Onderwysersgids - The Thunderbolt Kids

ONDERWYSERSNOTA
Indien leerders sukkel, stel 'n paar tipes materiaal voor: strooitjies,
tandestokkies, roomysstokkies, maskeerband, garing, skêre,
skuifspelde, spelde, wondergom, klei, papier of karton, asook liniale,
gewigte en boeke vir die toetsafdeling.
MAAK
Nou kom die prettige gedeelte! Jy moet jou brug bou soos in jou skets
met die materiaal wat jy geïdentifiseer het. Doen dit in die klas.
Wanneer almal hulle brûe voltooi het, stel hulle op tussen 2 tafels
met 'n 1mgaping tussen-in. Nou is die tyd vir pret; kom ons kyk
wie se brug kan die meeste gewig dra! Ons gaan slegs een brug op
'n keer toets en dieselfde items (sakke met muntstukke of
boeke) plaas op elke brug, en een item op 'n slag byvoeg. Dit
verseker dat dit 'n eerlike toets is.
ONDERWYSERSNOTA
Baie vergemakliking word benodig by dié punt. Toets slegs een
brug op 'n slag sodat al die leerders kan sien wat die res gedoen
het en ook kan leer van mekaar. Jy wil nie die harde werk laat breek
nie! Dit mag ook die leerders ontmoedig wat soveel tyd spandeer
het met die bou van hulle brug. Miskien is dit beter om items op die
brug te plaas net totdat jy dink dit sal nie meer gewig kan dra nie.
EVALUEER
Antwoord die volgende vraag in verband met die brug wat jy
gebou het nadat dit getoets is.
1. Het jou brug gewerk? Hoeveel items is op die brug geplaas?
2. Het jou brug aan al die vereistes voldoen wat in die
spesifikasies uiteengesit is?
3. Indien jy weer hierdie brug moes bou, wat sou jy anders doen?
210 Materie en Stowwe