Preview - Laerskool Rooihuiskraal

A.1 DIE VISIE EN MISSIE VAN DIE LAERSKOOL ROOIHUISKRAAL
VISIE:
Om deur toegewyde kwaliteit Moedertaal onderrig leerders toe te rus om:
intellektueel, moreel, geestelik en fisies as selfgedissiplineerde, gebalanseerde
Rooimiere die volgende stap in hul ontwikkeling te kan aandurf;
as kreatiewe denkers met selfstandigheid en waagmoed verantwoordelike
burgers van Suid-Afrika te word.
MISSIE:
Ons strewe na ‘n Rooimier wat:
die Hemelse Vader (bo alles) ken en hoë Christelike – Nasionale waardes
handhaaf;
trots is op sy/haar skool met al sy tradisies en gebruike;
gebalanseerd betrokke is en tot sy potensiaal presteer;
‘n netjiese, gedissiplineerde en hoflike leerling wat verantwoordelik en
gemotiveerd is;
volkome toegerus word vir die lewe daar buite en die geweldige eise van die
toekoms;
Ons strewe na ‘n Personeellid wat:
gereeld die knie buig voor sy/haar Verlosser;
sy/haar Godgegewe talent en gawes aanwend in die strewe om ons doelwitte
te verwesenlik;
bereid is om die belange van leerlinge voor eie belang te stel;
kollegiale lojaliteit betoon;
tuis sal voel in ons span;
‘n lewenslange leerder sal wees.
Ons strewe na ‘n Ouer wat:
alles vir sy/haar kind se opvoeding offer en Christelike waardes hoog ag
gebalanseerd betrokke is by die skool en positief belangstel en ondersteun
‘n lojale en stewige vennoot sal wees
volle beheer en kontrole oor hulle kinders sal hê.
Ons strewe na ‘n Skool:
waarin elkeen ons missie onderskryf en tuis sal voel;
waarop elkeen wat daaraan verbonde is, met reg trots kan wees op ons
vooruitgang;
wat ‘n goeie lewensstandaard sal stel;
met sy eie besondere karakter, etos en tradisies.

A.2 SIMBOLE
WAPEN MET LEUSE LOGO BRIEFHOOF
Ons is die Laerskool Rooihuiskraal
Die Baken in die Suide
Uit ons jong harte straal
Daar liefde en trots
Vir ons skool Rooihuiskraal
Trots sal ons ons skool se naam uitbou
Aan God die eer gee Hom vertrou
Refrein:
Vas soos ‘n rots staan ons skool se leuse:
Kennis, Visie, Trots
Laat ons dit uitleef, ons skool se leuse:
Kennis, Visie, Trots
SKOOLLIED
h/v Panoramaen
Maraboeweg
Posbus 65
Rooihuiskraal
0154
Tel
Faks
Epos
Webbla
d
012 661 5568
012 661 0744
info@lsrhk.co.za
www.lsrhk.co.za
Leer ons nederig boontoe kyk
En God te dank vir ons vermoëns
Krag, moed en ywer vir ons werk
Ontvang ons daagliks van Bo
God gee ons die visie om te sien
Hoe ons ons Skepper reg kan dien
Refrein:
Vas soos ‘n rots staan ons skool se leuse:
Kennis, Visie, Trots
Laat ons dit uitleef, ons skool se leuse:
Kennis, Visie, Trots

A.3. ETOS VAN DIE LAERSKOOL ROOIHUISKRAAL
Die Laerskool Rooihuiskraal streef na die verwesenliking van die volgende
doelstellings:
1. Die handhawing, beskerming en bevordering van:
a. Christelike onderwys en om toe te sien dat die Woord van God as rigsnoer
dien om die Christelike waardes by ons kinders in te skerp;
b. Christelike waardes met die erkenning en beskerming van vryheid van
geloof, spraak en assosiasie;
c. Afrikaans as die amptelike voertaal en onderrigmedium;
d. Hoë onderrig – en akademiese standaarde;
e. Buitekurrikulêre aktiwiteite.
2. Die uitbouing en beskerming van:
a. die karakter en etos van die skool;
b. die Skoollied, die Skoolwapen en die Leuse van die Skool.
3. Die opvoeding van die leerlinge tot verantwoordelike burgerskap.
4. Personeelontwikkeling.
5. Die identifisering en ontwikkeling van leerlingleiers.
6. Die uitbreiding van ouervennootskap.
B. BELEIDE
B.1 INGEDEELDE KLASSE
Hiermee ‘n paar riglyne en wenke om ingedeelde leerlinge te hanteer:
Maak asseblief seker dat elke leerder wat by u ingedeel is by u AANMELD
en AFGEMERK word op die klaslys in u boek of lêer.
Leerlinge moet IN DIE INGEDEELDE KLAS BLY(Geen uitruilings mag plaasvind
nie). Leerlinge moet besig gehou word met opdragte en werkkaarte.
Indien die OPVOEDER BY WIE DIE LEERLINGE INGEDEEL IS, AFWESIG IS, gaan
daardie leerlinge na Mnr. Biewenga se klas. Hy sal hulle by sy klas hou of as
daar meer as een kollega afwesig is, sal hy hulle verder indeel.
Indien Mnr. Biewenga afwesig is, gaan die LEERLINGE na hulle graadvoog
vir indeling.
B.2 VOERTUIG BELEID
Alle rëelings vir die gebruik van Die Laerskool Rooihuiskraal se voertuie moet
deur Esdei Biewenga geskied.
Die voertuie is die eiendom van Laerskool Rooihuiskraal
Alle voertuie moet met sorg hanteer word. Die betrokke bestuurder wat
die voertuig bestuur is verantwoordelik vir die voertuig vir die tyd wat dit in
sy/haar sorg is.
Die bestuurder moet die verkeersreëls respekteer en die passasiers in die
voertuig is onder sy/haar sorg en beheer. Die bestuurder moet in besit
wees van ‘n geldige Openbare bestuurslisensie.
Geen passasier mag hom skuldig maak aan wangedrag in die voertuig
nie.
Enige gebreke en defekte wat opgedoen word tydens u rit moet so
spoedig moontlik aan Mnr. Biewenga gegee word. Indien van die

gebreke en defekte deur die bestuurder veroorsaak was sal die bestuurder
die koste dra.
As u ‘n voertuig wil gebruik moet u dit by Mnr. Biewenga in die
“Voertuigregister” bespreek asook die sleutels daarvan by hom kry.
Voertuie moet vroegtydig bespreek word. Die beskikbaarheid van die
voertuie sal toegestaan word indien dit noodsaaklik is. Die doeleindes van
die voertuie is om onderwysers en leerlinge te vervoer. Voertuie word nie
uitverhuur nie.
Voertuie moet te alle tye gesluit wees asook die ratslot moet gesluit wees
om die rathefboom.
Die ritboek moet volledig voltooi word na afloop van elke rit.
Die voertuie moet in die busloods geparkeer word met terugkoms. Sien toe
dat die voertuie skoon en netjies is. Alle vensters moet toe wees en al die
deure gesluit asook die ratslot gesluit wees. As die voertuig ‘n alarm het
moet dit geaktiveer wees. Die busloods moet gesluit wees (albei deure) en
die alarm moet geaktiveer word,
Die sleutel en ruitpapier moet na Mnr. Biewenga gebring word.
Rapporteer alle probleme en dui aan hoeveel brandstof in die voertuie is.
Die bestuurder neem volle verantwoordelikheid vir enige verkeersboetes
wat verkry word tydens haar/sy rit.
Verkeersboetes en skades/verliese sal op meriete/beleid deur die
Beheerliggaam gehanteer word.
B.3 EISEBELEID
Verwys na Beheerliggaam Eisebeleid
B.4 DISSIPLINE
4.1 Wat is dissipline?
Die woord dissipline asook die woord dissipel kom van die Latynse woord
discere wat “om te leer” beteken.
Dissipline beteken dus eintlik om te leer, op te lei, of af te rig.
Dit behels die vorming van die kind se karakter in sy totaliteit deur goeie
gedrag aan te moedig en onaanvaarbare gedrag reg te stel.
Dissipline is alles wat ‘n opvoeder vir die kind doen of sê om hom op die
pad na volwassenheid te begelei.
Soos ‘n goeie tuinier sy plante kunsmis en water gee, die grond om die
plant gereeld lospit sodat die wortels genoeg suurstof kry, die natuurlike
groei van lote en wilde lote terugsnoei, sodat die plant op sy mooiste kan
blom en vrug dra, so is dissipline daarop gerig om die kind ten beste vir die
lewe voor te berei. Straf is maar net ‘n tydelike deel van dissipline: ‘n
korttermynreël om die kind van verkeerde optrede te weerhou.
Om te dissiplineer beteken om op te voed.
4.2 Dissipline – enkele uitsprake:
Toe Solly Ozrovech gevra is wat hy van toenemende jeugmisdaad dink,
was sy antwoord: “Dit kan ongetwyfeld teruggevoer word na ‘n gebrek aan
dissipline – die fyn ratwerk wat ons beskawing aanmekaar hou, die
behoudende onderbou van ons samelewing.”

Die digter D.J. Opperman sê tereg: “Ons stry om gister heel te maak; ons
môre lê onbewaak.”
Geen volwassene kan ‘n kind se “maat” wees nie [‘n oppervlakkige en
onwaardige strewe om by ‘n kind populêr te wees]. Hy kan in elk geval nie
met die kind se maats meeding nie.
Spr. 1:2 – 4. Die doel van dissipline is “om mense wysheid te leer en hulle te
onderrig sodat hulle sal weet wanneer iemand verstandig praat. So sal
hulle ‘n behoorlike opvoeding ontvang en ‘n sin vir regverdigheid, reg en
billikheid leer.” Dissipline moet daarop gerig wees om die hart van die kind
te verander – nie om van hom iets te maak wat hy nie is of kan wees nie,
maar om hom ‘n waardestelsel te leer, om hom wysheid te leer.
Spr. 22:6. “Gee leiding aan ‘n jongmens oor hoe hy moet leef, en hy sal ook
as hy oud is nie daarvan afwyk nie.” – Dit impliseer dat ons grense moet stel
wat realisties en duidelik is.
B.4 DOELWIT
Om die leerders tot verantwoordelike, selfstandige besluitneming op te
voed. In hierdie proses moet die ouerhuis en skool dinamies saamwerk.
Om ‘n sterk pligsbesef by die leerders te kweek en aan te moedig,
aangesien daar ‘n baie nou verband tussen swak pligsbesef,
onaanvaarbare gedrag en swak vordering op skool is.
Hierdie stelsel word, met inagneming van die skool en gemeenskap se
behoeftes, geïmplementeer. Die primêre doel is om in ‘n gees van
samewerking tussen onderwysers, leerders en ouers, ‘n skoolomgewing te
skep waarbinne gesonde dissipline en gesag kan seëvier.
B.5 PRAKTIESE SKOOLREËLS
Praktiese skoolreëls is ingestel waaraan die leerders moet voldoen en om die
dag tot dag aktiwiteite van die leerders te rig binne die vereistes van
gehoorsaamheid. As almal (personeel, leerders en ouers) saamwerk, sal daar
‘n trots en respek vir almal by die skool gekweek word. (Sekere van die reëls is
ook van toepassing op die personeel van die skool.):
5.1 Afwesigheid:
Leerders mag slegs weens siekte of om ‘n ander goeie rede van skool
afwesig wees.
‘n Leerder wat afwesig was, moet op die eerste dag wat hy/sy weer die
skool besoek ‘n brief van sy/haar ouers bring waar ‘n rede van afwesigheid
aangedui word.
Indien ‘n leerder langer as 2 dae afwesig is, moet ‘n doktersertifikaat
voorgelê word. Geen leerder mag ‘n ouer of iemand anders skakel om
hom/haar gedurende skooltyd te kom haal alvorens die nodige
toestemming vooraf van die kantoor verkry is nie. In bogenoemde geval
moet die ouers persoonlik die leerder by die skool kom haal en by die
kantoor kom uitteken.
Leerders wat afwesig is tydens ‘n toets of eksamen moet ‘n mediese
sertifikaat inhandig, anders kry hy/sy nul vir die toets of eksamen.
Ongereelde skoolbesoek steur die leerder in sy vordering en lei tot laksheid,
gebrek aan belangstelling en uiteindelik tot onkunde, onbevoegdheid en
selfdissipline probleme. Net soos elke volwasse persoon ‘n werk het en

daarna streef om dit goed te doen, so moet elke leerder skoolgaan as sy
daaglikse werk beskou en dit goed doen.
5.2 Fietse:
FIETSE MOET BY DIE SKOLIERPATROLLIE OOR DIE PAD BEWEEG.
Fietsryers moet die reëls van die skolierpatrollie gehoorsaam.
Geen fietsryer mag op sy fiets ry nie, ingesluit; nie op die fietspedale staan
nie, as die straat oor beweeg word.
GEEN LEERDER MAG OP DIE SKOOLTERREIN MET ‘N FIETS RY NIE.
Fietse moet in die fietsloods geplaas word.
5.3 Gedrag van leerders teenoor opvoeders:
Opvoeders moet beskou word as leermeesters en raadgewers, mense wat
altyd bereid sal wees om ons leiding te gee.
Hulle is ook die persone wat elke kind se vordering op elke terrein van ons
skoollewe fyn dophou.
Van leerders word verwag om hoflik en vriendelik te wees teenoor hulle
opvoeders , hulle regte as opvoeders in ag neem en hulle behoorlik te
groet.
Van leerders word verwag om gehoorsaam te wees en daaglikse
opdragte en huiswerk na die beste van hulle vermoë uit te voer.
5.4 Gedrag van ons leerders teenoor ander leerders:
Almal kry die geleentheid om die senior leerders van ons skool te word.
Van die juniors word verwag om die senior leerders die nodige respek en
eerbied te toon wat hulle waardig is.
Ons sien na ons seniors op om orde, gees in tradisies van ons skool na te
kom en nie afknouerig teenoor die junior leerders wees nie.
Van alle leerders word verwag om mekaar onderling te steun en aan te
moedig op verskillende terreine van die skoollewe.
Leerders moet vriendelik en beleefd teenoor mekaar wees en elkeen se
regte respekteer.
5.5 Grimering en juwele:
5.5.1 Grimering:
GEEN “lipgloss”, maskara, oogomlyner, wangblos, onderlaag, medisinale
room (toelaatbaar as mediese brief sê) of enige ander grimering word
toegelaat nie. Naels mag nie naellak aan hê nie. Die reël geld by alle
skooldrag.
5.5.2 Juwele:
Dogters: ( Slegs die volgende juwele word toegelaat)
Oorbelle: Klein ronde, goue of silwer oorbelletjies/oorkrabbertjies,
“knoppies” of klein ringetjies. Slegs een oorbel per oor.
Seëlringe: Klein goue of silwer seëlringe. Geen armbande.
Seuns:
Geen oorbelle, armbande en kettinkies word tydens en na skoolure met
skool- of sportdrag toegelaat nie.
5.6 Handboeke en werkboeke:

Leerders moet alle handboeke/werkboeke wat aan hulle uitgereik word
van ‘n goeie oortreksel voorsien en oppas.
As hy/sy ‘n boek verlore laat raak, moet hy/sy die vervangingskoste by die
finansiële beampte inbetaal en die kwitansie vir die leerarea onderwyser
gee.
5.7 Hare:
Hare moet ten alle tye netjies wees.
Seuns:
Hare moet kort en netjies wees.
Dit mag nie oor die ore hang nie en die kuif mag nie in die oë hang nie.
Geen “step” haarstyl word toegelaat nie.
Geen vorm van haarverkleuring word toegelaat nie, dit sluit ook sonstrepe
(“highlights”) in.
Daar sal ook nie toegelaat word dat seuns haarpommades (“mousse” en
“gel”) gebruik om die nat voorkoms haarstyl te skep nie.
Geen permanente golwing word toegelaat nie.
Dogters:
Kort hare: Indien kuif lank is, mag dit nie in die oë hang nie – steek weg
met knippies.
Lang hare: Moet netjies vasgemaak of gevleg wees. As die hare aan die
hemp se kraag raak, moet dit vasgemaak word. Haarlinte, knippies en
haarbolletjies moet wit of rooi wees. Indien kuif lank is, mag dit nie in die
oë hang nie – steek weg met knippies.
Gee vorm van haarverkleuring word toegelaat nie, dit sluit sonstrepe
(“highlights”) in. Daar word ook nie enige haarpommades (“mousse” en
“gel”) toegelaat nie.
Geen permanente haargolwing word toegelaat nie.
5.7 Huiswerk:
Gr R-3
Huiswerk in die grondslagfase word per voorgeskrewe huiswerkbrief
uiteengesit. Die klem is altyd op lees.
Gr 4-7
Huiswerk is ‘n verlengstuk en aanvulling van klaswerk wat buite die
klaskamer deur die leerder self voltooi en/of geleer moet word. Die doel
met die huiswerk is dat die leerder die geleentheid kry om dit wat geleer,
bemeester of verwerk moet word en waaraan reeds onder toesig in die
klaskamer geoefen is as klaswerk, op eie verantwoordelikheid deur
selfstandige inspanning verder in te oefen.
Verder is die doelstellings met huiswerk:
die opvoeding tot selfstandigheid en verantwoordelikheid;
die bevordering van selfstandige studiegewoontes;
selfdissipline ten opsigte van vryetydsbesteding;
om aan leerders die geleentheid te gee om self en onder eie
omstandighede die skoolwerk aan te durf;
om die geleentheid te bied vir die selfstandige verwerwing van kennis
en die bemeestering van vaardighede.
5.8 Hoe ouers behulpsaam kan wees:

Waar moontlik, behoort ‘n stil, geskikte plek in die huis afgesonder te word
waar u kind ongesteurd huiswerk kan doen.
Ouers moet, in samewerking met die kind, ‘n huiswerkrooster opstel wat
vasgestelde huiswerktye bevat, waarvan nie afgewyk moet word nie. Dit
sal verseker dat u kind die goeie gewoonte van gereelde werk aanleer en
ook vrye tyd sal hê vir ontspanning.
Dit moet duidelik gestel word dat die huiswerk nutteloos is indien die ouers
die kind se werk vir hom doen. Doeltreffende hulp en motivering is egter
noodsaaklik by suksesvolle doen van huiswerk.
Huiswerk is nie beperk tot skriftelike werk alleen nie – dit is veel meer: dit
behels ook studie – en leerwerk. Huiswerk moet in drie rondtes gedoen
word, nl.; skriftelike werk; die leerwerk [teorie] van die dag se leerareas en
vroegtydige voorbereiding vir naderende toetse/eksamens.
Ouers moet gereeld let op hul kind se punte/vordering.
Ouers moet gereeld insae in hul kind se huiswerkboek hê om te verseker
dat huiswerkopdragte daarin aangeteken is en of dit uitgevoer is.
Leerders in die verskillende grade gehoort gemiddeld die volgende tye
aan huiswerk te bestee:
Gr 1-2: 20 min
Gr 3: 45 min (20 min lees ingesluit)
Gr 4 en 5: Een uur.
Gr 6 en 7: Een tot een en ‘n half uur.
5.9 Huiswerkboekie:
Intersenfase:
Elke leerder moet ‘n huiswerkboekie hê. Huiswerk moet elke dag opgeskryf
word. Merk elke opdrag sistematies af wat tuis voltooi is, om te kontroleer of
alle huiswerk gedoen is. OUERS MOET DAAGLIKS HUISWERKBOEKIES EN
OMSENDBRIEWE KONTROLEER!
5.10 Kougom:
Geen kougom word op die skoolterrein toegelaat nie. Geen kougom mag
gekou word terwyl die leerder in skooldrag geklee is nie.
5.11 Laat kom:
Leerders moet betyds by die skool en klas wees. Tydens saal byeenkomste
moet die laatkommers by die saal aansluit.
5.12 Oortredings wat glad nie geduld word nie:
Swak taalgebruik, baklei, lelike gesprekke, swak gedrag, stokkiesdraai,
kwaadpraat van medeleerders, afskryf van huiswerk, slordige werk, laks
houding, kougom, steel, spoeg en onhoflike optrede sal nie geduld word nie.
5.13 Opening van skool:
Die skool begin om dwarsdeur die jaar om 07:30. Die Grondslagfase tree voor
hul klasse aan. Die Intermediêre – en Senior Fase tree eers op die aantree
blad aan.
5.14 Optrede in die openbaar:
Leerder se optrede in die openbaar moet onberispelik wees hetsy by ‘n
skoolaktiwiteit, tuis of elders. Ons word aan ons skooldrag geken en elke

leerder is in skooldrag ‘n advertensie van die skool en moet die skool se naam
hoog hou. Wees hoflik en vriendelik teenoor almal. Groet beleef, wees
nederig en op jou plek. Sorg dat daar net met lof van ons gedrag, optrede
en kleredrag gepraat word. Indien ‘n leerder hom nie in die openbaar kan
gedra nie is dit jou plig om hom dadelik te berispe en indien nodig, te
rapporteer.
5.15 Selfone:
Selfone is net in noodgevalle toelaatbaar by die skool, (die skool neem nie
verantwoordelikheid vir ‘n selfoon as dit weg/gesteel raak), maar moet
gedurende die skooldag AFGESKAKEL en nie sigbaar/weggepak wees.
5.16 Radio’s, kassetspelers, CD – spelers, I-Pods en skaatsplanke:
Geen een van die apparaat is toelaatbaar by die skool nie. As een van die
by ‘n leerder gekry word moet die onderwyser dit konfiskeer. Die leerder kan
aan die einde van die dag dit by die onderwyser kry.
5.17 Verslae:
Daar word na elke kwartaal se werksaamhede ‘n verslag aan die ouers
gestuur. Hierdie verslae moet deur die ouers geteken en dadelik teruggestuur
word.
5.18 Nuusbrief en skeurstrokies:
Elke week word daar ‘n nuusbrief aan die ouers gestuur wat belangrike
inligting op het vir ouers. Dit word op Dinsdae uitgegee.
5.19 Skoolverlaat:
Wanneer ‘n leerder weet dat hy/sy die skool gaan verlaat, moet hy/sy ‘n week
voor die tyd by die sekretaresse aansoek doen om ‘n oorplasingsertifikaat.
Die handboeklys moet ook omgeneem word na al die leerarea onderwysers
wat die teken dat al die handboeke in gegee is en dat al die leerder se
werkboeke gemerk en ontvang is.
5.20 Sport - / kultuur deelname:
Dit is elke leerder se plig om eerstens vir sy skool deel te neem en daarna vir
buite instansies. Dit is noodsaaklik dat elke leerder aan een of meer
sport/kultuur soort sal deelneem.
5.21 Sport - /kultuur oefening:
Leerders moet betyds wees vir sport – en kultuur oefeninge. Die korrekte
sportdrag moet ook by die sport oefeninge gedra word. Fietse word tydens
oefeninge in die fietsloods toe gesluit.
5.22 Skooldrag:
Ouers word versoek om slegs die voorgeskrewe skooldrag wat by die skool
beskikbaar is, aan te koop. Skooldrag moet altyd netjies en skoon wees. Geen
ander siviele-drag mag gedra word nie, slegs op verjaarsdae mag die leerder
gewone klere aantrek. Hemde mag nie uithang, moue mag nie opgerol word
nie, en die regte skoene met rooi kouse moet gedra word. Die skoene moet
reg vasgemaak wees.

5.23 Tasse:
Die tasse moet stewig, met afskortings en standaardgrootte wees. Tasse moet
voldoende ruimte bied sodat handboeke en werkboeke soos benodig
gerieflik ingepak kan word en ook voldoende beskerming ontvang. Die tas
moet ook netjies wees en mag nie afbreek doen aan ‘n leerder se voorkoms
nie.
5.24 Toegang tot die skool:
Toegang tot die skool mag slegs deur die hekke geskied. Geen leerder mag
oor of deur enige heining of draad klim nie.
5.25 Voorkoms in kleredrag:
Leerders moet altyd skoon en netjies gekleed wees. Skooldrag is verpligtend.
Naels moet kort en versorg wees. Die skool behou die reg voor om te besluit
of ‘n leerder se hare kort genoeg geknip is. Leerders wat oor provinsiale
kleure beskik kan die sweetpakke slegs Maandae by die skool dra.
5.26 Klaswisseling:
Gedurende klaswisseling beweeg die leerders flink in een ry agter mekaar na
die volgende klas. Die dogters stap voor met die seuns agter hulle. By die
trappe word daar in ‘n enkel ry beweeg aan die linkerkant van die trap. Die
stel trappe naaste aan die fietsloods word as die opgaan trap gebruik en die
stel trappe naaste aan die kleedkamers as die afgaan trap.
5.27 Kleedkamers:
Aangewese versoek is: “Juffrou/meneer, mag ek die kamer verlaat
asseblief?” Die leerder moet ‘n pas neem as hy die kamer verlaat.
Kleedkamers moet skoon en netjies gehou word. Niks mag die kleedkamers
ingedra word nie, veral nie kos nie. Daar mag nie in die kleedkamers gespeel
word nie. Slegs een leerder op ‘n keer uit dieselfde klas, mag die kleedkamers
besoek tydens klastye.
5.28 Dissiplinêre prosedure (Debietstelsel)
Alle debietpunte sal op rapport en amptelike dokumente aangeteken
word.
Indien ‘n leerder 50 A-kategorie debietpunte het, sal hy/sy nie in
aanmerking kan kom vir leierskap posisies nie. Hierdie reëling geld ook vir
100 punte B-kategorie oortredings.
Slegs die vierde kwartaal se geakkumuleerde punte word oorgedra na die
volgende jaar. Dit geld vir A- sowel B-kategorie oortredings. Indien ‘n
leerder aan die einde van die eerste kwartaal van die volgende jaar geen
addisionele punte bygekry het nie, verval alle punte en begin sulke
leerders weer op ‘n nulstaat.
Leerders wat 50 A-punte geakkumuleer het, mag nie vir merietekleure in
aanmerking kom nie. Leerders wat reeds merietekleure het, se kleure word
opgeskort tot die volgende jaar. (50 A – 6 maande en 75 A – 1 jaar)
Wanneer ‘n leerder in die klas ‘n reël verbreek of ‘n oortreding begaan
moet die leerder die gevolg van die oortreding aanvaar.
Die leerder se oortreding word in die meriete lêer aangeteken wat by ‘n
leerder van sy klas gehou word.

Die meriete lêer word op ‘n gereelde basis deur die voogonderwyser
gekontroleer.
A-oortredings is ernstige oortredings wat kan veroorsaak dat ‘n leerder
(met 150 punte of meer) geskors of uit die skool gesit kan word.
B-oortredings word beskou as minder ernstige oortredings, maar leerders
kan as gevolg van herhaaldelike B-oortredings gevra word om die skool te
verlaat.
Indien ‘n leerder wel meen dat hy/sy onregverdig behandel is, mag hy/sy
appèl aanteken by die adjunkhoof verantwoordelik vir dié fase. Hierdie
appèl moet binne 24 uur geskied.
Alle debietpunte word deur die leerder onderteken, wanneer hy/sy erken
dat dit die waarheid is wat aangeteken is. ‘n Kort beskrywing van die
gebeure word aangeteken.
Elke Woensdag moet die voogonderwyser vir die paneelleier die name
deurgee wat 50 debiete het.
Die paneelleier saam die DPO neem die “Kennisgewing aan die ouer” -
brief wat aan die ouers gestuur word en roep die betrokke leerder uit.
Verduidelik prosedure en oorhandig die brief aan die kind om die aan sy
ouers/voog te gee vir kennisname. Die ouers onderteken die brief en stuur
dit terug vir die voogonderwyser. Die brief word geplaas in die leerder se
profiel.
As die ouer(s)/voog nie die meriete brief binne 2(twee) werksdae
terugstuur nie dan moet die voogonderwyser die betrokke ouer(s)/voog
telefonies skakel.
Sodra ‘n leerder 75 debietpunte het, ontvang die ouer ‘n verdere skrywe.
Tydens die twee weeklikse vergadering van die DPO. se
Ondersteuningskomitee waar al die personeel teenwoordig is, word al die
verslae oor die leerder bespreek. Dit sluit in:
o Sielkundige verslae
o Dissiplinêre aanmelding
o Hulpdiensverslae en terapeutiese verslae
o Akademiese gevalle
o Alle bespreking rondom leerders wat 75 debietpunte het, word tydens
die vergadering genotuleer en aangeteken op die leerder se profiel.
Na die vergadering voer die Dissiplinêre Komitee: Debietpunte, ‘n
onderhoud met leerders wat aangemeld was vir die oortredings.
Die DPO skakel na die onderhoud die leerder se ouer(s)/voog en lig hulle in
oor die leerder se gedrag en - of werkshouding.
Die telefoongesprek word opgevolg met ‘n 450 brief aan die ouer(s)/voog
waaraan afskrifte geheg word van die meriete briewe.
‘n Afskrif van die 450 brief en die oorspronklike meriete briewe word in die
leerder se profiel geliasseer deur die DPO.
Op 100 debiete word die leerder se ouers telefonies genooi vir ‘n afspraak
met die adjunkhoof waartydens die leerder teenwoordig kan wees om ‘n
gesamentlike poging aangewend word om die leerder te help.
‘n Brief word aan die ouers gestuur om die afspraak met die adjunkhoof te
bevestig. ‘n Afskrif van die brief word ook op die leerder se profiel
geliasseer.
Die DPO lê die leerder se profiel twee dae voor die vergadering aan die
adjunkhoof voor.

Sodra ‘n leerder ‘n oortreding begaan wat veroorsaak dat hy/sy 100
debietpunte bereik, word sy/haar geval ook verwys na die Skoolhoof vir sy
Debietpunte of Ernstige Oortredings, om te sien of dit aan die Dissiplinêre
Komitee verwys moet word.
Die DPO tref telefonies reëlings vir ‘n afspraak by die Hoof waar die ouers
teenwoordig is. ‘n Brief word ook aan die ouers gestuur en ‘n afskrif word op
die leerder se profiel geplaas. By die onderhoud word die meriete
bespreek of die leerder by die Beheerliggaam aangemeld gaan word.
Op 125 en 150 debietpunte word weereens kontak gemaak met die ouers.
Die geval word na die Dissiplinêre Komitee verwys vir verdere stappe.
Die DPO en in samewerking met die Adjunkhoof tref dan die nodige
voorbereiding om die leerder aan te meld by die Beheerliggaam vir ‘n
dissiplinêre verhoor.
Sodra ‘n verhoordatum bekend is, word die ouers per geregistreerde brief
in kennis gestel en gedagvaar om die dissiplinêre verhoor van die
Beheerliggaam by te woon.
Die Beheerliggaam se dissiplinêre verhoor sal plaasvind in terme van die
bevoegdhede wat die Skole-wet en ander regulasies aan die
Beheerliggaam toeken.
Die ouers kan vir die dissiplinêre verhoor van die Beheerliggaam ook
gebruik maak van regsverteenwoordiging.
5.29 Tugmaatreëls
Tug wat opgelê mag word, sluit die volgende in, maar is nie daartoe beperk
nie.
Toekenning van debietpunte.
Waarskuwings. ‘n Leerder word slegs een maal gewaarsku, indien hy/sy
dieselfde oortreding ‘n tweede keer begaan, ontvang hy/sy ‘n skrywe na sy
ouers.
Dra van vorderingsverslag.
Verbod op deelname aan sekere skoolaktiwiteite (bv. sport).
Skorsing en uitsetting: Die SA Skolewet bepaal dat ‘n beheerliggaam na ‘n
regverdige verhoor, ‘n leerder van bywoning van die skool kan skors –
o as korrektiewe maatreël vir ‘n tydperk van hoogstens een week; of
o in afwagting van ‘n beslissing deur die Departementshoof
[Onderwyshoof], of die leerder uit die skool gesit moet word op grond
van ‘n skuldigbevinding aan ernstige wangedrag.
Skorsing bly ‘n tydelike maatreël, terwyl uitsetting ‘n permanente maatreël is.
Kombinasie van bovermelde.

5.30 Oortredings, debiete en strawwe
Reël A - oortreding Debiete
Sleutel W: Waarskuwing / Sleutel O: Ouer skakel
1. Swak gedrag/vloektaal – volgens meriete W/O
Steek eiendom weg
Uitdaag van gesag [Herhaalde B – oortreding ] O
Rassistiese opmerkings O
2. Baklei/dreig/intimidasie O
Doelbewus ‘n besering veroorsaak O
3. Rook self O
Vat sigaret aan van ander persoon O
Rook in skooldrag buite skoolterrein O
In besit van rookmateriaal O
Rooktoeskouer
4. Beskadig eiendom/Medepligtige W/O
Krap op bank/muur/teëls/ens W/O
Spuit verf op geboue O
Maak merke met voorwerp aan skooleiendom O
Bolle nat papier/Pritt – buisie teen plafon 1W
5. Besit alkohol/dwelms/vuurwapens of ander
wapens/verbode leesstof
Kriminele oortreding
Diefstal: Alle gevalle na Dissiplinêre Komitee
Onder die invloed van alkohol/dwelms
6. Verlaat skool sonder verlof O
Teken uit met vervalste brief O
Verlaat skool saam met ander ouer sonder toestemming
van eie ouers
Afwesig van klas sonder toestemming 1W
Afwesig van skool sonder toestemming of rede O
7. Oneerlikheid W/O
Skryf af in toets/eksamen O
Vervals handtekening O
Skryf brief namens iemand
Vervalste telefoonoproep O
5 – 50
15
15
5 – 50
10 – 20
10 – 20
30
30
30
30
30
20 – 50
20
50
20
20
100
100
100
100
30
30
30
10 per
periode
30
5 – 50
50
30
30
30
Reël B - oortreding Debiete
8. Kwetsende aanmerkings W 10
9. Afwesig van sportspan O
20
Afwesig van dienspunt O
20
Afwesig van kultuuroptrede O
20
10. Voorkoms nie reg nie
5
Slegs eerste waarskuwing. Daarna reël 1. Uitdaag van 15
gesag. = O
5
Skooldrag nie reg nie
Naels/hare te lank
5
11. Laat vir skool of klas 1W 5
12. Strooi rommel binne of buite terrein 1W 5
13. Tree nie aan in eie ry nie/sit in verkeerde ry 1W 5
14. Ruik na rook O 10

Leerder kan die debietpunte afwerk deur positiewe werk te doen, bv: doen weer
gereeld sy huiswerk, positiewe optrede teenoor die skool, leerders, onderwysers,
ouers en besoekers.
5.31 Vlakke van dissiplinêre optrede:
Onderwysers, paneelleiers, departementshoofde en adjunkhoofde
Dissiplinêre komitee : Debietpunte:
Hierdie komitee is aangewys deur die beheerliggaam om dissiplinêre
ondersoeke van wangedrag deur leerders te hanteer waar skorsing en
uitsetting nog nie oorweeg word nie en om ‘n gepaste straf toe te ken vir ‘n
oortreding wat ‘n leerder by 100 of meer debietpunte gebring het. Die
leerder se vorige oortredings en strawwe daarvoor reeds opgeloop, word
in ag geneem by die bepaling van gepaste straf. Die hoof kan egter ter
enige tyd besluit dat ‘n leerder met 100 of meer debietpunte voor die
Dissiplinêre Komitee: Ernstige Oortredings moet verskyn.
Dissiplinêre Komitee: Ernstige Oortredings
Hierdie is die komitee soos voorgeskryf deur Provinsiale Koerant 144 van 4
Oktober 2000 itv die Skolewet (84/1996). Hierdie kom itee hou formele,
volwaardige dissiplinêre verhore (aanklagte, pleite, lei van getuienis,
kruisverhoor, skuldig/onskuldig bevinding, oplê van straf). Dit is vir ernstige
gevalle waar skorsing en uitsetting ‘n wesentlike moontlikheid is. Hierdie
komitee word deur die Beheerliggaam aangewys.