Onderwysersgids - The Thunderbolt Kids

6.Van watter materiaal is die ritssluiter gemaak? Dink jy dat
hierdie 'n goeie keuse van materiaal is? Gee 'n rede vir jou
antwoord.
Die ritssluiter is van metaal gemaak. Dit is 'n goeie keuse van
materiaal omdat metaal sterk is en nie sal breek wanneer jy
die ritssluiter gedurig oop- en toemaak nie. Gaan na wat die
leerders sê en of hulle enige ander redes gee.
In die vorige aktiwiteit behoort jy te geleer het dat:
• Ons gebruik materiale om bruikbare voorwerpe te maak.
• Ons kies materiale vir 'n spesifieke doel wanneer ons 'n
voorwerp maak.
In die volgende afdeling gaan ons sien hoe sommige materiale
gebruik word om nuwe voorwerpe te maak. Ons gaan ook kyk na
waarom sekere materiale beter is as ander is om te gebruik om
sekere voorwerpe te maak.
2.2 Rou en vervaardigde materiale
Elke dag gebruik ons verskillende produkte wat gemaak is van
verskillende materiale. Die stoel waarop jy sit, is gemaak van 'n
materiaal wat hout of plastiek genoem word. Hout is afkomstig
van bome. Hout kom van 'n natuurlike bron. Dit kan deur mense
gebruik word as 'n rou materiaal om meubels mee te maak.
Wat beteken "rou" en "vervaardigde"?
Waar het jy al ooit die woord "rou" gehoor?
Ons kan ook praat oor rou materiale. Dit is wanneer die materiaal
in sy natuurlike vorm is. Dit is nog nie geprosesseer nie. Ons kry
rou materiale in die omgewing rondom ons, soos die bome in 'n
woud, of steenkool en olie ondergonds. Maar, as hierdie rou
materiaal geprosesseer is, beteken dit dat mense dit verander het, en
dan praat ons van vervaardigde materiaal.
Voorbeelde van rou materiaal is hout en plantvesels. Wanneer die
hout en vesels eers geprosesseer is, word dit in papier gemaak.
Papier is 'n vervaardigde materiaal.
152 Materie en Stowwe