Onderwysersgids - The Thunderbolt Kids

Wat het ons geleer deur die aktiwiteit te doen? Materiale kan
versterk word deur hulle vorm te verander. 'n Voorbeeld hiervan is
om die papier in pilare te rol. Pilare kan sirkelvormig, driehoekig of
vierkantig wees. Watter een dink jy is die sterkste?
Tom het 'n hoop boeke langs sy bed by die huis. Hy wil 'n rak maak
vir die boeke sodat sy kamer 'n bietjie netjieser lyk. Hy het daaraan
gedink om 'n rak te maak van materiale wat hy makliker in die
hande kon kry soos papier. Sy idee is om 4pilare te maak en dan 'n
vel karton bo-op te sit waarop hy sy boeke kan sit. Maar, Tom weet
nie watter tipe pilaar die sterkste gaan wees nie - driehoekig,
sirkelvormig of vierkantig.
Kom ons help Tom en doen 'n ondersoek om uit te vind watter
vorm van pilaar is die sterkste vir hom om die boekrak te maak.
ONDERWYSERSNOTA
Vir die ondersoek kan die klas verdeel word in
drie groepe. Elke groep vou die papier om 'n verskillende soort
pilaar te maak.
Groep 1: Sirkelvormige pilare
Groep 2: Driehoekige pilare
Groep 3: Vierkantige pilare.
Elke groep ondersoek die sterkte van hul eie pilaar.
Die gevolgtrekking sal gemaak word as al drie groepe hul resultate
saamvoeg.
Om die ondersoek 'n regverdige toets te maak, moet elke groep
dieselfde gebruik:
• Grootte en tipe papier
• Identiese boeke
• Platform
• Hoeveelheid kleeflint
Verduidelik dit aan die leerders terwyl die eksperiment gedoen
word - dit sal nie 'n regverdige toets wees as elke groep
188 Materie en Stowwe