Onderwysersgids - The Thunderbolt Kids

ONDERWYSERSNOTA
Neem leerders stap-vir-stap deur die proses van om 'n grafiek te teken.
Gebruik die stappe hieronder en teken 'n grafiek op die bord
sodat leerders kan sien wat om in hulle boeke te doen.
• Teken eers die asse - die een word die horisontale-as en die
ander word die vertikale as genoem.
• Besluit wat elke as verteeenwoordig. Die horisontale-as is
waar 'n mens die onafhanklike veranderlike stip. Selfs Graad 12leerders
sukkel om dit te verstaan, so hoe vroeër hulle
daaraan blootgestel word, hoe beter. Die datum of dag word
op die horisontale-as geskryf. Die afhanklike veranderlike
word op die vertikale as gestip. Die hoogte wat die plante
gegroei het (lengte van die stingels), is afhanklik van die dag,
so dit gaan op die vertikale as.
• Benoem die asse.
• Besluit op 'n skaal vir elkeen. Dit is miskien beter om net elke
tweede dag jou resultate op te teken as jou sade lank gevat
het om te groei.
• Stip elke punt deur die "pare" van die tabel te gebruik. Met
ander woorde vir Dag 1 behoort die hoogte nul te wees, so
stip dit as die eerste punt. Wys jou leerders hoe om eers die
een as en dan die ander te lees. Daar waar die twee kruis,
moet jou punt geteken word.
• Jy kan 'n lyn trek tussen die punte om hulle te verbind.
• Gee 'n opskrif vir die grafiek.
• 'n Voorbeeldgrafiek is hieronder geteken.
Hoofstuk 3. Wat plante nodig het om te groei
77