Onderwysersgids - The Thunderbolt Kids

ONDERWYSERSNOTA
Wanneer u wetenskaplike ondersoeke doen, is dit baie belangrik om
nie net die stappe in die wetenskaplike metode te noem nie, anders
sal leerders dit slegs wil memoriseer. Om leerders in 'n toets te vra
om die lys van stappe in die wetenskaplike metode neer te skryf
voeg ook nie tot hul begrip van wetenskaplike metode by nie.
Dit is slegs herroeping en verg geen insig nie. Leerders moet insien
wat die doel en logika agter elke stap is. Hierdie insig kom met tyd
en oefening. Wat ons wil he is dat leerders in staat moet wees om
toetsbare vra te vra, 'n hipotese te skep, hulle eie eksperiment te
kan ontwerp, uit te voer en sodoende die vraag te beantwoord.
Die volgende vrae sal leerders help om met die vraag, hipotese
en voorspelling vorendag te kom vir die liniaal ondersoek.
Jy hoef nie slegs die ondersoeke te gebruik wat in hierdie boek
uiteengesit is nie. Jy kan enige saak ondersoek waarin leerders
sal kan sien hoe om die wetenskaplike metode van ondersoek te
gebruik. Die prosedures uiteengesit in hierdie boek verskaf 'n riglyn,
maar dit sal beter wees om dit nie stap vir stap uit die boek te lees
nie. Gebruik dit as 'n gids terwyl die leerders se boeke weggepak is
en hulle self 'n ontwerp en metode kan uitdink. Later kan na die
boeke verwys word as die ondersoek klaar afgehandel is en bespreek
word. Elke keer as jy 'n nuwe ondersoek met hulle doen kan jy op
'n ander aspek van die wetenskaplike metode fokus - byvoorbeeld
hoe om die regte vrae te vra, hoe om 'n hipotese te formuleer, wat 'n
veranderlike is of hoe om data voor te stel. Elke een van hierdie
vaardighede kan 'n beurt kry om beklemtoon te word wanneer 'n
ondersoek gedoen word, maar verkieslik slegs een op 'n keer.
Dit hoef nie alles in een jaar te gebeur nie.
VRAE
1. Wat het Tom waargeneem?
Die meeste leerders het gebreekte liniale.
2. Wat was die vraag wat hy wou beantwoord?
Watter liniaal is die meeste buigbaar? 'n Liniaal gemaak
van hout, plastiek of metaal?
172 Materie en Stowwe