Onderwysersgids - The Thunderbolt Kids

1 Lewende en nie-lewende dinge
4
SLEUTELVRAE
• Wat beteken dit om lewendig te wees?
• Wat is 'n nie-lewende ding? Wat beteken dit as iets
nie-lewend is?
• 'n Rivier lyk of dit beweeg. Kan ons daarom sê dat 'n rivier
lewend is?
• Is die plante wat ek uit Gogo se tuin eet, lewend of
nie-lewend?
• Hoe weet ek of die boontjiesade van Gogo se tuin lewend
of nie-lewend is?
• 'n Hoendereier lyk of dit nie-lewend is, maar dan broei daar
'n kuiken uit. Is die eier lewend of nie-lewend?
ONDERWYSERSNOTA
Inleiding tot die onderwerp
In hierdie eenheid sal leerders leer wat alle lewende dinge in
gemeen het. Die fokus moet nie wees op die memoriseer van feite
en definisies nie, maar eerder op die aktiwiteite wat
prosesseringsvaardighede soos waarnemingsverskille, sortering
en klassifisering, beskrywing en tekening gebruik. As onderwyser
moet jy die nodige taalkonsepte aanleer wat jy nodig het om oor
hierdie konsepte te praat. Selfs as leerders die regte woord
gebruik, mag die betekenisse van daardie woord verskil vir elke
leerder. Dit is veral belangrik om die wetenskaplike terme vir die
sewe lewensprosesse korrek te gebruik en elke proses en die
woord se betekenis akkuraat te verduidelik.
Alhoewel die meer tegniese terme moontlik toevallig aan leerders
bekend gestel kan word, vereis CAPS dat die sewe lewensprosesse
as volg genoem word: beweging, voortplanting, sensoriese
waarneming, voeding, asemhaling, uitskeiding en groei. Leerders
moet hierdie prosesse verstaan en kan onderskei tussen lewende
en nie-lewende dinge. Die voorstel is dat onderwysers die woorde