Onderwysersgids - The Thunderbolt Kids

verskillende papier en boeke gebruik nie. In die ontwerpstadium van
die eksperiment, moedig die leerders aan om vrae te vra soos:
"Hoe sal ons weet dit is sterk?", ”Wat moet ons doen om seker te
maak dit is sterk?". Dit sal leerders help om te sien dat deur die
boeke op die bopunt van die pilaar te sit en deur die gewig te laat
toeneem, kan jy toets hoe sterk die pilare is. Moenie vooraf vir hulle
die antwoorde gee nie. Vra liewers eers vir hulle die vrae en
moedig hulle aan om te dink.
ONDERSOEK: Watter pilaar is die sterkste?
DOEL (wat wil jy uitvind)
Skryf neer wat jy dink die doel van die eksperiment is.
Om ondersoek in te stel na watter tipe pilaar die sterkste is: 'n
driehoekige, sirkelvormige of 'n vierkantige pilaar.
APPARAAT
• 4 velle A4-papier
• skêr
• kleeflint
• 'n stuk kaartbord om 'n platform te vorm as 'n deksel van 'n
boks.
• 'n aantal van dieselfde tipe en grootte boeke
METODE
1. Elke groep sal 'n ander pilaar maak en toets, of 'n driehoekige,
of 'n sirkelvormige of 'n vierkantige pilaar. Kyk na die tekening
hieronder om te sien hoe om die verskillende vorms pilare te
maak.
Hoofstuk 3. Versterking van materiale
189