Onderwysersgids - The Thunderbolt Kids

• Die lyntjies van die byskrifte moet met 'n liniaal getrek word.
• Die lyntjies van die byskrifte moet parallel loop met die
bokant en onderkant van die bladsy.
• Die lyntjies van die byskrifte moet aan die deel van die skets
raak wat dit beskryf.
• Die lyntjies van die byskrifte moet almal dieselfde afstand van
die skets af eindig (die byskrifte moet, met ander woorde, in
'n vertikale lyn onder mekaar staan).
• Byskrifte moet in drukskrif, nie lopende skrif, en in pen geskryf
word.
• Die regte byskrifte moet op die regte plek gebruik word.
AKTIWITEIT: Identifiseer die verskillende dele van 'n
blomplant.
WAAROM DOEN JY DIE AKTIWITEIT
Om te sien of jy die verskillende dele van 'n plant kan identifiseer.
BENODIGHEDE (wat jy nodig het)
• 'n Skets van 'n blomplant.
INSTRUKSIES (wat jy moet doen)
1. Kyk na die sketse hieronder. Daar is nie byskrifte by die skets
nie. Wetenskaplikes moet gereeld byskrifte by sketse en
diagramme maak. Dit is 'n baie belangrike vaardigheid!
2. Wanneer ons byskrifte vir 'n skets doen, is daar 'n paar riglyne
wat ons moet volg:
a. Trek 'n reguit lyn met 'n pen en liniaal van die deel wat jy
wil beskryf.
b. Die lyntjies van die byskrifte moet aan die deel van die
skets raak wat dit beskryf.
c. Die lyn moet parallel aan die onderkant van jou bladsy
wees.
38 Lewe en Lewenswyse