Onderwysersgids - The Thunderbolt Kids

Sigbare verskille tussen plante.
ONDERWYSERSNOTA
Hierdie gedeelte oor plante verskaf die geleentheid en is
noodsaaklik om die Landbouwetenskappe as deel van die
Natuurwetenskappe te beoefen. Byvoorbeeld: Moedig die leerders
aan om verskillende gewasse te plant terwyl die gedeelte van die
werk behandel word. Gewasse wat voedsel in stingels, blare ofin
wortels stoor. Vra hulle dan om die produkte skool toe te bring en
vergelyk die sigbare verskille - werk met die opbrengs vars uit die
grond. Indien niemand hulle eie groente kan kweek nie, probeer
om 'n groentetuin by die skool te vestig, êrens in 'n gedeelte van
die skoolgrond. Of koop verskillende groente en bring dit klas toe
sodat die leerders die regte goed kan sien en die verskille kan
beskryf. Hierdie aspek is nie in die kurrikulum beklemtoon nie,
maar dit is vir leerders belangrik om te weet waar voedsel vandaan
kom. Lig ook die behoefte aan groentetuine vir skole uit.
Daar is baie verskillende soorte plante. As jy na verskillende plante
kyk kan jy baie goed sien wat anders is, maar jy kan ook baie goed
sien wat dieselfde is. Ons weet dat die meeste plante stingels,
wortels en blare het en dat baie ander plante blomme, sade en
vrugte het. As ons plante wil vergelyk, kan ons hierdie
plantstrukture vergelyk.
Jy kan na die verskillende plantstrukture kyk en 'n vergelyking
maak tussen hulle:
• grootte
• kleur
• vorm
Of jy kan baie belangrike vrae oor die plante vra, soos:
• Maak hierdie plant blomme?
• Verloor die plant sy blare in die herfs?
• Kan diere die plant of dele van die plant eet?
• Kan mense die plant eet?
• Kan jy aan nog moontlike belangrike vrae dink wat jy kan vra?
40 Lewe en Lewenswyse