Onderwysersgids - The Thunderbolt Kids

Tradisionele en moderne strukture
ONDERWYSERSNOTA
Hierdie is 'n uitbreiding en is nie ingesluit in CAPS nie, maar dit
vorm deel van 'n interessante aktiwiteit waarin tradisionele en
moderne strukture vergelyk word en waar daar gekyk word na hoe
moderne strukture beïnvloed word deur inheemse ontwerpe wat
oor honderde jare ontwikkel is.
Vandag het ons ook moderne huise. Soms is die strukture van
moderne huise gegrond op die materiaal waarmee tradisionele
huise gebou is. Kyk na die twee ondergaande strukture. Die eerste
een bestaan uit riete en takke wat gebuig word om 'n raamwerk te
maak vir die huis. Dit is 'n tradisionele struktuur.
In die tweede figuur kan jy die dakkappe van 'n moderne huis sien.
Kan jy ook die ooreenkomste tussen die twee sien? Byvoorbeeld,
die vorm en hoe die strukture sterker gemaak word met behulp
van stutte. Daar is ook verskille. Byvoorbeeld, in die tradisionele
huis word die riete en takke met tou vasgemaak. In 'n moderne huis
word die dakkappe egter met insetsels versterk.
Tradisionele en moderne strukture.
214 Materie en Stowwe