Onderwysersgids - The Thunderbolt Kids

8. Dink jy dat baie mense in die papiervervaardigingsbedryf
werk? Verduidelik jou antwoord.
Daar word aan baie mense werk verskaf. Daar is
werkgeleenthede vir werkers in die bosse by die papiermeule
om die produkte te vervoer, ens.
9. Dink jy die papiervervaardigingsproses is 'n lang of 'n kort
proses. Gee 'n rede vir jou antwoord.
Dit is 'n lang proses aangesien daar baie stappe betrokke is
wat almal tyd in beslag neem, spesifiek die groei van die
plantasies aangesien die bome 'n paar jaar vat om tot op die
regte hoogte te groei.
10. Noem 2van die grootste papiervervaardigingsmaatskappye in
Suid-Afrika waarvan jy weet.
Sappi en Mondi
Ons het genoem dat herwinning deel van die
papiervervaardigingsproses is. Herwinning is 'n baie belangrike
proses aangesien dit ons toelaat om ons afval te verminder en
dinge te hergebruik. Nie alleen papier kan herwin word nie, jy kan
ook glas, blik en plastiek herwin.
VRAE
Blikke vir herwinning. Kyk uit vir die blikke in jou
omgewing! 10
1. Is daar 'n papierherwinningsprojek by julle skool of
omgewing?
Ja/nee
164 Materie en Stowwe