Onderwysersgids - The Thunderbolt Kids

11. Gee jou skets 'n opskrif en skryf byskrifte vir die verskillende
plante en diere wat jy herken. Julle kan die prente in die klas
opsit.
VRAE
1. Verduidelik waar die habitat was wat julle groep bestudeer
het.
2. Watter soort habitat het julle bestudeer? Gebruik woorde
soos skaduryk, sanderig en nat om julle habitat te beskryf.
3. Noem die verskillende diere wat julle in jul habitat gesien het.
4. Was daar enige plante wat julle herken het in die habitat?
Noem hierdie plante.
5. As dit hard sou begin reën, hoe sou dit die plante en diere in
julle habitat beïnvloed?
6. Hoe dink jy word julle plante en diere in die winter beïnvloed?
Sal hulle in koue omstandighede kan oorleef? Verduidelik
hoekom jy so dink.
7. Is daar enige skade wat mense aangerig het in julle habitat?
As daar is, hoe dink julle kan 'n mens die skade verhoed?
4.3 Waarom het diere 'n habitat nodig?
Diere en plante het kos, water en skuiling in hul habitat nodig.
Diere het ook 'n veilige plek nodig om kleintjies (babas) te hê en
weg te kruip vir roofdiere en ander gevare. Kom ons kyk na van die
redes waarom diere 'n habitat nodig het.
Kamoeflering in 'n habitat
Party diere maak op hul habitat staat om weg te kom van gevaar
of om weg te kruip vir die prooi wat hulle probeer vang! Om hulle
te help om dit te doen, moet hulle saamsmelt met hul omgewing.
Dit word kamoeflering genoem.
Diere gebruik kamoeflering vir twee redes:
1. Diere gebruik dit om weg te kruip vir roofdiere. Hulle
kamoeflering help hulle met ander woorde om weg te kruip
van diere wat hulle wil eet.
Hoofstuk 4. Habitatte van diere en plante
89