Onderwysersgids - The Thunderbolt Kids

ONDERWYSERSNOTA
Hierdie projek bou op die ontwerpproses van Lewe en Leefwyse in
Kwartaal 1. Daar word nou van die leerders verwag om deur die hele
ontwerpproses te gaan. Soos met die navorsingsmetode moet die
stappe van die ontwerpproses nie afgedwing word nie. Leerders
hoef dit nie te memoriseer nie en die noodsaaklikheid
van elke stap kan uitgewys word eerder as voorgehou word as iets
wat rigied is. Byvoorbeeld, as jy gedurende die boustadium
besef dat jou ontwerp nie gaan werk nie, kan jy weer ondersoek
instel en op 'n veranderde of heeltemal nuwe ontwerp besluit.
Die proses is veranderbaar en stappe kan herhaal word.
Hierdie ontwerpprojek kan gedoen word as individue of as groepe,
verkieslik klein groepe van 3 of 4. Die doel is dat leerders
navorsing doen oor die verskillende maniere om brûe te bou en
verder bou op die kennis in hierdie afdeling van materiaal versterking.
Die leerders moet'n ontwerp voorlÍ wat hulle in die klas gaan bou.
Die doel is om 'n brug te bou wat kan strek oor'n 1 m gaping tussen
twee lessenaars.
Na al die brûe gebou is kan 'n kompetisie gehou word om te sien
wie se brug die meeste gewig kan dra voor dit in duie stort.
Begin met ligte voorwerpe soon munte of klein boeke, en beweeg
dan na swaarder voorwerpe soos groter boeke. Dit is sleg vir die
leerders se selfvertroue as hulle brug breek met die eerste gewig,
so begin met 'n ligte voorwerp en vermeerder die gewig geleidelik.
Maak seker dat dieselfde voorwerpe en volgorde van gewigte op
elke brug gebruik word sodat die kompetisie billik is. Hou 'n
klasbespreking oor hoe die brûe versterk kon word.
Leerders kan hierdie terugvoer gebruik in die evaluering
van hulle ontwerpe.
Indien jy nie die ontwer proses van 'n brug wil doen nie, is daar
ander opsies wat ook gebruik maak van stutte om 'n sterk
struktuur te maak, soos die ontwerp van 'n toring, 'n spantoring of
'n stoel. Hierdie aktiwiteit sal wel 'n brug as voorbeeld gebruik.
AKTIWITEIT: Ontwerp en bou 'n brug.
ONDERSOEK
Die eerste stap is om ondersoek in te stel en navorsing te doen oor
hoe om 'n brug te bou. In die voorgaande hoofstukke het ons
208 Materie en Stowwe