Onderwysersgids - The Thunderbolt Kids

U sal die volgende materiale benodig: hout, klip, plastiek, 'n glas
water, 'n ander houer om die water in te gooi, sap, tee, lug (in
twee of drie ballonne of binnebande van verskillende vorms),
kookolie, kookgas, 'n kokende ketel, ens.
Wys die voorbeelde aan die leerders. Laat hulle toe om die
voorbeelde te bekyk, te voel, te ruik en aan te raak. Vra die
leerders om die vaste stowwe, vloeistowwe en gasse te identifiseer.
ONDERWYSERSNOTA
Verduidelik aan die leerders wat die woord "eienskap" beteken. In
wetenskap word die woord "eienskap" gebruik om 'n spesiale
karakteristiek van iets te beskryf. Eienskappe is gemeenskaplik
wanneer meeste van die stowwe in 'n groep wat bestudeer word
dieselfde die meeste karakteristieke het.
Verduidelik aan die klas wat hulle in die aktiwiteit "Ondersoek die
eienskappe van materie" moet doen. Laat die leerders in pare
werk. Hulle moet die aktiwiteit doen en neerskryf. Help hulle om 'n
konsepdiagram te teken. Volg die aktiwiteit op met 'n
klasbespreking om seker te maak dat al die leerders weet wat die
gemeenskaplike eienskappe van vaste stowwe is.
Materiale is oral om ons. Sommige materiale is vaste stowwe,
sommige is vloeistowwe en sommige is gasse. 'n Materiaal sal
altyd een van hierdie drie wees. Maar wat presies is vaste stowwe,
vloeistowwe en gasse?!
Kom ons ondersoek die eienskappe van vaste stowwe,
vloeistowwe en gasse!
Wanneer is 'n materiaal 'n vastestof?
In wetenskap gebruik ons die woord "eienskap" om te praat van
iets wat 'n spesifieke soort materie spesiaal maak; hoe dit
verskillend van ander soorte materie optree.
Hoofstuk 1. Materiale rondom ons
117