Onderwysersgids - The Thunderbolt Kids

4. Hoe het die gis weer lewend geword?
Die gis het warm water en suiker nodig om dit weer vanuit die
rustende toestand lewend te maak.
ONDERWYSERSNOTA
Aanvullende oefening: Moedig leerders aan om verder as hierdie
eenvoudige oefening te dink. Iemand mag dalk wonder wat sou
gebeur het as daar nie suiker in die mengsel was nie, of die water
koud was... Onderwysers word aangemoedig om sulke
wetenskaplike navrae aan te moedig en te prys. Moedig leerders
aan om met die gis te eksperimenteer en te kyk of hulle dieselfde
resultate kry as die suiker uitgelos word, of as daar baie min van of
groot hoeveelhede suiker bygevoeg word. Leerders kan ook met
die temperatuur van die water eksperimenteer om te sien of dit die
resultaat verander.
1.2 Nie-lewende dinge
Nie-lewende dinge is anders as lewende dinge omdat hulle nie al
sewe die lewensprosesse uitvoer nie.
Kom ons kyk na 'n voorbeeld.
AKTIWITEIT: Dink jy 'n motor is lewend of nie-lewend?
INSTRUKSIES
1. Kom ons kyk watter van die sewe lewensprosesse 'n motor
uitvoer. (Onthou as dit nie 'n eier of 'n saad is nie, is iets
nie-lewend as dit selfs een lewensproses nie kan doen nie.)
2. Sit 'n of 'n in die laaste kolom.
Hoofstuk 1. Lewende en nie-lewende dinge
21