang om
kalwers op ‘n gebalanseerde groeirantsoen te hou
en nie net weiding alleen, vir die daaropvolgende
3 maande, nie. ‘n Kalf het vetsure nodige vir
verdere rumenontwikkeling wat in groeirantsoene
voorkom.
SIEKTES
1. Dit word weereens beklemtoon dat voldoende
kolostrum inname die beste voorkoming is,
vir die meeste siektes (10% van liggaamsgewig
– 2 liter binne 2 ure na kalwing, die res binne
die eerste 8 ure na kalwing)
2. ‘n Belangrike punt om aan te raak, is
maagwerk (diaree). Indien dit nie
voorkomend of spoedig behandel word
nie, kan gewigsverlies en selfs vrektes, intree.
Bakterieë, parasitiese infeksies en virusse,
is in die meeste gevalle die hoofoorsake van
diaree, alhoewel voedingstegnieke ook ‘n groot
rol speel. Korrekte diagnose van die simptome
is baie belangrik. In gevalle waar kalwers
koors het, (temperatuur bo 39,3 grade) is mis
gewoonlik vlokkerig. In meer ernstige gevalle is
mis bloederig en slymerig.
Kalwers met diaree verloor liggaamsvog,
liggaamsoute (elektroliete) asook energie.
3. Dit is nie nodig om melkvoedings te
staak tydens elektroliet aanvullings nie. Dit
moet ongeveer 2 ure weg van voedingstye
gegee word.
As gevolg van die kalf grootmaak proses,
soos beskryf in hierdie artikel, bykomend tot ‘n
professionele benadering van bestuur, behuising
en gesondheidsorg, sal dit die gevolg wees van
‘n gesonde, goed ontwikkelde kalf met goeie
voeromset in verhouding tot melkproduksie.
Spesiale
Aanbod
Denkavit Gewoon
25 kg
R449.00
Denkavit Acid
25 kg
R440.00
* AANBOD GELDIG VANAF 29/03/2013
TOT 28/06/2013 SLEGS TERWYL
VOORRAAD HOU. BTW UITGESLUIT.

INTERNE PARASIETE van Beeste
Artikel deur Dr. Hanre Bredenham, Afrivet
P
roduksieverliese te danke aan interne
parasiete is al ombekend. Die wan persepsie
dat verliese slegs voorkom wanneer
kliniese tekens gesien word is verkeerd bewys
deur studies. Die studies het getoon dat ‘n lae
besmetting met Bruin maagwurm die eetlus van
die dier onderdruk het en sodoende 45-75%
vermindering in groei tot gevolg gehad het.
Behalwe vir die vermindering van voerinnames
veroorsaak die wurms ook ‘n proteïen tekort,
omdat dit die dermwand beskadig en proteïene
uitlek. Diarrieë kan ook voor kom weens die
dermwand skade. Die proteïen tekort wat
ontwikkel veroorsaak ‘n verlies aan spiermassa
en mag ‘n effek op die immuunsisteem ook
hê. Diere wat lae proteïenvlakke het kan nie ‘n
goeie immuun reaksie loods nie, wat beteken
dat inentings nie die verwagte uitwerking mag hê
nie, en dat die diere meer vatbaar kan wees vir
infeksies.
RONDEWURMS
Beeste ontwikkel vinniger immuniteit teen
rondewurms as skape.Juis hieroor is die beheer
van rondewurms gefokus op die kallers wat nog
geen immuniteit ontwikkel het nie. Dit is belangrik
om te onthou dat volwasse diere steeds besmet
kan raak en kan dien as bron van besmetting.
Beeste wat op weiding onder besproeiing loop
kan geweldige wurmbesmettings hê. Met die
uitsondering van Parafilaria (valskneusing) kom
die meeste rondewurms in die dermkanaal voor
en het ‘n direkte lewensiklus. Die besmetlike
larfstadium op die weiding word ingeneem en
beweeg dan na die gedeelte van die ingewande
(afhangende van die spesie) waar dit tot
volwassene ontwikkel, paar en begin eierslê, wat
weer deur die mis op die weiding beland. Die eiers
broei uit en die larfstadiums ontwikkel in die mis
tot die besmetlike stadium.
Die melklintwurm (Monieziaspp) van kalwers is ‘n
belangrike oorsaak van kalwers in swak kondisie.
Die kalwers word besmet met die lintwurms sodra
hulle begin wei, ‘n kleinmyt word ingeneem saam
met gras. Die myt bevat die lintwurmsist wat
vrygestel word sodra dit in kontak met derm kom.
Hier sal die lintwurm vasheg en aanhou groei.
Besmette kalwers kan uitgeken word aan hulle
boepense en swakhaarkleed, soms kan diarrieë
ook voorkom. Hierdie kalwers is gewoonlik swak
en hulle groei is belemmer.
LINTWURMS
Beheer van rondewurms en lintwurms in beeste.
Daar is voorheen geglo dat beeste by speen
tyd ontwurm moet word. Nuwe inligting toon
dat ontwurming voor speen meer effektief mag
wees, veral as speen na 2 maande gedoen word.
Doseer kalwers en dragtige koei vir lintwurms met
Eradiworm
1lt
R180.00
Eradiworm
5lt
R641.00
Eradiworm
10lt
R1149.00
Spesiale
Aanbod
Ecofluke Promo Pack
R1650.00
* AANBOD GELDIG VANAF 29/03/2013 TOT 28/06/2013 SLEGS
TERWYL VOORRAAD HOU. BTW UITGESLUIT.

Artikel deur Dr. Hanre Bredenham, Afrivet
‘n produk wat lintwurms dood maak of ‘n produk
wat beide ronde – en lintwurms dood maak.
Voorbeelde van so ‘n produk is Eradiworm
(Levamisool en Prasikwantel Reg no G3411 Wet
36). Melkkalwers moet elke twee maande ontwurm
word vanaf twee maande ouderdom af tot en met
speentyd. Dit is belangrik om mis op ‘n gereelde
basis uit die kampe te verwyder omdat dit ‘n
uitstekende medium is vir wurmlarwes om in te
oorleef. Wanneer diere dood gaan of geslag word
is dit ‘n goeie geleentheid om die wurm lading en
spesies te ondersoek. Mis eiertellings van lewende
diere kan gebruik word om die effektiwiteit van
doseer programme te evalueer.
SLAKWURMS
Hierdie groep sluit lewer slakspesies
(Fasciolaspp) en peervormige maagslakspesies
(Calicophoronspp) in. Die lewensiklus van die
twee spesies is soortgelyk: dit word oorgedra deur
vars waterslakke wat in vleie, damme en selfs
drink bakke voorkom. Die waterslakke stel die
serkarieë vry wat dan omgewings bestande siste
vorm wat op die water dryf en aangrasvaskleef.
Diere word besmet indien hulle water drink en
besmette gras vreet naby aan die water. Die
besmette vorms word vrygestel vanaf Februarie tot
April as die temperature begin wissel.
Die effek en beheer van lewerslak
Wanneer diere die metaserkarieë inneem,
ontwikkel dit na jong slakwurms wat deur
die ingewande migreer na die lewer toe. Dit
veroorsaak bloeding en die verlies van proteïene.
Sodra dit in die lewerkom, leef dit in die galbuise
en drink bloed. Effekte wat gesien kan word
is bloedarmoede, kwakkeel, en gewigsverlies.
Produktiwiteit neem geweldig af selfs sonder
dat kliniese tekens gesien kan word. Op plase
waar daar groot probleme is met lewerslak word
voorgestel dat Triclabendazole (Ecofluke – Reg
no G3383 Wet 36) gebruik word, omdat die
produk die onvolwasse en volwasselewerslakke
dood maak, dit verhoed dus die lewerskade
wat die onvolwasse slake aanrig. Dit word
aanbeveel dat dit vroeg winter (April) en weer
in die lentegebruik word (virtotalebeheer).
Middelswatklosantel (ClosecoReg no G3440 Wet
36), rafoxinide (Tramisol plus Reg no G1830 Wet
36) ,oxyclosanide (TramizanReg no G0809 Wet
36) en klorsulon (Animec Super Reg no G3909)
bevat sal slegs die volwasselewerslakke dood
maak, dit mag nodig wees om die behandeling te
herhaal verkieslik in Junie, Augustus en Januarie.
Laasgenoemde middels het die voordeel dat dit
rondewurms ook behandel.
Spesiale
Aanbod
Tovero
R99.00 per dosis
* AANBOD GELDIG VANAF
29/03/2013 TOT 28/06/2013 SLEGS
TERWYL VOORRAAD HOU.
BTW UITGESLUIT.

MAAGWERK EN ONTWATERING
by kalwers
Artikel deur Johannes Jansen - Four Lakes Importers & Exporters
lektrolietvoeding is belangrik vir rehidrasie
tydens maagwerk by kalwers. Ons hoor en Elees
baie oor die voorkoming van buikloop
(diarree) by kalwers. Ondanks goeie bestuur en
hygiëne, kry melkboere van tyd tot tyd steeds
te doen met buikloop onder kalfies. Alhoewel in
hierdie artikel melding gemaak word van diagnose
en behandeling, word raadpleging met ‘n veearts
ten sterkste aanbeveel om die beste behandeling
moontlik te verseker:
Eerstens moet onthou word dat, indien ‘n kalf se
mis nie gebind is nie en sodra dit begin met ‘n dik
en loperige diarree, sy dadelike voordeel sal trek
uit bykomende vloeistof en elektroliet. Die vlak van
ontwatering (dehidrasie) wat deur die buikloop
veroorsaak word, bepaal:
• hoeveel vloeistof en elektroliet die kalf benodig,
en
• hoe vinnig sy die vloeistof met elektroliet moet
ontvang (mondeliks of binne-aars).
Die vlak van rehidrasie by kalwers kan betroubaar
bepaal word op twee maniere:
1. Knyp die nekvel vas, trek dit op en los dit om te
bepaal in watter stadium van ontwatering die
kalf is. Die vel van ‘n gesonde kalf sal dadelik
terugval na die normale posisie in die nek.
Indien die vel vir twee tot drie sekondes in ‘n
“tent”-posisie bly staan, is die kalf redelik
ontwater, en vir 10 sekondes of meer is die kalf
ernstig ontwater.
2. Die ander metode om die vlak van ontwatering
te bepaal is ingesinkte oë in oogkaste. ‘n Kalf
wat redelik ontwater is se oogbal en ooglid is
ongeveer 2 tot 4 mm van mekaar geskei, en in
ernstige gevalle 8 tot 12 mm.
Die aanbevole dosis vir ‘n kalf wat normal
beweeg en kan staan met ‘n nekvel-“tentjie” van 3
sekondes, met 2 tot 4 mm oogbalterugsakking, is
‘n enkele behandeling van 2 liter elektroliet.
‘n Kalf wat nie kan staan nie, met ‘n nekvel-
“tentjie” van 5 sekondes of meer, en meer as
6 mm oogbalterugsakking, is ‘n kandidaat
vir binne-aarse behandeling (drip). ‘n Kalf in
hierdie gevorderde stadium van ontwatering
se ingewande sal die minimum elektroliet
opneem, in elk geval nie vinnig genoeg om al die
liggaamsfunksies te onderhou nie.
Die moeilike besluit is om te onderskei tussen die
twee uitsonderlike ontwateringsgevalle. Hou wel
in gedagte dat die toediening van elektroliet altyd
‘n goeie gedagte is, met die uitsondering van
kalwers wat nie meer self kan drink nie.
Opsommend, indien ‘n kalwers kan suig of kou,
kan hulle met veiligheid elektroliet inneem. Soos
wat die graad van ontwatering toeneem, so moet
elektrolietvoedings ook toeneem.
Spasiëer elektrolietvoedings twee uur uit mekaar
en moenie melk onttrek nie, aangesien kalfies die
voedingstowwe in melk benodig.
Gebruik maagwerk middels wat goeie elektroliete
en vitamines bevat, maar ‘n pektien en kaolien
aanvulling is net so belangrik. Dit is ook belangrik
dat hierdie middel by die kalf se melk gevoeg kan
word, aangesien die kalf die voedingstowwe in
melk benodig, ondanks die feit dat sy maagwerk
het. ElectroCalf beskik oor al hierdie bestandele
Kontak die skrywer gerus by:
johannes@fourlakes.co.za

KALF GROOTMAAK - Adfarm
Artikel deur Adfarm
DFARM CALF 10 konsentraat pak word
aanbeveel vir die meng van kalf voere van Adie
ouderdom 0-6 maande en bied unieke
Mikro en Makro minerale asook Vitamiene vir
optimale groei en gesondheid. Hierdie premix
pak bevat ook die nodige ionofore om groei en
voeromset te bevorder.
Die CALF 10 word gemeng as 1 – eenheid per
ton voer en word as ‘n kalf aanvangs voer vir die
eerste 6-maande gevoer. Goeie kruipvoer vir die
Herfs en Winter periode is van kardinale belang
om sodoende speenkalwers teen hoë gewigte
gereed te kry vir verkoop. Kruipvoer kan reeds by
koeie gegee word of selfs nog na speen aan ligte
kalwers totdat die gewenste bemarkings gewigte
bereik is. Hierdie CALF 10 mengsel bestaan uit
Geel Mielies/Chop, Koring semels, Soja oliekoek,
Lusern hooi, Voerkalk, Sout en die Calf 10 pak.
Kalwers groei die vinnigste tussen 60 – 120 dae
ouderdom en daarom is dit belangrik om die
nodige entings asook dosering vir Rondewurm en
Melk lintwurm te doen aangesien interne parasiete
‘n groot impak op hulle groeiprestasie sal hê. Die
samestelling van die mengsel het ‘n hoë proteïen
waarde wat ook sodoende vir groei baie belangrik
is.
Weens die baie goeie voeromsetting van jonger
kalwers is kruipvoer veral gedurende die tyd waar
hul ma’s beperkte voeding vir melkproduksie
en handhawing van liggaamskondisie inkry,
‘n baie winsgewende praktyk. Dit mag meer
wins genereer en help dat die kalwers nie meer
teruggehou hoef te word wanneer die natuurlike
veldweiding begin afneem nie. Hierdie het ook die
gevolg dat koeie ‘n redelike kondisie sal behou
om sodoende die moeiliker winter periode met
gewone onderhouds lekke kan deursien.
Raadpleeg steeds Nutrochem se span vir goeie
advies van geregistreerde Voedingkundiges tot
jou diens!
Spesiale
Aanbod
CALF 10
22 kg
Vra u verteenwoordiger
vir die spesiale prys
* AANBOD GELDIG VANAF 29/03/2013
TOT 28/06/2013 SLEGS TERWYL
VOORRAAD HOU. BTW UITGESLUIT.

TAURUS - Vleisbulgids voorraad
Artikel deur Taurus
unsmatige inseminasie by vleisbeeste bly
die beste manier om genetiese vordering te Kbespoedig
en geslagsiektes te voorkom, wat
lei tot maksimum wins vir die vleis beesboer.
Taurus is trots om die nuutste vleisbulgids aan
te bied met semen beskikbaar van 120 bulle uit
29 vleisrasse. Hierdie verskeidenheid verseker
beskikbaarheid van die beste bulle vir ‘n reeks
verskillende teel doelwitte. Met behulp van die
Telers Genootskappe en nuutste beskikbare
tegnologie is die beskikbare bulle in hierdie
vleisbulgids geselekteer uit die beste bulle in
die wêreld om aan die spesifieke vereistes van
die Suid-Afrikaanse vleis beesboer te voldoen.
Genomika is reeds met groot sukses in suiwel
rasse gebruik en word hierdie jaar vir die eerste
keer in vleisbulseleksie gebruik. Hierdie tegnologie
help met seleksie van die beste vleis bulle vir die
KI stasie, en gekombineerd met teelwaardes,
verbeter dit akkuraatheid van vaar seleksie.
Taurus is die enigste geregistreerde uitvoer
KI stasie in Suid-Afrika en gee die kliënt die
gemoedsrus om siekte-vrye, hoë kwaliteit
produkte te gebruik. Taurus het ook die
invoerregte vir Belgian Blue semen van België en
die beste Limousines van Frankryk. Al die groter
rasse het uitstekende nuwe bulle beskikbaar, wat
maklik die aandag van die top stoet telers sal trek.
Taurus, jou vennoot in genetiese vooruitgang.
Spesiale
Aanbod
Shaya
per dosis
R65.00
* AANBOD GELDIG VANAF 29/03/2013
TOT 28/06/2013 SLEGS TERWYL
VOORRAAD HOU. BTW UITGESLUIT.

Die gebruik van Mannan Suikers in kalwer voeding
Artikel deur Charles Moore BsC (hons) Veekunde
at is manan oligosaccharide (MOS)?
Mannan oligosaccharides (MOS) is Wglucomannan
proteine kompleks wat van
die sellwand van gis afkomstig is. Die aksie van
die kompleks is tweevoudig:
• Absorpsie van enteriese patogene.
• Immunomodulasie.
Hoe Bio-mos in diere produksie werk:
1. Absorbsie van enteriese patogene:
In werklikheid, gedra Bio-mos as ‘n decoy vir
enteriese patogene soos E.coli, Salmonella,
Clostridia, wat skadelik vir diere en hul
spysverteringskanaal kan wees.
Patogene poog om aan manaan-ryke suikers op
die epiteel laag te heg. As die bakterieë suksesvol
aan die epiteel laag heg, kan dit begin om te
vermeerder en die area koloniseer. Die bakterieë
gebruik voedingstowwe in die spysverteerings
kanaal om te groei. Hierdie patogene kan dan
siekte en dermkanaal beskadiging veroorsaak. As
die villi op die derm beskadig word, is daar minder
plek vir voedingstowwe om opgeneem te word
deur die dier.
Bio-mos bied die patogene ‘n alternatiewe
manan-suiker om aan te bind. As die patogeen
aan Bio-mos bind, kan hulle nie meer aan die
dermkanaal bind nie en word in die mis uitgeskei.
In vitro studies het ook al gewys dat E.coli wat al
reeds aan epiteel selle gebind is, deur Bio-mos
verplaas kan word binne 30 minute.
Die bakterieë wat in die mis uitgeskei is, word nog
steeds sterk deur Bio-mos gebind. Dit help om
herbesmetting te voorkom as die voëls mis eet.
2. Immun modulasie:
Bio-mos help die dier se immuunsisteem om
teenliggaampies vir die spesifieke patogene te
produseer.
So kan die ligaan se eie immuunsisteem hom teen
bakterieë verdedig.
Dit is belangrik om te onthou dat Bio-mos die voël
se immuunsisteem moduleer en nie stimuleer nie.
Bio-mos word met groot sukses in aanvangs-
en groei ransoene gebruik. In die melk of melk
vervanger kan All-boost gebruik word wat Biomos
bevat.
Spesiale
Aanbod
Mycosorb
p/kg
R39.00
All Boost
5kg
R399.00
* AANBOD GELDIG VANAF 29/03/2013
TOT 28/06/2013 SLEGS TERWYL
VOORRAAD HOU. BTW UITGESLUIT.

DIARREE in kalwers
Artikel deur Pieter Conradie & Dr. Willem Schultheiss, Ceva
WAT IS DIE OMVANG VAN DIE PROBLEEM?
Die voorkoming en bestuur van kalf diarree
word wêreldwyd beskou as een van die groot
uitdagings in beide vleisbees en suiwel kuddes.
Een derde van Amerikaanse vleisbees kuddes
reken dat kalf diarree ‘n ekonomiese negatiewe
impak op hulle winsgewendheid het terwyl
melkprodusente in Amerika reken dat diarree vir
meer as 50% van hulle verliese van ongespeende
verse verantwoordelik is 1,2 .
WAT VEROORSAAK KALF DIARREE?
Diarree in kalwers jonger as 30 dae kan toegeskryf
word aan een van die volgende hoofredes:
Voeding: Voedingsverwante diarree word
veroorsaak deur ‘n verandering in die
voedingsprogram en/of spanning en die volgende
punte is van belang:
• Temperatuur fluktuasie van melk of
melkvervanger (Ideaal 38 – 40 0C)
• Kwaliteit (gebruik die beste kwaliteit
beskikbaar) en konsentrasie (verhouding van
water tot melkvervanger)
• Toerusting soos emmers, spene, bottels,
outomatiese voedingsstasies ens moet
effektief wees en higiënies hanteer word.
• Frekwensie (aantal voedings per 24h) en
hoeveelheid (4-6l/24h) melk met water inname
direk na melkvoeding wat die stollingsvermoë
in die melkpens belemmer.
• Behuising – Indien kalf behuising nie
voldoende beskerming teen uitermatige
weerstoestande verleen nie veroorsaak dit
varierende melk inname en spanning.
Dit is belangrik dat daar ‘n duidelike protokol
opgestel word wat die personeel verstaan en dit
moet konsekwent nagevolg word. Aandag aan
detail verminder spanning en verseker gesonde
kalwers wat volgens hulle potensiaal kan groei.
Patogenies: Patogene (‘n siekte veroorsakende
agent soos ‘n virus, bakterium, of fungus) kan die
kalf besmet via die lugweë, spysverteringskanaal,
wonde, slymvliese (oog-), naelstring,
gekontamineerde naalde of insekte.
Bakterieë produseer toksiene wat die villi en
slymvliese van die laer spysverteringskanaal
beskadig en kan skielike dood veroorsaak, soos
die geval met Clostridium perfringes A se alfa
toksiene, of permanente skade veroorsaak.
Virusse beskadig die villi selle wat veroorsaak dat
voedingstowwe en water nie opgeneem kan word
nie. Virus infeksies maak die kalf dus meer vatbaar
vir sekondêre bakteriële infeksies.
Dit is dus belangrik om te verseker die kalf se
immuniteit is maksimaal. Deur die patogene lading
te verminder help jy om te verseker dat die kalf
se oorlewingsvermoë realiseer ten einde optimale
produksie te bewerkstellig later in haar lewe.
WAT IS DIE SIMPTOME VAN
SPYSVERTERINGSKANAAL VERSTEURINGS?
Die verskil tussen die oorsaak van diarree kan as
volg geklassifiseer word:
Nie Aansteeklik:
• Gewoonlik sagte, los wit-geel-kleurige mis
• Verlies in aptyt (Swak suig reaksie, drink nie
volle kwota melk nie)
• Gewigsverlies
• Depressief en swak
• Tekens van dehidrasie en asidose
Aansteeklik:
• Erge waterige helderkleurige geel tot wit mis
• Bloederige /bruinkleurige mis is gewoonlik
aanduiding van Salmonella spp.
• Bloederige slymagtige mis is gewoonlik die
oorsaak van Koksidiose
• Mis het onaangename skerp reuk
• Gewigsverlies
• Depressief en swak
• Hoë koors (>40.5 0 C. Normale temperatuur
van kalf met geboorte is 38.5 – 40.5 0C)
• Onreëlmatige en swak pols (Kalwers onder 1
maand ouderdom se hartklop moet tussen 100
– 130 wees per minuut)
• Vinnige dehidrasie en tekens van asidose
In beide nie-aansteeklike en aansteeklike gevalle
van diarree is dit krities belangrik om die oorsaak
so vinnig moontlik te diagnoseer en die korrekte
behandeling vroegtydig toe te pas ten einde te
voorkom dat die kalf dehidreer.
WAT IS DIE GEVOLGE VAN KALF DIARREE?
Tydens diarree is daar basies ‘n versteuring van
drie belangrike sisteme in die kalf se liggaam.
Die eerste is ‘n abnormale verlies van vog uit
die liggaam wat aanleiding gee tot dehidrasie.
Tweedens is daar ‘n oormatige verhoging van suur
in die liggaamsweefsel beter bekend as asidose
en derdens ‘n lae bloedsuikervlak (tekort aan
energie) ook bekend as hipoglisemie. Die kort
en lank van kalwer diarree is dat die kalf eintlik
doodgaan van honger omdat daar nie voldoende
vog beskikbaar is nie en die voedingstowwe nie
geabsorbeer kan word nie.
Kalwers met erge dehidrasie het binne-aarse
vloeistof nodig. Kontak u veearts vir die korrekte
behandeling!
HOE KAN DIARREE BEHANDEL WORD?
Verskaf ‘n goed gebalanseerde Orale Rehidrasie
Terapie (ORT) middel saam met melk. Die
natuurlike voedingsbron van die ongespeende
kalf is melk en dit word ten sterkste aanbeveel
dat melk nie onttrek moet word tydens diarree
nie6,7,8,9,10. Kalwers benodig voldoende
proteïen en energie (koolhidraat en vette) ten
einde liggaamsmassa te handhaaf en te groei.
Tydens diarree/siekte is daar ‘n addisionele
behoefte aan energie om die immuun sisteem
te ondersteun11. Laktose (melksuiker) is die
koolhidraat wat die beste benut word deur die
kalf vanweë die hoë verteerbaarheid daarvan.
Melk bevat voldoende laktose om gewigsverlies
by kalwers met diarree te voorkom. ‘n Wanbalans
tussen glukose en galaktose kan ook aanleiding
gee tot verdere osmotiese diarree, verhoogde
groei van bakterie in die dikderm en glukose
kan ook inmeng met die stolling van melk in die
melkpens voorkom.
Die voordele van melkvoeding tydens diarree is
as volg:
• Kalwers met diarree kan steeds melk verteer
• Melk voeding verseker die teenwoordigheid
van die ensiem, laktase wat nodig is om melk
te verteer.
• Melk verlaag die melkpens pH wat oormatige
groei van bakterieë voorkom
• Melk is smaaklik, verteerbaar en hoog in
energie.
• Melk help om die dermwand te genees
Tydens diarree is daar ‘n verlies aan vog uit die
liggaam vinniger as wat dit aangevul word. In
die proses gaan daar ook minerale soos natrium
(Na+), kalium (K+) en chloried (Cl-) verlore.
Minerale soos Na+ speel ‘n belangrike rol in die
aktiewe vervoer van water en glukose vanaf die
dermkanaal na die bloedvate om dehidrase te
voorkom. Kalsium (Ca+) speel ‘n belangrike rol
in spier funksie soos in die geval van die hartklop
(stadiger bloed vloei). Dit is dus belangrik dat die
ORT produk voldoende hoeveelhede Na+, K+,
en Cl- bevat.
As gevolg van ‘n verlies in bikarbonaat
(buffer) en die opbou van asynsuur in die
spysverteringskanaal word die pH verlaag
en asidose ontstaan. Die ORT moet dus die
nodige buffer bevat om die asidose reg te stel
sonder dat dit inmeng met die stolling van melk

Artikel deur Pieter Conradie & Dr. Willem Schultheiss, Ceva
in die abomasum. Bikarbonaat gebaseerde
ORT produkte belemmer nie alleen die normale
stollingproses van melk in die abomasum nie
maar verhoog ook die pH tot vlakke waar verdere
bakteriese groei kan plaasvind12,13. Asetaat,
diasetaat en formaat is merkbaar beter buffers as
bikarbonaat en sitraat11.
Die gebruik van antibiotika tydens diarree
moet verkieslik deur ‘n veearts ondersoek en
aanbeveel word aangesien die onnodige of
onoordeelkundige gebruik van antibiotika nie
alleen die mikroflora van die spysverteringskanaal
belemmer nie maar ook kan aanleiding gee tot
weerstand14.
HOE KAN DIE PROBLEEM BESTUUR WORD?
Die voorkoming van kalf diarree is gesetel in
‘n weldeurdagte entprogram van die koeie en
die suksesvolle aanwending van kolostrum om
passiewe immuniteit oor te dra. Kolostrum bestuur
is die mees belangrike bestuursfaktor wat kalwer
gesondheid en oorlewingsvermoë bepaal15.
Indien u nie ‘n entprogram vir u kudde het nie
kontak gerus u veearts of Pieter Conradie by 079
8844 950 om u by te staan.
Rehydion gel® (Reg No:V 18954 Wet36/1947
Ceva Animal Health) is ‘n innoverende orale
rehidrasie terapie produk wat by melk gevoeg
kan word. Dit waarborg vinnige stolling van melk,
korrigeer asidose, herstel die elektroliet wanbalans
en verskaf addisionele energie en verseker dat
die kalf aanhou groei ten spyte van diarree. Die
produk is baie smaaklik en meng maklik met melk
terwyl die houer se ontwerp presies en korrekte
aanwending verseker. In vleisbees kalwers kan die
produk skoon ingegee word en die kalf dan terug
gestuur word om aan sy ma te suip.
Nutrochem Betrokkenheid
Artikel deur Hercules Barnardt, Nutrochem
NUTROCHEM SE BETROKKENHEID BY
MPO LIMPOPO ROETEVERGADERINGS
it was weereens ‘n groot voorreg vir
Nutrochem om weer betrokke te wees Dvan
die MPO Limpopo Noordstreek en
Waterberg streek se roetevergaderings wat gehou
was op 12 en 13 Februarie onderskeidelik Thatch
Palace in Polokwane en Klein Paradys net buite
Nylstroom.
Al twee dae het ‘n redelike goeie opkoms gelewer
veral as mens in gedagte hou dat daar slegs ‘n
handjievol melkprodusente in Limpopo oor is.
Gasspreekers by die geleentheid was
onderskeidelik Kenith Botha van Nutrigenomics
en Klasie Hodgson van De Heus. Dr Sello van
Elanco het ook meer lig oor die onderwerp BST
gesit en veral uitgebrei oor die veilige gebruik van
Lactotropen in kudde.
Bertus Jong van Mpo het selfs van die boere laat
regop sit met die terugvoering wat hy verkry het
vanaf die regering en hulp aan boere. Soos hy
dit gestel het “manne ons is op ons eie en moet
vir ons selfsorg” Verder het hy ook dit duidelik
gemaak dat die MPO sal aanhou veg vir die
invoerpariteit op melk wat vanaf die buiteland
ingevoer word.
Dr Koos het weer soos gewoonlik meer lig op
die onderwerp gehad oor die onsekerheid van
toekoms van melkboere in SA, maar lig aan die
tonnel is dat daar tog ‘n toename in aanvraag op
melk is.
Die vergadering of eerder inligtings dag is verdaag
met gelukkige trekkings en verversings na die tyd.
Mnr. Jan Hendrik Jackobs.
MPO voorsitter Limpopo Waterbergstreek.
IN VOLGENDE VEEKRAAL
AFGRI DIEREGESONDHEID TAKOPLEIDING
9, 10 & 11 April
BANKE BOEREVERENIGING
7 Mei
Hou die
volgende
Veekraal
dop vir:
AFGRI DIEREGESONDHEID TAKOPLEIDING
27, 28 & 29 Mei
MPO ROETEVERGADERING
Bronkhorstspruit te Oudewerf Onthaalsentrum
10 April om 10h00
MPO ROETEVERGADERING
Heidelberg “Steak Masters Restaurant
11 April om 10h00
MPO ROETEVERGADERING
Krugersdorp/Magaliesburg/Randfontein area
11 April om 14h00

Nutrochem Betrokkenheid
Artikel deur Johan Herholdt, Nutrochem
D
ie NWKV Mpumalanga se jaarvergadering
het op 5 Feb. 2013 plaasgevind en is gehou
by die Ermelo Skougronde in die KWB
saal. Ongeveer 85 persone het die vergadering
bygewoon, ons was in die bevoorregte posisie
om twee Hoërskole te kon welkom heet by ons
vergadering nl.; Hoërskool Ermelo en Morgenzon
Landbouskool asook Landbouweekblad en die
Veeplaas.
Johannes Klopper het die vergadering geopen
en almal teenwoordig welkom geheet. Verskeie
sprekers onder andere C.T. du Plessis-Voermol,
Jaco Delport-Pfizer, Phillip Leonard-BioBooster, Dr.
Daan Goosen-Letaba Veterinary Practice en Louis
de Beer van Cape Wools het opgetree en ons
almal aan hulle lippe gehad met die interessante
praatjies wat hulle gelewer het. Ons was ook
bevoorreg om vir Leon de Beer van NWKV PE aan
die woord te kon stel en hy het verslag gelewer
van die Nasionale Kongres en die pad vorentoe.
Johannes Klopper het deur middel van ’n
skyfieprogram aan almal teenwoordig gewys
hoe lyk die Mpumalanga kantoor en wie Jacques
en Elize is. Hy het ook genoem dat die kantoor
oor ’n wolwinkel en museum beskik en almal
hartlik uitgenooi vir ’n koppie koffie. Verder het
hy ook genoem dat die kantoor beplan om in
die toekoms ’n diens aan die boer te lewer deur
weekliks al die maatskappy en besighede te
skakel en die beste pryse vir produkte van daardie
week te bekom. Die boer kan dan die kantoor
skakel om byvoorbeeld te hoor waar is draad of
bloutong entstof ens., die goedkoopste, hierdeur
spaar die boer baie tyd want hy het nie nodig om
self eers almal te skakel nie. Johannes het ook
aan die vergadering genoem dat die Wolboer ‘n
“facelift” gekry het en dat daar van nou af elke
tweede maand ’n boekie gaan uitkom en dat
daar ook ’n elektroniese nuusbrief die lig gaan
sien. Hy het ook genoem dat die NWKV in die
proses is om moontlik van naam te verander en
dat dit by die volgende Nasionale Kongres finaal
besluit sal word. Johannes het ook die kantoor
personeel asook sy bestuur bedank vir al hulle
werk en bystand, hy het ook NWKV PE se kantoor
personeel en die bestuur bedank vir hulle werk en
bystand.
Koos Davel van die RPO het verslag gelewer van
hulle werksaamhede en gevra dat die NWKV en
RPO ernstig daaraan moet begin dink om op een
wa te klim deur te begin om saam vergaderings
te hou.
Michael du Plessis van Eerste Nasionale
Bank het die oorhandiging gedoen van die
Besgeklasseerde skeersel sertifikate, sertifikate is
oorhandig aan Hanno Botha 1 ste , Sarge Brits 2 de
en Adam Theron 3 de .
NWKV Kongres en Skeerkampioenskappe 5 & 6 Feb. 2013
Richard Haupt van BKB is as Skaappersoon van
die Jaar aangewys en Johannes Klopper het ’n
trofee aan hom oorhandig. Richard het na jare
by BKB besluit om die skape te verruil vir voer, hy
gaan vir Lampbrecht Veevoere werk.
Verkiesing van Nuwe bestuur het plaasgevind en
Machiel Odendaal is as Voorsitter verkies en Japie
Celliers as Vise-Voorsitter. Machiel Odendaal het
namens die NWKV al die borge bedank nl.; Pfizer,
Voermol, Eerste Nasionale Bank en Landbank, hy
het ook vir Johannes bedank vir al sy harde werk
in die tyd wat hy voorsitter was en genoem dat
ons dalk nog baie op sy knoppie gaan druk. ‘n
Afskeidsgeskenk is aan Johannes oorhandig.
Die vergadering het verdaag vir middagete en
daarna het die Provinsiale Skeerkampioenskappe
begin. Dinsdagmiddag is die masjien beginners
die kans gebied om te wys wat in hulle steek. 7
Skeerders van BKB het teen mekaar gekompeteer
en Justice Tsoyi het stof in die ander se oë
geskop. Fickson Iliwe was 2 de , Jackson Djass 3 de
en Filemon Tshuku 4 de . Woensdag 6 Feb. 2013
het groot opgewondenheid geheers onder die
skeerders. Altesaam 22 Masjien skeerders en 8
Handskeerders het ingeskryf (23 BKB, 5 CMW
en 2 NWKV). Wenners as volg: MP Handskeer
1 ste – Shot Mtatane, 2 de – Robert Ngoenya, 3 de
– Springbok Bonelwa en 4 de – Joakopo Bolom,
Shot Mtatane het ook die prys gekry vir die beste
kwaliteit. MP Masjienskeer 1 st – John Mputana,
2 de - Klemboy Mthembo , 3 de – Elliot Njwanyo,
4 de – Waneboy Khopiso, Klemboy Mthembo het
die prys gekry vir beste kwaliteit. Ope Finaal 1 st -
John Mputana, 2 de – Themba Khosa, 3 de – Andries
Nkahle, 4 de – Klemboy Mthembo. Hoërskool
Middelburg se landbouleerders het tydens die
kampioenskappe gehelp as tydhouers en van die
leerders het gesorg dat die regte aantal skape in
die krale was.
Nutrochem BK was ook betrokke met ‘n
uitstalling van hulle reeks produkte van Infotag
oorplaatjies, Tatoeer tange, Prikstokke, en vele
meer instrumente asook die reeks Veemedisyne.
Belangstelling was groot op die produkreeks en
die Adfarm mineraalpakke het almal geprikkel.
NWKV Ermelo wil sy dank uitspreek teenoor een
en almal wat gehelp het om van die Kongres en
die Skeerkampioenskappe ’n sukses te maak,
ons waardeer die opreg. Ons beoog om die
Skeerkampioenskappe ’n jaarlikse instelling te
maak.

Nutrochem Betrokkenheid
Artikels deur Johan Herholdt, Nutrochem
NUTROCHEM SE BETROKKENHEID BY
VOLKSRUST LANDBOUFEES
ie jaarlikse Landboufees op Volksrust
het op 28 Februarie weer hulle Jeugskou Daangebied
en was ‘n voorreg om aan te
kondig dat die Volksrust Landboufees as een van
die 3 kwalifiserende skoue getel word om vir die
Nasionale span te kwalifiseer. Meer as 6 van die
omliggende skole het deelgeneem.
Die skou is by die perseel van die Boerevereniging
aangebied en is baie geskik vir hierdie doel om so
‘n skou van hoogstaande gehalte te kon aanbied.
Vir die Volksrust Boerevereniging en die
gemeenskap is dit ‘n saak wat baie na aan
die hart lê nl. die toenemende deelname
en belangstelling van die jeug aan landbou
aktiwiteite. Die wenners van die eerste 3 plekke
het elkeen sertifikate ontvang en elke deelnemer
aan die skou het ook ‘n geskenkpakkie ontvang.
Daar was ook verskeie uitstallers nl. Veemedisyne,
Voermaatskappye, Motors, Stoet uitstallers
van verskeie Vleis- en Skaap rasse betrokke.
Nutrochem het ook deel uitgemaak van die
Afgri uitstalling en het Antrovet en Novartis
verteenwoordig met die reeks Brandysters,
instrumente, Infotag oorplaatjies en Veemedisyne.
Die teenwoordigheid van die hele gemeenskap
was opsigtelik goed en die belangstelling by die
stalletjies het die geesdrif geprikkel om net te
koop. Navrae oor produkte was goed en het dit
vir almal die moeitewerd gemaak om so ‘n dag te
kon bywoon!
NUTROCHEM SE BETROKKENHEID BY
WONDERFONTEIN BOERE-AAND
W
onderfontein Boerevereniging hou elke
maand hulle vergadering en dit was
Nutrochem se voorreg om die 26ste
Februarie hulle te kon borg met een van hulle
insetverskaffers nl. Afrivet.
Dr. Hanre Brendenkamp, Afrivet se Tegniese
Bestuurder vir Grootvee het die Boere behoorlik
geprikkel met die aanbieding van die Plan- A van
Skape. Hierdie fantastiese en vereenvoudigde
bestuursprogram is ongelooflik gewild by
Skaapboere omdat dit die bestuurspraktyke van
ramme en ooie van teling, algemene gesondheid
en voeding behels.
Die boere het die aanbieding baie geniet en vir
Hanre uitgenooi om gou weer te kom kuier. Die
praktiese voorstelling was besonders en maklik
uitvoerbaar aangesien die hele program skematies
voorgestel en verduidelik word en kan enige leek
daarby baat vind. Die skaap bestuursprogram is
op Afrivet se webblad beskikbaar of kan as “hard
copy” verkry word by enige van Nutrochem se
verteenwoordigers.
Die aand is afgesluit met Afgri Graan se
bemarkers en daarna is daar ‘n vleisie gebraai en
gekuier.
Nutrochem Betrokkenheid
Artikel deur Broer de Preez, Alzu
NUTROCHEM SE BETROKKENHEID BY
ALZU KUILVOER SUIWEL
INLIGTINGSDAG
A
LZU Voere het op 28 Februarie weereens
‘n baie suksesvolle inligtingsdag aangebied
by hulle voeremeule te Kwaggafontein,
Middelburg. ‘n Groot aantal boere van Gauteng
en Mpumalanga het die bygewoon. Colleen
Engelbrecht het namens ALZU gepraat oor
die korrekte aanwending van suiwel saam met
kuilvoer, Richardt Venter van Vitam Intl het gepraat
oor die maak van goeie kuilvoer en dr. Neil Fourie,
van Middelburg Dierehospitaal, het oor Rooiwater
gepraat.
Colleen Engelbrecht het die belangrikheid
van snytyd van mielies tydens die kuilproses
belkemtoon om die beste opbrengs en kwaliteit te
kry. Sy het ook klem gelê op die noodsaaklikheid
van noue samewerking tussen die boer en sy
veevoer maatskappy. Kuilvoer en hooi moet
gereeld ontleed word om die korrekte aanbeveling
vir optimale melkproduksie te doen. By ALZU
word die boer se doel en verwagting bepaal en
dan word daar saam ‘n beplanning gedoen. ‘n
Spesifiek gerigte aanbeveling word gedoen en
ALZU streef daarna om ‘n langtermyn verbintenis
met sy kliënte te hê. Om beter kwaliteit te verseker
het ALZU ook nou ‘n NIR skanderings toestel op
perseel om voorlopige ontledings vinniger te doe
nom sodoende ‘n beter diens aan sy kliënte te
lewer.
Richardt Venter – Die kuilproses het drie baie
belangrike beginsels nl. kry lug uit, hou lug en
water uit en beheer pH daling. Die snyhoogte
van mielies het ‘n direkte het ‘n invloed op
melkproduksie. ‘n Snyhoogte van 450mm het ‘n
verbetering van 157 kg melk per ton kuilvoer bo
‘n snyhoogte van 150mm. Hy het ook beklemtoon
dat bunkers behoorlik droog gemaak word en alle
ou material verwyder word voordat nuwe kuilvoer
Sakkie Roux, Deon van Rensburg en Colleen Engelbrecht
gemaak word. Die uithaal van kuilvoer is net so
belangrik. Haal genoeg uit vir direkte gebruik en
moet nie te veel kuilvoer losmaak nie. Maak ook
weer die gat toe met seile.
Dr. Neil Fourie het gepraat oor Rooiwater wat baie
verliese elke jaar veroorsaak. Daar moet onderskei
word tussen Afrika Rooiwater (Babesia bigemina)
en Asiatiese of Europese Rooiwater (Babesia
bovis). Albei is bosluis oordraagbare siektes. Met
Afrika Rooiwater is daar gewoonlik tyd om die
dier te behandel teenoor Asiatiese Rooiwater, wat
baie vinnig is. Dit is meestal te laat om enigsinds
die dier se lewe te red. Dr Neil waarsku dat daar
weerstand teen verskeie dipmiddels is. Hy het
ook uitgebrei oor immuniteit en behandeling teen
Rooiwater en tot die slotsom gekom dat die beste
vorkoming inenting teen Rooiwater is. Hy het
aanbeveel dat ‘n program saam my die boer se
veearts beplan word.
Pieter du Plessis, Broer du Preez, Dr Neil Fourie, Richardt
Venter, Sakkie Roux

Werknemer van die jaar: Barnie Cloete
Verteenwoordiger van die jaar: Albertyn Greyling
Verkoopsverteenwoordiger van die jaar: Hercules Barnardt
Beste Adfarm verkope van die jaar: Louis von Bratt
nutrochem
sê baie geluk
Nuwe verteenwoordiger: Charl de Jager
Charl de Jager
Verteenwoordiger
Gauteng en Noordwes
E-pos: charl@nutrochem.co.za
Cell: 071 608 8714
Baie
welkom!
nutrochem
span tot u diens
Kantoor: Chris Hani straat 60, Bethal, 2310
Email: pieter@nutrochem.co.za
Tel: 017 647 2779
Faks: 086 530 0828
Web: www.nutrochem.co.za
Pieter du Plesssis
Algemene Bestuurder
E-pos: pieter@nutrochem.co.za
Cell: 082 7752970
Johan Herholdt
Verkoopsbestuurder
Mpumalanga, Vrystaat en Noord – Natal
E-pos: johan@nutrochem.co.za
Cell: 082 378 3334
Hercules Barnardt
Verkoopsbestuurder
Limpopo, Gauteng en Noord-wes
E-pos: hercules@nutrochem.co.za
Cell: 073 286 3267
Albertyn Greyling
Verteenwoordiger
Mpumalanga en Vrystaat
E-pos: albertyn@nutrochem.co.za
Cell: 072 291 5574
Johan Engelbrecht
Verteenwoordiger
Limpopo
E-pos: johan.engelbrecht@nutrochem.co.za
Cell: 083 270 9841
Charl de Jager
Verteenwoordiger
Gauteng en Noordwes
E-pos: charl@nutrochem.co.za
Cell: 071 608 8714
Nutrochem Agente
Pribio Dieregesondheid Bk (Vrystaat)
Flip Prinsloo - 082 335 1413
Better Breeding (Noordwes & Gauteng)
Trevor Colby - 082 449 6841
NoordWes Agri (Noordwes)
Gerrie Bester - 083 751 1815
Phillip Badenhorst - 082 569 8854
Catherine Scutte
Persoonlike assistent vir Algemene Bestuurder
E-pos: catherine@nutrochem.co.za
Tel: 017 647 2779
Natasha Cloete
Retail
E-pos: retail@nutrochem.co.za
Tel: 017 647 2779
Monja Troskie
Debiteure
E-pos: monja@nutrochem.co.za
Tel: 017 647 2779
Norma du Plessis
Debiteure
E-pos: norma@nutrochem.co.za
Tel: 017 647 2779
Louis Von Bratt
Verteenwoordiger
Mpumalanga
E-pos: louis@nutrochem.co.za
Cell: 071 874 4430
Barnie Cloete
Aankope en Logistieke Bestuurder
E-pos: barnie@nutrochem.co.za
Tel: 017 647 2779

www.nutrochem.co.za