Onderwysersgids - The Thunderbolt Kids

VRAE
Was jou hand droog of nat
nadat jy aan die vloeistof
gevat het?
Het die vorm van die
vloeistof verander wanneer
jy dit in 'n ander houer
oorgegooi het?
Wat dink jy het met die
vloeistof gebeur toe jy dit in
'n warm plek gelaat het?
1. Skryf die veiligheidsreëls vir hierdie ondersoek neer. Hoekom
moet hierdie veiligheidsreëls gevolg word?
Moenie aan enige onbekende vloeistof proe nie, en was jou
hande nadat jy 'n onbekende vloeistof hanteer het, want dit
kan giftig wees.
2. Skryf die eienskappe neer wat dieselfde (gemeenskaplik) was
vir al die vloeistowwe was ondersoek is.
Vloeistowwe: vloei en kan gegiet word, vorm is nie vas nie en
hulle neem die vorm van die houer aan.
Nadat ons hierdie aktiwiteit gedoen het waarin ons die eienskappe
van vloeistowwe ondersoek het, kan ons sê dat 'n vloeistof:
• kan vloei,
• geen vaste vorm het nie,
• en die vorm van die houer waarin dit is aanneem.
Dit verskil van 'n vastestof. Onthou dat 'n vastestof 'n vaste vorm
het en dat jy nie 'n vastestof kan uitgiet nie!
Wat is 'n gas?
Kan jy onthou dat ons in die eerste termyn gepraat het oor
asemhaling as een van die sewe prosesse van lewende dinge?
Wanneer ons asem haal, neem ons gasse in en blaas ons gasse uit.
Maar ons kan nie die gasse sien nie!
122 Materie en Stowwe