n regsvergelykende studie van die minimum prosedurele vereistes

werknemers is. ʼn Algemene “veiligheidsnet” is noodsaaklik en moet beskerming bied vir
werknemers, maar ook vir persone wat buite die diensverhouding dienste verrig. 330
Verskeie ontleders is van mening dat streng prosedures voor ontslag onnodig is en is
teenstanders van ʼn stelsel waarin administratiewe toestemming vir ontslag in veral
kleiner sakeondernemings gegee moet word. 331 Hierdie ontleders huldig die mening dat
die magte van bestuurders gestroop word en dat dit die totale produktiwiteit van die
ekonomie benadeel. 332
Die OECD bevind ook dat die rigiede en oormatige regulering van diensbeëindiging wel
ʼn struikelblok vir die bevordering van indiensneming kan wees. Dit het veral ʼn groot
invloed op die indiensneming van ongeskoolde en lae koste arbeiders. Die OECD voer
aan dat groot besighede uit vrees vir die koste van ontslag, minder personeel of geen
nuwe personeel sal aanstel nie. Die onmiddellike gevaar is dat die huidige arbeiders in
die werk kan stagneer of nie verder ʼn behoefte aan ontwikkeling het nie wat tot gevolg
het dat produktiwiteit in die besigheid selfs verder kan daal. Dit laat die omliggende
gemeenskap met moontlike langtermyn werkloosheid of afhanklik van tydelike
aanstellings. Die OECD waarsku dat veral vrouens en gestremdes in hierdie
omstandighede aan die kortste ent sal trek. Die uiteinde is dat mededinging in die mark
sal afneem en dat indiensneming kan stagneer. 333
Die Digest berig verder dat markontleders maan dat mededinging moet verhoog om
werkloosheid te laat daal. Die vraag wat gevra moet word is of reëls en regulasies oor
diensbeëindiging enige rol in die mededinging van besighede speel. 334 Die OECD het
bevind dat maatreëls om werksekuriteit te bewerkstellig ʼn invloed op die dinamika en
samestelling van die arbeidsmag het, maar dat die invloed van reëls en regulasies oor
330
Ichino 1998:300.
331
Hesselink en Van Vuuren 1999:274-276.
332
Belle 2000:17.
333
Organisation for Economic Co-operation and Development 1998:82-89,
http://www.oecd.org/document/21/0,3343,en_2649_33927_31685717_1_1_1_1,00.html (besoek op 15
Augustus 2008).
334
Belle 2000:11.
semper et unicus optimus
76