Onderwysersgids - The Thunderbolt Kids

VRAE
Kyk na die voorblad van die Lewe en Lewenswyses-afdeling:
Die Thunderbolt Kids ondersoek 'n habitat! Watter tipe habitat
is dit? Noem van die plante en diere wat in die habitat bly. Daar
is 10 verskillende diere – kyk of jy hulle almal kan sien!
Die habitat is 'n bos. Die diere is: olifant, haas, skoenlapper,
padda, aap, pers loerie, uil, duiker, slang, ruspe. Die plante
is: bome, wingerde, varings, sampioene en swamme (dis nie
regtig 'n plant nie).
4.2 Verskillende habitatte
Daar is baie soorte habitatte waarin plante en diere kan lewe.
Sommige areas in die Karoo in
Suid-Afrika is semi-woestyne waar
plante aangepas is om in droë, warm
habitatte te bly. 2
• Sommige plante
en diere is aangepas om in
die warm, droë woestyn te
bly. Hierdie plante en diere
het nie so baie water soos
ander plante nodig nie.
• Sommige
diere en plante se habitat
is 'n woud of 'n grot omdat
hulle vir koeler, skaduryke
gebiede aangepas is.
• In Suid-Afrika
het ons baie woudareas.
Daar was altyd baie wilde olifante in die Knysnabos in die
Wes-Kaap, maar vandag is daar omtrent niks oor nie aangesien
mense 'n klomp van hulle doodgemaak het. Die woudhabitat het
ook baie kleiner geword omdat mense in die bos ingetrek het –en
so het die olifante se getalle verminder.
Hoofstuk 4. Habitatte van diere en plante
85