Onderwysersgids - The Thunderbolt Kids

Tom het onthou dat hulle vroeër die week in die klas gekyk het na
maniere om materiaal te versterk, sodat hulle sterk genoeg is om 'n
swaar gewig te kan dra. Hy het ook onthou dat die vou en rol van
papier om 'n pyp te vorm dit baie sterker gemaak het. Hy het ook
gedink oor hoe die stutte in 'n raamwerkstruktuur dit sterker, meer
stewig en stabiel gemaak het.
In die volgende dag se klas het Tom sy onderwyser gevra of hulle
'n model van 'n brug kan ontwerp vir die rivier buite die skool. Die
onderwyser het gedink dit was 'n uitstekende idee en het besluit
om dit in 'n klaskompetisie te omskep: die ontwerp en bou van 'n
model om die 1mgaping tussen twee tafels te oorbrug en dan te
toets wie se brug die meeste gewig kon dra.
Kom ons neem ook deel in 'n kompetisie in jou klas en help vir Tom
met die beste ontwerp van 'n brug om die rivier oor te steek.
Ons gaan die volgende stappe volg met die ontwerp van die brug.
1. Ondersoek
2. Ontwerp
3. Maak / bou
4. Bereken / evalueer
5. Kommunikeer
Dit staan bekend as die ontwerpproses. Onthou jy in die vorige
kwartaal toe jy 'n skuiling gebou het vir voëls? In daardie projek het
ons slegs die skuiling ontwerp, tekeninge gemaak en toe bereken /
geëvalueer. Nou gaan ons die proses 'n stap verder vat en die
brug bou en daarna die produkte wat ons gemaak het evalueer.
Hoofstuk 4. Sterk raamstrukture
207