Onderwysersgids - The Thunderbolt Kids

As jy 'n metaalmuntstuk met 'n hammer slaan, sal daar geen of
baie min skade wees. As jy 'n stuk bordkryt met 'n hammer slaan,
sal dit in stukkies breek. Die metaalmuntstuk is taai in vergelyking
met die bordkryt. Die bordkryt is baie breekbaar.
Taaiheid meet hoeveel energie nodig is om 'n materiaal te breek.
Ons dal ‘n paar alledaagse materiale toets om te kyk watter
materiaal is die taaiste.
ONDERSOEK: Hoe taai is sommige materiale?
ONDERWYSERSNOTA
Jy kan die wetenskaplike ondersoek gebruik om die vraag te
beantwoord wat jy op die bord geskryf het. Leerders moet met 'n
hipotese kom en jy gee dan die apparaat terwyl hulle probeer om
die metode self uit te werk om hul hipotese te toets. Moenie uit die
handboeke werk nie. Wanneer die leerders 'n kans gehad het om
hulle eie ondersoek te ontwerp, kan jy terugkeer na die werkboek.
DOELWIT: Om te ondersoek hoe taai verskillende materiale is.
APPARAAT (elke groep sal dit benodig)
• 1 houer met 'n wye ronde opening (byvoorbeeld groot konfytblik
of jogurthouer)
• 1 vierkantige vel (20 cm by 20 cm) van elk van die volgende
materiale:
– koerant
– fotostaatpapier
– aluminiumfoelie
– waspapier
– kleefplastiek
• 2 dik rekbande om rondom die houer te pas
• 'n meterstok of maatband
• 'n metaalteelepel
168 Materie en Stowwe