Onderwysersgids - The Thunderbolt Kids

Dis wonderlik, Farrah! Ja, sommige dinge lyk of hulle vir 'n lang tyd
nie-lewend was, maar hulle wag net tot hulle die regte
omstandighede kry om weer lewendig te word. Dit beteken dat
hulle moet wag vir iets spesiaal om te gebeur voor hulle weer
lewend kan word en die eienskappe van lewende dinge kan hê.
Ons sê dat hulle die regte omstandighede nodig het om te lewe en
die sewe lewensprosesse uit te voer. Kyk na die prente van die
sade hieronder wat lyk of hulle nie-lewend is!
Sade van 'n koraalboom 16 Sonneblomsade. Het jy al ooit
sonneblomsade geëet? 17
VRAE
Waarom lyk sade of hulle nie-lewend is? Hoe kan ons wys dat
hulle lewend is?
Leerders mag dink dat sade nie-lewend is omdat hulle nie lyk of
hulle enige van die 7 lewensprosesse uitvoer nie. Sekere dinge
kan lyk of hulle nie-lewend is terwyl hul egter in 'n rustende
toestand is. Jy kan sade laat ontkiem om te wys dat hulle
lewend is.
Ons sê dat sade in 'n "rustende toestand" is totdat hul water,
warmte, lug, lig en grond gegee word om te ontkiem en te begin
groei. Daar is ander dinge wat ook lyk of hulle nie-lewend is totdat
hulle die regte toestande gegee word om verder te ontwikkel.
16 Lewe en Lewenswyse